All India Football Federation (AIFF) leh Celebrity Management Group (CMG) tangkawp chuan North East Premier League (NEPL) buatsaih tha a ti a. 2012 atanga khelh tura ruahman North East state pariat (Sikkim telin) a club tha ber theuh te inelna tur hian Mizoram football pawh a nghawng thui hle ang.
October ni 27, Thawhlehni khan AIFF Vice President Ankur Dutta leh CMG Executive Director Bhaswar Goswami te chuan State Guest House ah football lama mi pawimawhte leh thuthar lakkhawmtute an kawm a. He hun hi Mizoram Football Association (MFA) hotute bakah Sports Council hotute leh Aizawl District Football Association (ADFA) hotuten an hmanpui.
NEPL hi DONER hnuaia India hmar chhak state 8 a team tha ber theuhte inelna tur a ni dawn a. Kar 9 chhunga khelh tura ruahman a ni. He inkhel te hi Home leh Away a khelh tur a ni dawn a, inkhel hi kartawp lamah TV ah emaw khelmualah entheih turin a awm thin dawn a ni.
Eng nge CMG?
Kolkata a bul tan Celebrity Management Group (CMG) hi tuna Exexutive Director Bhaswar Goswami leh a thianpa din a ni a. Sport events leh chi hrang hrang huaihawt thinin India a Maradona, Lionel Messi telna Argentina team te chahchhuaktu ngei kha a ni. India a inkulh nimahse khawvel huapa lian International Management Group (IMG) pawhin an el hle tawh niin Goswami chuan a sawi.
NEPL in a tum
AIFF leh CMG hian NEPL kaltlangin talent haichhuah leh naupang zawk te tana hun tha siamsak a ni a. North East ah hian professional football khela eizawng an tamloh avangin heng inkhel thin, thiam tak tak, eizawnna mumal neilo te hi nasa takin kawng a hawnsak bakah nasa takin a pui dawn a ni. Heng bakah hian entu mipui tihphur leh sumdawnna lama nasa taka hmasawntir a tum dawn a ni.
NEPL a hmathlir dan
NEPL hian tun hun chauh nilovin hmalam hun a thlir lawk nasa a. North East ah hian khawvel huap pawha football inrelbawlna tha neih a duh a. North East ah hian football club changtlung tak, naupang leh thalai te hip thei tur din a duh a ni. NEPL kaltlang hian mipui kum bithliah bik nei lova football avanga inzawm chu a duhthusam a ni.
NEPL a tel thei te
North East a state 8 zinga club tha ber theuh te an inel a nga. I-League a tel (Shillong Lajong) te erawh chu telh an ni lovang. ‘Institutional team’ kan tih-Assam Rifles, Oil India Limited ang te hi telh phal an ni lovang. Hetihlai hian FC Kulikawm, Dinthar FC, Luangmual FC te chu tel theih a ni dawn a ni.
Thla 9 chhung hian vawi 60 chuang inkhel a awm dawn a. Heng inkhel a tel tur club te hian player an duh duh an la thei bik lova. Lak theih/dan bik a awm dawn a ni.
-Team khatah player 25 an awm tur a ni
-Heng 25 ah hian foreigner/India pawnlam ami player 3 lak theih a ni ang
-Heng 25 zinga 6 te hi ‘catchment players’ an ni a nga
-Heng 25 zingah Under 21 player an awm tur a ni
He hunah hian Ankur Dutta leh Bhaswar Goswami te chuan zawhna thahnem tak an chhang a. Football kaltlangin changkang taka hmalak chuan North East a footballer tam tak tan hian eizawnna mumal kawng a inhawnphah theih an rin thu te, entu pawh nasa taka a hip an rin thu te, USA a Major League Soccer (MLS) an entawn thu te, CMG in ram chauh nilo khawvela club tha te pawh an biak thu an sawi. India in football ah hma a sawn nasat thu an sawi rualin India rama football siamtu lian Nivea ball siam chu Argentinian te khan pet a nuam antih thu an sawi hi hriat a nuam hle in ka hria. Ankur Dutta chuan tuna FIFA ranking a India tlahniam chu a pawimawhber anilo tih a sawi a. Hei aia pawimawh chu India in FIFA World Cup an thlen hi a ni tiin ZoFooty chu a hrilh.
online cialis
cialis coupon walmart
cheap cialis online
levitra vs cialis
Best price for viagra
viagra no prescription
Mi tamtak tan vanneihna
Kan dam chhung hian World Cup kan khel phak ve hman ang em aw??
Fehruary a khelh tran tura an sawi tun thleng a Rin-thu kan la sawi mai2 hi chu ho ve angreng…
Ka rindan chuan league a khel tur thlanna hi kumtin an neih mai ka ring. League tak hi chu a rei vak chuang lova, league khelh phak tuma club hrang hrangte inel tur pawh a hma ai chuan a boruak deuh tawh ang chu.
Hei chu ka rin dan ringot.
Van nuam dawn em…in ti ti khi a dik khawp mai..Khaihhruaina mumal tak nena kalpui ngei chu angai ang…GP…:)
A lawmawm rual in an thil tih hi chiang deuhva ngaihtuah angai, an mahni sawi dan in Major league Soccer(MLS) entawn antih lai tak khi, an mahni sumhmuhna tur chauh an ngaihtuah ania, MLS an hian team chhe ber pawh an Relegate ve ngailo ania,Entirnan Mizoram atangin Kulikawn fc chauh in emni khel reng dawn?
He North east league ah hian eng tin nge state tin atanga state league champion theuh ten 2nd Season atangin an khel ve dawn emni? lo khel ve ta se @season atang chuan team 16 in he league hi an khel dawn emni?
MFA hnuaia club tha ber tel tur chu 1st division club anih ngei chu ka ring a. Heta tel dan tur hi chu MFA lamin an ngaihtuah that leh chu ka ring. Tuna MFA League te hian awmzia a neih ngei chu ka lo ring ve tawp.
Mizoramah hi chuan Tournament hran siam se a fuh ka ring mah zawk.Tunah AFC te hi FC Kulikawn te ai hian an tha daih thei chuvangin kan ram aiawh tur annih dawn avangin team inkaihhruaina nei tha leh sum nei a pawimawhin ka hria
Hmathlir an va han nei tha tak em.. Amaherawh chu he post ah ziah lan a nih loh vang nge Team tel tur thlan dan tur chungchang hi chu FA tin ten ruahmanna fel tak an siam a ngai dawn a ni.. Thiam taka induhsak bik vangin kan Team thenkhat te hian ‘Match Official te vangin kan khel ve thei rihlo’ te an ti mai ang tih a hlauhawm a nia.. Hehe.. GOOD POST..
Hei zet chu a va pawimawh ve aw…Engtinnge team á¹ha ber hi an thlan ang? MFA 1st Division League-a an standing hi an ring thei mai angem? Nge a hranpain tournament an siam ang?
Hetia state dang club te nena inkhelh zeuh zeuh hi Mizoram club-te mamawh ber pakhat chu a ni ngei ang. Exposure mai bakah, NE ah hian kan club te eng dinhmunah chiah nge an din tih pawh kan hre thei dawn a ni. Chuan kan home tur chu Lammual a nih ka ring ve ngawt a, chuan nakin deuhah Mualpui Stadium he2..
hei chu chhiar ava nuam tehreng em, KZP đŸ™‚
ava tha em,inpho chhuahna chance a sang zel dwn e