Report hrang hrang atanga a lan danah hian Arsenal chuan Real Madrid midfilder Nuri Sahin chu season-long loan in a lafel tep tawh niin a lang a. Liverpool pawhin Nuri Sahin hi lakluh an tum ve mek bawk a, amaherawhchu Real Boss Jose Mourinho-a’n berin hralh hlen a phal loh avang leh, amah Sahin hian Champions League khel tur club a luh a duh ni a sawi anih avangin Arsenal-a a luh ngei hi a rinawm tawh hle a ni.
Real Madrid leh Arsenal te an indawr dana an sawiah chuan, Nuri Sahin hi a khelh that dan a zirin Arsenal hian season tawpah a nghetin an la thei dawn a ni. Real Madrid hian midfield players hrawl pui pui an nei nual a, £8m a Borussia Dortmund atanga an lei hi tunah rih chuan mamawhin an inhre vak lo a ni ngei ang.
Arsenal tan chuan Nuri Sahin lakluh hi Alex Song-a’n a chhuahsan tak midfield hnawhkhahna tur atan chuan iaiawm lutuk niin a lang lo. Player inang lo tak leh khelhdan kalphung pawh inang lo tak an ni ngei mai a, kan hriat angin Alex Song chu defensive midfielder a ni a, defensive game khel thin leh player chak tak a ni tih pawh kan hre vek awm e. Season hmasa (2011-12) ah erawh kha chuan Arsenal in Mikel Arteta an lakluh hnu ah attacking lamah a tha a thawh hnem mah zawk emaw tih tur khawpin goal nawr lamah a tangkai a nih kha. Nuri Sahin erawh hi chu central midfielder, playmaker kan tih ang hi a ni deuh mah a, a khelh dan enchian hi chuan Mesut Ozil nen an inang hle mai a, mahse mi tam tak chuan Ozil nena tehkhin chi ah chuan an ngai lovang.
Nuri Sahin hming a rik reng lai hian Rennes defensive midfielder Yann M’Vila hming a rawn ri thar leh bawk a. Hetia Sahin leh M’Vila hming a ri kawp ta nawk mai hian heng midfielder te hi an pahnih hian Arsenal hian an lalut dawn nge, a tu emaw zawk zawk an lalut dawn tih hi football lam ziakmite leh supporters tam tak te zawhna a ni mek. Tunhnai lawk khan Arsenal boss Arsene Wenger chuan midfielder pakhat leh defender pakhat an zawn mek thu a sawi zauh mai a, hei hian thil a tichiang lo lehzual a ni. Arsene Wenger hi thil zep thei tak leh thil a sawi lam ni lo deuh a kuai her leh thin a ni na a, he a thusawi erawh hi chu a sawi ‘mai mai’ lo niin a lang bawk si.
Arsenal hian Nuri Sahin hi lo lalut ta se, Alex Song hmunruak hi a hnawhkhat zo angem tih hi Arsenal Supporters tam tak te pawhin an inzawt nawk nawk a. Thenkhat chuan Nuri Sahin hi dahsâng zawk mahse Gooners tam zawk chuan Alex Song hmunruak hi a hnawhkhat zo in an ring lo thung a ni. Engpawhnise, Nuri Sahin hi Arsenal ah a lut anih phawt chuan Arsenal midfield chu engtiemaw zawng tak chuan an that phah hrim hrim in a rinawm a, bench lamah pawh Arsene Wenger tan duhthlan tur a tih tam phah awm e. Tin, ‘Creative-Midfielder’ mamawh tak Arsenal hian Nuri Sahin hi an la lut anih chuan Arsenal midfield che ve chu a hmuhnawm sawt in a rinawm a ni.
