NORTH LONDON A SEN !

North London Derby hmuhnawm takah Arsenal chuan an hmelma Tottenham Hotspur chu 3-1 in Emirates Stadium-ah an lo hneh a, North London a sen e.

Inkhêl pumpui thlirin Arsenal chuan hun tam zâwkah inkhêl an thunun a. Thomas Partey goal mawi tak hmanga hma an hruai hnuah Harry Kane chuan penalty aṭangin Spurs si phur a sût.

Second half ṭan hnu lawkah Tottenham goalkeeper tawnhriat ngah Hugo Lloris a che sual a, Arsenal chu goal ‘khilai’ in Gabriel Jesus chuan tun season Premier League-a a goal 5-na a khung. Minute 62-naah Emerson Royal chu Gabriel Martinelli kerêka a rah avangin referee Anthony Taylor chuan a hnawtchhuak a. Hemi hnu lawk hian Granit Xhaka chuan Arsenal goal thumna a khung.

Gunners hian goal thum an khung hnuah inkhêl thunun chhunzawm zêl mahse hun tâwp thlengin goal an khung belh ta lova. Khelh 8 ah point 21 hmu in Premier League-ah hma an hruai chhunzawm zel a. Tin Premier League-a game 14 chhung hneh loh tawng tawh lo Antonio Conte teamte record duhawm tak an tihtâwp sak bawk a ni.

Mikel Arteta teamte hian karleh Pathianni zânah Liverpool an lo mikhual dawn a, Tottenham Hotspur hian Inrinni zânah Brighton khelmual an pan ve thung ang. 

Arsenal 3-1 Tottenham Hotspur (FT)
AFC: Thomas Partey 20′, Gabriel Jesus 49′, Granit Xhaka 67′
TOT: Harry Kane 31′ (P)

RED CARD: Emerson Royal 62′