Netherlands striker Robin van Persie manah Manchester United leh Arsenal te chu an inrem tawh a, club pahnihte inkara chinfel ngai awm ang ang chu tihfel a ni tawh tih Manchester United leh Arsenal official website te chuan an tarlang. An inremna zât hi he thuziah lai chuan club pahnihte website ah a la inziak lo ve ve a, chiang zawka ziahbelh a ni ang tih a ni. BBC chuan pound maktaduai 24 niin a ziak a, The Telegraph chuan pound maktaduai 22 niin a ziak thung. Hei hi a lo dik chiah lo a nih pawhin a sual tam puiin a rinawm loh.
RVP hi Manchester United player a la ni lo a, Ningani (August ni 16) ah medical test nei turin Manchester ah a kal ang a, hemi piahlamah amah leh United inkarah contract chungchanga inremna eng engemaw tihfel leh phawt a la ngai ang. Mahse a hautak ber leh hun duhrei ber, club pahnih inkar a fel tawh avangin chiang ‘thawkhat’ ah chuan a ngaih theih tawh a, United hotuten Premier League ṭan hma ngeiin Arsenal captain hi Old Trafford-a sengluh hman an tum ngei ang.
RVP + Rooney = Goals
He transfer hi rokhawlhna dang a awm loh a, a tawp thleng a kal thei a nih chuan tun nipui bazar-a Barclays Premier League transfer ‘hot’ ber a tih loh theih lo ang. Robin van Persie hi Arsenal captain leh an player ṭha ber a ni a, Premier League topscorer a ni a, PFA Player of the Year a ni bawk. August 2008 hnulamah assist 33 nei tawhin Premier League player zinga assist ngah ber a ni a, January ni 1, 2011 aṭang khan Premier League match 55 ah goal 48 tehmeuh a thun tawh. Hemi hun chhung hian Premier League player dang zingah van Persie goal thun zahve thun thei chu mi pakhat chiah a awm a, chu chu Manchester United-a a partner tur Wayne Rooney (goal 37) a ni.
Premier League 2011/12 a goal thun hnem ber pahnihte Man United ah an khel dun dawn a, Arsenal innghahna ni ṭhin leh Man United innghahna te chu club khatah an awm tawh dawn. A tawizawngin, van Persie hian football a khelh ve tawh chhunga a ‘form’ lai ber a hmang mek a, amah tluk thuaka form ṭha Rooney nen an inkawp dawn. Premier League defender te tân chanchin ngaihthlak nuam tak a ni hauh lo ang.
Manchester United hian Rooney bakah Danny Welbeck leh Javier Hernandez an nei tawh a, Dimitar Berbatov pawh a la awm. Striker thar hi an mamawh chiah em tih zawhna a awm thei ang a, mahse van Persie te ang player ‘ṭha bik’ hi chu eng team pawhin an ṭhatpui dawn a, Kagawa, Nani, Young, Valencia te ho belh leh la, Manchester United hian season tharah chuan pet goal lamah harsatna an tawk tawh lo ang. Premier League a attacking unit nei ṭha ber an ni hial angem?
Arsenal tân channa nasa tak a ni ngei ang a, mahse van Persie hi kum 29 a ni tawh a, Arsenal ah thla 11 chauh contract a nei tawh a. Contract thar a ziak dawn lo rau rau a nih chuan pound maktaduai 24 vela hralh hi an tih tur dik tak a ni a tih theih awm e. August 15, 2011 ah captain Cesc Fabregas chuan a lo chhuahsan tawh a, August 15, 2012 ah captain Van Persie chhuah tur thu a lang leh ta. Tun aṭanga darkar rei lo te ah engkim a chiang turah ngai ila, Everton leh Man United ten Thawhṭanni zana Premier League match an khelh hunah Man United kawr hain hmu hman tak ang i maw?
Premier League club lian ho striker (tur) te hi han enchhin teh le. A langsar zual ho chauh an ni a, tute ho nge ṭha i tih ber le?
Manchester City: Sergio Aguero, Carlos Tevez, Mario Balotelli, Edin Dzeko, Emmanuel Adebayor.
Manchester United: Robin van Persie, Wayne Rooney, Javier Hernandez, Danny Welbeck, Dimitar Berbatov.
Arsenal: Oliver Giroud, Marouane Chamakh, Lukas Podolski, Nicklas Bendtner.
Chelsea: Fernando Torres, Daniel Sturridge, Lucas Piazon
Tottenham Hotspurs: Jermaine Defoe, Giovanni dos Santos
Liverpool: Luis Suarez, Andy Caroll, Fabio Borini
Tunah tak hi chuan Manchester United fans ten nuam an ti ber mai awm e.
source: manutd.com, arsenal.com
Goal pui tawk an thun nghal phawt mai anih kha.