Inrinni a Arsenal in BPL a an match hmasaber an khelh tum khan midfielder thar Santi Cazorla kha a che na hle a, Arteta nen an inthlawp tha hle bawk a. Chutih rual chuan match-fitness a tlakchham vang nge ni ang Abou Diaby khan a midfielder kawppuite pahnih kha a thawhpui tha lo deuh niin a lang. Nuri Sahin hi lalût ta se, Diaby khelhna position ah khan khel ta se, Arsenal game kha a dang deuh angem? Sahin hi central midfielder ni mahse a work-rate a that avang leh a tackling a that avang hian Real Madrid ah pawh defensive midfielder angin an hmang leh zeuh thin a, Arsenal hian Alex Song in a rauhsan defensive position ah hian dah mahse a tangkai viau tho in a rinawm hle a ni.
Nuri Sahin hi long ball leh short passing thiam tak mai anihna hian Arsenal midfield chu a tiphuisui hle in a rinawm a. Arsenal tan chuan ‘quality signing’ a ni ngei ang le! Arsene Wenger hian lalut ta se a tihsual aiin a tihfuh hi a lian zawkin a rinawm a, attacking ah leh defensive lama hmankawp theih midfielder a lei a nihna chen pawh a awm ngei ang.
Arsenal hian Nuri Sahin an lalut ngat anih chuan tun season summer transfer window a inlei ṭha ber pawl an ni theiin a rinawm a. Robin Van Persie leh Alex Song ten chhuahsan mahse an players sign te hi ‘Nomawi’ chawi pui thei tur khawp chuan an hrawl ve thawkhat a ni. Mahse, Premier League a experience player leh hriam sa pahnih an hralh ngawt erawh hi chuan an team ah nghawng chu a nei ngeiin a rinawm.
Arsenal hian an mamawh em em mai midfielder ‘ball thiam’ Santi Cazorla an lei tawh a, mahse midfielder role ai mahin winger emaw attacking midfielder anga a khelh tam hmel zawk avang hian central midfield a ball ‘chalai’ tur ball-thiam dang Mikel Arteta nena kheldun tur an la mamawh hle a ni. Wilshere dam hun nghah ngawt chi a ni si lova, Diaby lah beisei a pha bawk si lova, chuvang chuan Nuri Sahin lakluh hi Arsenal tan chuan thil ‘man’ tak a ni ngeiin a rinawm.
Alex Song-an a chhuahsan tak hmunruak zau tak (?) hnawhkhat tur hian Nuri Sahin hi a tha tawk em? Arsenal in he zawhna hi chu an rawn chhang turah ngai ang.
cheap cialis
cialis generic name
viagra profesional
Mail order viagra
Sahin hi la lut se tha ang. Wenger hian player chhawr chu a thiam em hi, hma a sawn chho zawt zawt mai ang. Arsenal Midfield a khai ding zo khop ang. Song hi chu ka ui khawp mai. A ngaihawm dawn a ni.
Lut teh se. RVP awmloh hriat miahloh khawp hian, han inla ve tak2 teh se.
Ngaihnawm phian mai a.
Mourinho-an permanent a hralh nghal mai a phalloh dan atang hian Nuri Sahin hi ala ui tihna a ni ta… Chuti anih si chuan Sahin hi player tha ve tak ani tihna pakhat chu a ni ve mai lo maw? 🙂
Ziak gaihnwm hle mai..sahin lalut zwk se..
Pakhat zawk zawk an lalut dawn anih chuan Sahin lalut zawk rawh se, an tifuh zawk ang.
player chhe ltk chu a nilo tih chu a chiang a Real madrid in an lei dan ah, mahse Madrid ah regular starter a nilo tih erawh chu kan hriat a ngai awm e.. 😀 mahse Mourinho in hralh em ah chuan a ui deuh a ni awm e
Ngaihnwm hle mai,lo lut se,attacking role play sela,a dinpui turte chu hn khelho pht se kn puin ahre maianga,Cazorla hi wing lamah wmse,Walcott leh Chamberlain lh Gervinho teho nen hmun inchuh se,4-4-2 formation pangaiin ka hmu chak khwp mai
Rawn lut ve2 mai rawh se”