AC Milan striker Antonio Cassano chuan Inter Milan a zawmfel tawh a, hetihlai hian Inter Milan striker Giampaolo Pazzini chuan AC Milan a zawm ve thung. Milan club pahnihte hian striker hlui pakhat an chhuahtir rualin striker thar pakhat an nei ve ve dawn a ni. Cassano hi a to deuh zawk a, Inter Milan hian an ‘hmelma’ hi pawisa an pekbelh a, engzat chiah nge an pekbelh tih erawh tarlan a ni lo.
AC Milan leh Inter Milan te hi an striker te chungchangah rei tak an inbe tawh a, mahse tunah chuan engkim a chian vek tawh thu club pahnihten an official website ah an tarlang ve ve tawh a ni. Cassano hian Inter Milan ah kum hnih chhung contract a ziak ang a, Pazzini contract chanchin kimchang hi tarlan a ni lo thung a ni.
Ibrahimovic thlaktu tur Pazzini?
AC Milan in an striker palian Zlatan Ibrahimovic an chhuahtir a, tlarhmaah striker tharum ngah an mamawh. Kum 28 a upa Pazzini hi feet 5 leh inchi 11 a ni a, ball thiam zawk leh che rang zawk Cassano chhuahtir-a Pazzini an lakluh chhan hi a palen zawk vang leh a chak zawk vang nia ngaih a ni. Pazzini hian a pet goal zawha a celebrate dan, a mit hnuaia a kuta V sign a siam hi a larpui tawh a, AC Milan ah hian vawi engzat tâk celebrate thei tak ang maw?
Pazzini hi striker goal thun thei chungchuang a ni lo a, mahse tawnhriat ngah tak, a tlan thiam leh fin avanga a ṭhiante tâna goal chance siamsak thei tak a ni. Penalty box chhungah a hlauhawm a, ball keng thei tak a ni tel bawk. Atalanta a a khelh laiin goal 15 a thun a, Fiorentina tân goal 33 a thun tawh bawk. Sampdoria tân goal 48 a thun hnuah, beiseina sâng tak nen kum 2010 ah Inter Milan a zawm a, season hnih chhungin match 60 ah goal 19 chauh a thun hman.
AC Milan ah hian Atalanta aṭanga a larchhuahpui Montolivo nen an kheldun leh dawn a, anni pahnih hi Fiorentina ah pawh an lo kheldun tawh a ni. Tin, Inter Milan lama kal ta Cassano nen hian Sampdoria ah an khel dun tawh bawk. Italy tân World Cup 2010 leh Euro 2012 ah a tel ve ve bawk a ni.
“Ka club ṭan em em ah ka lût” – Cassano
Kum 30 a upa Antonio Cassano hi chu field chhunga a khelh dan chanchin i hre tam lo a nih pawhin, field pawna a ṭawngkam leh chetzia vang hian a hming chu i hre tawh awm e. Cassano hian Nilaini khan Inter Milan a zawmfel a, June 2014 thleng contract a ziak a ni. Inter Milan ah hian jersey no. 99 a ha ang.
Cassano chuan Inter Channel hrilhin, “Hunrei tak ka nghah hnuah ka club ṭan em em ka zawm thei ta. Hei hi ka tân chuan a pawimawh hle a, a chhan chu i ṭan em em club tâna i khelh chuan i theihna zawng zawng i pe ziah a ni. He club tâna ka khel tur hian hlimna thar min thlen ngei ang. Ka debut ah ka pet goal nghal angem tih ka hre lo a, tuna pawimawh ber chu Pescara hmachhawn hman tura inrin a ni.” tiin a sawi. Cassano hi season hmasa khan a lung (heart) zai a nih avangin hunrei tak a inkhel thei lo a, Euro 2012 ah Italy tân a khel thung a ni.
Cassano hi Bari, AS Roma, Real Madrid, Sampdoria leh AC Milan ah te a khel tawh a, Real Madrid tih loh ah chuan a khelhna apiangah player pawimawh tak a ni thei zel a ni. ‘A hmingin’ striker ni mahse a hmatâwnga nawrtu ber ai chuan striker hnung chiah emaw, a sirah emaw a khel tam zawk a, goal a thun piahlamah assist pawh a ngah reng a ni. Kum 1999-2000 season aṭangin match 395 ah goal 111 a thun tawh a, assist 69 a nei tawh bawk.
Milan palian pahnih zingah tu takin tifuh zawk ang maw?
source: acmilan.com, inter.it
cialis 20
cialis for sale
Best price viagra
Free viagra samples
GP
Hei chu(h)… ava mak ang reng ve maw le. Cassano hi kei chuan ka la duh fe zawk… VGP
Inter hian an tihfuh chu ka ringa,Cassano jwk hian tifuh a inti rei ange mw,club lian 2 inhal si ah chuan player an inkalpwh ve ngwt mai