Liverpool defender Sotirios Kyrgiakos chuan German club Wolfsburg free transfer in a zâwm. Hetihlai hian forward Daniel Pacheco pawh loan in a chhuak dawn a, Spanish team Rayo Vallecano ah a khel ang.
‘The Greek’ a chhuak ta e
English club Liverpool defender Sotirios Kyrgiakos chuan club thar a nei a, season tharah chuan Wolfsburg kawr a ha tawh ang. German club ah hian kum 2 chhung a tan contract a ziak a ni.
A hming hi sawi mai a harsat bakah lam dan tur bik a nei deuh a, hei vang hian English commentator leh pundits ho chuan ‘The Greek’ tiin an sawi mai ṭhin. ESPN a kan hmuh ngun tak Shebby Singh pawhin hei hi ‘racism’ a ni lo tih a sawi zeuh zeuh tawh kha.
Kum 32 mi upa Kyrgiakos hian kum 2009 ah AEK Athens aṭanga Liverpool a zawm hnuah game 49 chiah a khel hman a, player pawimawh lutuk a ni lo tih chu a hriat theih awm e.
Pacheco a intathriam dawn
Liverpool-a khelhna la chang pha chiah lo Daniel Pacheco chu Rayo Vallecano lamah season khat chhung loan in a chhuak.
Kum 20 a upa, Spanish forward Pacheco Madrid ah ilaini ah medical test a nei dawn a ni. Kum 2007 a Liverpool a zawm a, reserve team lama hming a chher hnuah December 9, 2009 a first team debut a khel. Liverpool kawr hain vawi 14 a inlan tawh a, Liverpool fans ten a lakah hian beiseina sâng tak an nei mek a ni. La Liga ah hian beisei angin che ṭha thei tak ang maw.
zara chu first thelh keuh a ni maw.!
Ka ui vak lo ve ve.
Kyrgiakos hi ka lo beisei ve aiin a khel tha lo tlat.. Kum 20 vel a nih lai khan lo la te chu nise an chher ropui leh zual viau ka ring.. Pacheco chu han in tat hriam teh se..
An chhuak hi awm ka ti first..
Pacheco hi a palian lo em a lawm le..a zuih ral ang tih chu a hlauhawm khop mai! Kyrgiakos chhuak chuan player thar a hring mai long mo?