Novy Kapadia a thi

Indian football – a expert leh commentator langsar ber tih ngam Novy Kapadia chu zanin khan kum 68 mi niin a boral.

Delhi University hnuaia professor ni thin Kapadia hian natna vang tak, nerve leh thluak lam khawih natna ‘motor neurone disease’ a neih avangin kum 2 vel zet chu pawn a chhuak tawh lo a, zanin khan a boral ta a ni.

‘Barefoot to Boots: The Many Lives of Indian Football’ tih lehkhabu ziaktu Novy Kapadia hi a hriatna thuk tak avang leh football commentary lama a hming a chher em avangin ‘The Voice of Indian Football’ tih hial thin a ni a, a thihna hian Indian football a deng chhuak rang hle.

AIFF chuan an uizia sawiin,”Journalist, commentator leh football expert tha eltiang Novy Kapadia thihna hian min barakhaih hle a. Indian football hmanga a hna thawh te kha vul zel rawh se,” tiin thuchhuah an siam.