Brazil 1-2 Mexico
(Hulk 90′) -(O. Peralta 1′,75′)

Olympic Football Final : Mexico in O. Peralta goal hnih hmang in rinkai zawk Brazil chu 2-1 in an hneh a, Olympic Football ah Goal medal an dawng ta, Brazil hi World Cup vawi 5 lo champion tawh mahse Olympic Gold medal nei lo in a ho a tul leh ta a ni.

Inkhel te :
Brazil: Gabriel; Rafael, Thiago Silva, Juan, Marcelo, Sandro, Romulo, Alex Sandro, Oscar, Neymar, Leandro Damiao.

Mexico: Corona; Jimenez, Mier, Reyes, Chavez, Enriquez, Salcido, Herrera, Fabian, Aquino, Peralta.

Inkhel chanchin : Wembley Stadium a inkhel ah khawvel in Neymar chevel a hmuh chak rual in Chelsea player thar Oscar chu English media te focus a ni bawk. U-23 Tournament nimahsela Brzil hian star player an ngah mai bak ah an National squad tihtheih tluk a tha an ni, Mexico lam erawh Fulham a lo khel tawh Salcido leh Giovani Dos Santos tih loh hi chu football khawvel a hmelthar kan tih tur te an ni hlawm awm e.

Inkhel an tan chiah sec 27 vel ah Man Utd defender Rafael chuan tul lo tak in a back pass a, Sandro clear tur chu O Peralta chuan lo dawng in mawi zet in Brazil keeper Gabriel dan hman loh in a pet goal nghal ta mai a, stadium chhung a fans ten thuthmun an rem fel hma in 1-0 in Mexico in hma an hruai ta der mai. Game a tang nghal hle a, Brazil lam an tang a, amaherawhchu Mexico player te an tangrual in an remkhawm tha hle. 1st half ah Brazil in chance an neih that chhun chu Hulk shot deuh chiah a tih theih awm e. Goal hlauhawm tak awm lem lo in 1st half a tawp.

2nd half an tan a,min 47-na ah Hulk in free kick tha tak in a pet chu Enriquez in a lo dang hlauh. Neymar a tal na a, mahse goal shot a nei tha lo tlat, Oscar leh Neymar inthlawp a hmuhnawm rual in Mexico player te discipline tha tak in an lo dang chat zel, Min 67 na ah Mexico player Fabian chuan through ball tha zet a um luh chu goal bar a pet pet hlauh, Mexico game a tha tulh tulh a,min 72 na ah Fabian bawk chuan a head over leh hlauh bawk. Min 75 ah Mexico chuan box dinglam pawn hret atang in free kick an hmuh chu changtu neilo O Peralta chuan mawi zel in a head goal a 2-0 a ni ta!! Brazil tang hle mahse goal an khung hleithei tlat lo a, min 90′ ah Hulk chuan mawi zet in goal a khung a,Brazil an phur thar leh a, a hnu lawk ah Oscar chuan a head over hauh a, hun pek belh a zo a, 2-1 in Mexico an chak ta a ni.

Olympic Football ah hian Mexico in Gold an la a, Brazil in Silver, Japan hneh tu S.Korea in Bronze an la bawk.

Mexico team sawi chhunzawm ang : Mexico team hi champion tura beisei an ni lemlo awm e. Chutihlaiin Brazil team hi Olympic hma atanga mite sawi hlawh tak leh champion pawh ni se tu pawh in awm kan tih an ni thung a. Amaherawhchu football field ah chinfel tur a ni a, Mexico team an khel tha a, an champion ta! An player tha te an la lar em em lem lo a, Mexico in Golden Generation an tih player tha tak tak Chicharito, Vela, Guardado, Barrera, Torres Nilo leh Marquez te he Mexico team ah hian an tello mah mah!! Football chu teamwork , thahrui leh thawhhona tha a nih zia an pholang chiang hle. Mexico National team pawh in hma an sawn pha hle a rinawm.