Next ah chuan Man Utd in Jack WIlshere kan chhuhsak leh ang.. 😀
arsenal club hi keichu ka dem,hmandeuhah kha chuan united nen an in el char2 thin kha nia….hmasawnna pakhatmah an neilo ka tive tlat…hmasawn silo hian an awm renga club dangin an san khalh ta zung2 mai lawm mawle……..
E..
@xavi: chelsea website ah hazard cu midfielder angin an dah a.
Player manto leh lar inkwp hian champion ahrig cuak vek kher love..chelsea hmatwgah khian eden hazard gatige in telh loh..stiker anilo ami?
Kanva bon dawn tak em.. Pet goal chur2 mai ang O..Captain a dam leh ta bok a… Tunkum chu Champ vek lo lo ang….lol
Rvp man hi 15 mP an pe phawt a,akhelhtam dan azirin 24mp thleng sang chho tur ani wm e,.sir alex hi afing thiam ani..tnkum cu cup wmthei zawng2 kan la dawn e..GGMU
Van Persie kan lo lawm a che…Mahse,Alex-a players lei duh dan zawng hi chu mamawhna line aiin players tha lei theih hrim2 a ngai poimoh zawk mawni le aw.Engpohnise a tha ltk,goal thun lamah chuan harsatna vak awm lovang
Giroud + Podolski + Cazorla nge Rooney+RVP+Kagawa che pui dawn lo en mai mai teh ang 🙂
Football-a tui ni lo, European Football lama tui ho chu an rawn inlar ta trak2 mai le!!!
RVP hi a thiam ka ti a, mahse pound mtd 20 plus chuan a to ka ti; season hmasa kha a ropui,,,, a bak zongah beisei phak lom char2. a inhliam leh chuan chuti hlauh 🙂 mahse inhliam loh vaih chuan RVP+Rooney = goalssssss
United chu an va bawn dawn ve le. Arsenal pawh striker thar an lalut nual bawka ngaihtuahawm loh turah ngai phawt ang
RVP, welcome to OLD TRAFFORD.
Nia, arsenal hi chuan champion no mawi hi an aim lo emaw ni chu aw tih mai tur hi a ni thin. Mahse hmangaihna hmasa hi ka bansan thei lo a nih hi!! Man utd hi ka tan ve tho thin a, mahse jap stam, beckham,etc an chhuah tir dan vel a tang khan an coach hian ka lawm a hlawh lo ve tlat. Liverpool leh man city hi team tan awm tak an ni ka ti bawk e…..
Ka player ngai ber pawl ka club huat ber te zing ami-ah a lut…:D
Chelsea tlarhma hi pan ber angin a lang a, anhnunga awmtur ho hi goal thunthei tak2 tur antam ber lo maw…!haha
Arsenal hi kei chuan Arsenal fans ho in Man United an huat ang em em hian ka haw ve lo, Man City leh Liverpool leh Barcelona tih loh hi chu huat em em pawh ka nei lo, Van Persie lo lut hi chu ka lawm a, Rooney nen an han inkawp leh ngat tur phei hi chu khawvel pumin an thlir chak khawp ang, player inlei nasa ve em em lo mah ila kan squad neih lai ah hian ka lawm tawk khawp mai, Eden Hazard leh Lucas Moura vangin ka rilru a na hle a, mahse tunah chuan ka lawm tawk tawh khawp, season thar chu kan turu Buru dawn e, beware of the red devils.
Man utd nih tinuam tu ani leh ta, he hun hi ka l0 nghak char char a. Kan champi0n dawn ta, M0ura changl0 mah ila lawm akim th0.
@Zama Rumkhar.. Ngaihtuah mai chuan ram tan beisei angin an che na lo tih lohah chuan anni pahnih hi chu tupawh kawpse an hlauhawm dun em em thin a ni si a. An inkawp tur hi chu thlir a chakawm thlawt a ni.
RVP leh Rooney in kop chu hmuh chakawm th khawp mai. BPL ah na3 chuan an ni 2 tluk a hmatawng hlauhom an awm dawn emo ni chu.. Attacking midfielder tha (?) Kagawa in a hna chawm velh poh en chak awm. Mase an in kawp fuhlo hlauh ve thei tho a. season thar tan vat2 th se ka van ti em
RVP hi an chhuah tir fuh tih zawnga sawi dawn chuan a fuhna point a tam. Fuh lo ti zawnga sawi lawk dawn pawn fuhlohna tur a rin point a la tam thei. Risk a tel ve chiang khawp mai coz an players lei tharte hi Pre-Season match ah chuan an tha pawh a ni thei, mahse BPL season tluan atan engnge an an ang? RVP la awm tel thei se chuan tu Club tan pawh an hlauhawm zual anga, a tel loa an lo che tha chho a nih pawn an ti fuh a ni mai.
