August 8, 2012: French club hausa Paris Saint Germain chuan Sao Paulo aṭangin Brazilian midfieler Lucas Rodriguez Moura Da Silva an lei fel tawh tih an puang. Manchester United in lei tuma hun rei tak an veh tawh Lucas Moura hi Olympic football final khel turin a inbuatsaih mek a, season thar ṭan tirhah PSG hi zawm nghal mai lovin, January 2013 ah a zawm dawn a ni.
Lucas Moura lei nan PSG hian euro maktaduai 45 (pound maktaduai 35.5) an hmang a, kum 4 chhung contract ziakin, January 2017 thleng PSG player a ni ang. PSG hian tun nipui transfer laiin Lavezzi, Zlatan Ibrahimovic, Thiago Silva leh Lucas Moura te an lalût tawh a, an pali leina man belhkhawm hi pound maktaduai 140 vel a ni hem mai.
PSG chuan an official website, www.psg.fr ah thuchhuah siamin, “Paris Saint Germain leh Sao Paulo FC te chu Lucas Rodriguez Moura Da Silva transfer chungchangah an inrem ta. Lucas Moura leh PSG te pawhin January 2013 aṭanga January 2017 thleng inremna an ziak a, Moura hian January 2013 ah a teammate thar te zawmin, 2012/13 season chawhnu lamah PSG tân a khel ang.
“Lucas Rodriguez Moura Da Silva te ang player naupang ṭha tak kan lei hian hmalam hun atan PSG hi a inbuatsaih ṭan tawh tih a tilang a ni”.
Ibrahimovic an lakluh hnuah PSG manager Carlo Ancelotti chuan player thar lakluh an tum tawh rih loh thu a sawi zauh tawh a, mahse tunah Lucas Moura an lei leh ta. PSG hi club hausa a ni a, a neituten sum an ngah a, an duh duh an lei thei a ni ber a. Manchester United in lei tumin an veh an veh a, to an tih avangin a man hniam turin an nawr zel a. A tawpah sum lama buai lo PSG an ngam ta lo a ni ber mai. Hei bakah Lucas Moura hian Manchester United a khelh aiin PSG ‘revolution’ zawm hi a chak zawk hrim hrim niin chanchinbu leh website ṭhenkhat chuan an ziak bawk. PSG ah hian Brazilian an awm nual tawh a, Thiago Silva bakah Nene, Maxwell leh Alex te an awm a, Lucas Moura pawh a tlangnel phahin, a bik takin Thiago Silva hian he transfer ah hian awmze thui tak a neih rin a ni.
Kum 19 leka upa a ni a, pound maktaduai 35.5 man a ni a, he Brazilian ‘naupang’ hi eng ang takin ropui ang maw? Lo thlir ang u hmiang.
source: psg.fr/en
@Skinji Hruaia: Ka thin a lo rim em a tin ni, ball thiam goal thun thei player kan neih lohna hi rei leh tawh em a, ka champ20n tawh ngei ang.
Brazilian ho hi hriatthiam an har angreng! Tha deuh tur a ngaih hi English Game-ah chuan an chuti lua lo thin a. Moura pawh hi eng tak ang maw…. A man hi chu a phulo chu ka ti!!!
Sir Alex hian a tih tur dik tak a ti leh a nih hi.Hetiang zat2 a lei te chu a phu lo ltk.Kan mamawh em2 hran lo.Tlawm deuh chuan lei thei se poi lova 35mil. vel a lei ai chuan man tlawm zawk a defensive midfield lam thuam that a poimoh zawk.Tunlai Japanese player ho advance zia en chuan Kagawa tluk a a lei fuh tur hi an awm lo>Kan champion dawn tho tho
he player hi a khel ka en thin hian tha hi ka ti lo chu a ni lo a, hetiang em em a to tur hi chu a nilo in ka hria, Sir Alex hian a ti dik chiah a ni, Wenger-an a lei ngamlo hmasa ber a, chutah Chelsea lam in, city in an dawr leh a, Inter leh United in an inchuh a, PSG in an chang ta daih a, Sum ngah ngah HMELTHA a ni eee 🙂
Bvt,PSG revolution han chhim ve chu chakwm ve ve bwk aniag e
Ropui taka kan gaih pwh hi then khat cuan vwk ek ag lekah an lo gai ve bwka..khik3.. french league ina gaihven ahlwh thar tur hrim hrim hi atha ani..
Hahahaha..A va lawmawm ve..:D
Player tha hi chu kan pu pawh hian ngam huai ve deuhhlek se ni tur nia, kan chan leh tak hi maw, tu emaw tal chu kan lei ve ngei chu angai tawh takzet.
Ka thin hi a sa ut ut mai.
A va han mawl chiang tak em.
Tunkum cu Manchester city an reh viau a, PSG hian transfer bazar ah ro an rel ve thung a ni ber. A khelhpui turte an tha dawn bok a, eng cup emaw tal cu an lak ngei hmel e.
A mawl tak zet zet, a mawl lettawp, khawvela club ropui berin an sawm a, chu aiin sum nghah PSG a thlang vel, lo en reng rawh, i la ui viau ang aw, PSG ah khan engmah i ni tawp lovang, a eng nge maw a rilru ah awm reng reng le, a mawl chhah tih bak sawi tur ka nei lo.
PSG chuan Manchester City tluk pha tak ang maw? Manchester United hian C. Eriksen h RVP te la lut ve daih se la. hehe
man utd chu an va khongaih thlak ve hehe…
Man United chuan tunge an lei ve tak ang le???
lol… United chuan an lei leh ta lo nimaw?