Pathianni kalta khan November thla chhunga Premier League player leh manager che ṭha ber thlanchhuah an ni leh ta a, tunhnaia che ṭha tluang tak Tottenham Hotspurs in Player of the month leh Player of the Year award hi an la ve ve a ni.
Spurs midfield lunghlu Parker
Tottenham Hotspurs midfielder Scott Parker chu November thla chhunga BPL player ṭha ber a thlan a ni. Kum 30 a upa Parker hian nipui laiin Tottenham a zâwm a, a taimakna leh field lâia a khelh danin football fans te mit a la nghal.
Game pawimawhah chuan a khel lo thiang lo a ni ber tawh a. Lehlam game ṭhiattu leh ball chhuhsaktu ber niin, attacking game ngaina tak Spurs tân tlarhnung âwl lutuk tur venghimtu pawimawh a ni. He award dawng tur pawh hian a âwm ber mai awm e.
Redknapp a nep lo
Tottenham manager Harry Redknapp hian tunhnaiah a lûng ṭhat loh avangin zai a tâwk a, a rawn lêt leh hnuah a naute a chetṭhatpui ngei mai. November thla chhungin West Brom (away), Aston Villa (home) leh Fulham (away) lakah hnehna a chang vek a ni.
Player of the month leh Player of the Year award te hi Barclays Award Panel in an thlang ṭhin a, panel-ah hian media, fans leh football association-a thuneitute an tel a ni.
Pingback: Buy cheap cialis online
Parker hi ka icon nia,..a phu ka ti khp mai keipoh..
Ka lawmpui e.
An pahnih hian pek awm tak an ni e. Scott Parker an lalut hi chu an tifuh cher cher ngawt mai.
Nia Parker hi chu a taima em a,thahrui a ngah bawk sia khelh chhiat tak tak hi a nei ngai meuh lo chu a ni e!!Lawmpuiawm dun e
Spurs leh Parker ka lawmpui e, dawng awm tak an ni.
1st…Parker hi chu a game hi a taima ve hrim hrim in ka hria. Harry Redknapp pawh hi english manager ah chuan tha pawl tak a ni. Ka lawmpui e.