Kum 29 mi, inhliam hrat tak hetiang zata an hralh thei hi an lawmpui awm. Mahse, Season hmasaa a chet that dan en leh Arsenal Bazar dan ngaihtuah hian Sum lampang an ngai pawimawh zawk emawni chu a tih theih.. Manchester United pawh hian an lei risk huai tihna ka nei. Kum 33-34 thleng chu a chhawr tlak turah ngai ila(inhliam a hrat si). Kum upa rau rau ah Striker leh Defender te aiin Midfielder hian an daih rei zawk mahin a hriat zui. Transfer fu tak(Arsenal tan leh M. Utd tan) a ni em tih ilo thlir ho teh ang u.
Darren Dein agent a hmang ho zawng an chhuak kim trep ta e.Cesc, Nasri, Clichy, RVP…Song chiah a nita, ani pawh hi Barca lamin an la dawn tih thawm a ri ring khawp mai..
David Dein (ex-Arsenal vice chairman) fapa Darren Dein nena thawk ho players zawng2 hi chu chhuak vek mai teh se, Arsene Wenger kan nei alawm.. 🙂
“Heroes come and go, Our passion is forever ”
COYG
Ka lo hriat ve danin Welbeck hi tunah 75k/w offer mek a ni a.
Hernandez hian 80k/w a hlawh pha niawm ka hre bawk a .Rooney chu 225k/w.
Chuan RVP on offer tur hi anlo sawi lok tawh ang deuhvin Rooney hlawh zat 225k/w anih hmel bawka.Tin BErbatov hi ala cham a nih phei chuan 110k/w vel hlawh a ni bawk nen. Striker/Forward te ho ringawta 35mil a year han hman chuh.. !!
“We invest in youth, City pay silly money” ti tu hian midang sum hmang hi a hmusit ve ngawt zel chu niah!
Ummmm……….chawei tui lohna khawp em em a nih loh hi maw..Wengera leh a ho te hi sum lampangah an buai ti dawn ila a ni awm bawk silova. Marawhchu miin sum a duh a contract a ziah duh tlat loh chuan tihngaihna a awmlo a ni ber mai a. Giroud leh Podolski an awm tawh tho alawm ti mai teh ang. Hemite pahnih an lak pawp nachhan chu RVP a rilru tur hi a hrechiang hle a ni mai. Chuvang chuan ui tak chung sin kan thlah a ngai dawn anih h RIP..RVP…..Man U ‘hmelma club’ ber kher a akal hi chu a zialo deuh chu a ni. Ka va huphurh nilo in.
In Arsene we tr…………. eng dinhmunah pawh ding se ARSENAL fans ka nihna hi sawinghinin a awm dawn chuang lo. Hemi kawng ah kher kher i chuan Joba’n Pathian a rin tluk han ka nghet a ni tih in lo hre hlawm dawn nia.
Arsenal-a a khelh ang khan a khel tha zui kher angem tih ka ngaihtuah vel mai2, engpawh nise khel tha zui zel turin duhsakna ka hlan e.
@Ramenga. Olivier Giroud hming hi i hriatloh chuan Ligue 1 i bello hle turah ka ngai a. Ligue 1 hi sanglo se chu Eden Hazard pawh hi kan chiauau vak ka ringlo. Premier League ti hmuhnawmtu zingami te hi Ligue 1 lam chhuak an ni ve fo mai a. Ligue 1 joint top scorer chu Premier League, La Liga leh Bundesliga en thin tan chauh pawh a hmelhriat theih tawh ngei ka beisei.
Sie Alex-a club chu heti hi chuan Triple leh ngei don nih hi!!
An captain a an ruat ten an chhuahsan zel mai chu niah..hetiang hi chu club ngialnghet tak tih a harsa khop mai..UCL an khel phak a,an champ lo a,consistent nimah se trophy chawilo tak a that chu player tha in an duh lemlo a ang khawp mai. Arsenal player te hi en mah ru….tunhnai kum 1-4 a an leikhawm deuh vek an ni tawh mole..!! The Invincibles team a la khel phak chhun Van Persie a chhuak leh ta bawk sia!!
@Dika:Iti dik katia,ka gaihdan chiah,hmm,swiloh tum pwn…..club ropui dangte hi chu an cpt. te club dangin an chhuh nailo mwle,min chhuahsan tute hi ka demlo keichuan
CHELSEA tlar hma khi a pan berrrr mai a nih khi, club lian ah chuan, Tot ka soi tel lo a.he2……
Mahse champion rim hi chu an nam sa ve hrim2 mai…United ho chu an lompuiom lap2 e, an khelh tham ve deuh toh ang chu maw 🙂
Arsenal chuan champions league an khelh phakin an duhtawk ringawt zel a, premier league champion nih hi an tum ngam tak tak lo emaw ni aw a tih theih rum rum.
