Northeast United – ah Joe Zohera kan hmu dawn em ?

Season liam ta ISL semi-finalist Northeast United chuan Bengaluru FC defender Joe Zoherliana chu an hel mek a, an lakluh ngei rin a ni.

Northeast United hian ATK Mohun Bagan zawm ta Ashutosh Mehta hmun ruak luah tur an zawng mek a, Joe Zohera hi an lalut a nih pawhin thil mak a ni lo ang.

Shillong Lajong pumchhuak Joe Zoherliana hian Shillong Premier League – a hming a chher hnuah Chanmari FC leh FC Pune City tan a khel tawh a. Kum 2018 khan Aizawl FC zawm lehin I-League ah a khel a, nikum khan Bengaluru a pan leh a ni.