Pathian chungah hian ka lawm êm êm a ni – Alex Samuel

Wycombe Wanderers chu season thara Championship khel turin an inpêt tling a. An inkhelh zawha an forwardte pahnih Adebayo Akinfenwa leh Alex Samuel te an ṭawngṭai mawlh mawlh lai video leh thlalakte kan hmu tawh hlawmin a rinawm.

Khami ṭuma an ṭawngṭai chungchang kha Welsh kum 24 mi Alex Samuel chuan hetiang hian a sawi –

“Engvangin nge ṭhingṭhi a Pathian ka fak?

“Kum 2 liamta tun ang hunah khân hna nei lovin ka awm a, ka inhliama ka club khelhna aṭangin min chhuahtir bawk a, ka football zinkawng hi a tâwp lek lek a.

“Chutiang hun ka tawh lai tak chuan Pathian hnen aṭangin Wycombe tâna ka khelh tur thu hi hriattirna ka dawng a. Chumi hnu lawkah chuan zai ka ngai a ni tih kan hrechhuak zui a.

“Ka hliam ka dam hnuah chuan pre-season pawh a zo vek tawh a, Pathian hnen aṭanga hriattirna ka dawn kha thil thleng thei ni pawhin a lang tawh lova.

“Mahse season ṭan hma kârah chuan Wycombe chuan trial turin min rawn ko ta thut mai a, hemi hnu lam thil thleng hi chu sawi zui ngai lovin vawiin dinhmun hi kan thleng ta a ni.

“Pathian chungah hian ka lawm êm êm a, ka nuna mi tam tak min pekte avang hian ka lawm a. Ani chuan thil theih loh ni a lang hi a theih a ni tih min hmuhtir a ni.”