Season hmasaa an squad kha champion turin a tha tawk lova, player thar an lakluh kha cuan an tha viau hman ania, mahse an captain ber an cuahtir leh daih hi chuh..podolski hi club lianah a bon lem lo. Giroud hi Arsenal in an lei hma khan vawi engzatnge a khel kan hmuh a, a hming kan chhiar? Premier League a la khel ngai lo pahnih hian an vawikhat inkawpna ah Arsenal champion pui na tham goal an thun thei angem? Ka ring chiah lo.
Arsenal chuan kei veilam tha lutuk (Persie) aiah kei veilam pahnih (Giroud leh Podolski) an lak khan Persie dinhmun hi a derthawng nasa tawh tih chu a lang a. Kum tina an sawi thin player tha a chhuah vanga tlachhe tura an rin, an rinsual fo hi chu an rin sual leh ka ring ve phawt chu ania. Arsenal hian a player tha a hralh hi a mak rualin a sum lam zawnga kum 29 mi, thla 11 chauh contract nei tawh 24 million a an la hralh thei hi chu Arsenal hi an thiam ka ti thung. Football management hi 1 chauh ni tohlovin 2 in a kalkawp reng a ngai dawn rih chu anih hi. Man Utd tan Moura chan mahse Persie an chang. Arsenal tan player tha an chan, tu tak rawn inlar leh maw? Henry,Fabregas,Persie…next?
Chelsea fan mah ni ila, Arsenal fan te ka tawrhpui khawp mai.. Arsenal ah hian an inchher hriam sauh2 a, an thatlai takin an chhuahsan daih zel mai! Hetiang player ho hi ka huatpui tlat!sala. Man City forward line hi an hrawl ber mai.
isi le… hmuhnawm leh dawn e, united lamah hian a goal thun theihna hi a chhawm em ang chu maw … hehe
Comment 13 na hi a van dik em! Amah, rvp hi a uihawm em em, man utd kher a an lut hian arsenal rilru puthmang, champ aia sum a hlawkna an tum zia a ti langchiang hle a ni. Ars ka lo tan ta kher kher chu tih mai ava awl em!! Mahse rvp hi arsenala a hit ang chuan a hit ka ring lo e.
Rooney leh Vanpersie han in goal thun siak vel tur chu ka hmu chak tawh khawp mai a, GGMU.
A mak hle mai. Arsenal management board hian Football management lam ai mahin Financial Management lam an ngai pawimawh zawk niin ka ngai. Kum tina an experienced players te an chhuah a,squad thar an din a ngaih ziah hi chuan Trophy hi chu an banphakah a awm har dawn a ni. Football club hian pawisa a hlawkna ringawt bakah champion trophy hi a mamawh tel a ni. A pawimawh dan a inang rengin ka hria.
RVP tan Old Traford kawngkhar a in hwng reng e… Glory Glory Man United. 😀
Nuam dawn khawp mai, United chu tichuan khelh tham an awm ve deuh tawh ang chu. Arsenal erawh an khawngaih thlak dawn hle mai.
A va mak duh ve …
A va nuam dangdai tehreng m…..GGMU
Welc0me RVP..champtheilo club a awm ai chuan a tifuh hrim2..
@Ramenga:Thluak aluh ngut2 mai kati,i thiante irwn swi takah chuan Torres leh Ronaldo te chhuak chu atuartu tan chuan ana thoang,mhse an elpui(Europe/England)te pan tho mhse an hmelma te anni ve lemloa……kati deuh
Va nuam duh dawn ve,
@laipuichhuanga: Liverpool aṭanga Torres a chhuah khan ka ṭhianpa Liverpool fan chuan chaw a ei thei lo tawp tawh. Manchester United aṭanga Ronaldo a chhuah pawh khan muhil thei lo an awm nual ngei ang, ka hrethiam khawp mai che. Arsenal player a nihna piahlamah Dutch a lo ni lehzel bawk sia.
Sir Alex-a hian midfielder dang lei a tum ta lo emawni le? 🙂
Post thatak ni mhse thu ngaihnwmlo ber pwl ani tlt,muthilh tumlo law2 te’ng,bak chu ka switam peih rih love
Arsenal fan ho chu an titi ngaihthlak a chakawm hle mai a…an fb group ah joint keuh ila a tha ang!
Good luck Van Per$ie kan ti ve mai2 age……………
Good post. ka lo nghakhlel tawh lutuk a..van persie kal na tur hi,,mahse ka beisei lutuk lohna hmun ah a kal daih. Man Utd hian an mamawh lem em moni le…