United hian tun season-ah penalty vawikhat an hlawhchhuahna turin an tumpuite penalty area chhungah ball vawi 71 zel an tawk ang (touches in box per penalty) a chhût a ni a, hei hi Everton nen chuan a inthlau khawp mai.
Everton hian tun season-ah penalty vawikhat chiah an hmu a, an ball passing aṭanga chhûtin penalty vawikhat hlawhchhuahna atana an tumpuite penalty area a ball an inpêk ngai zât chu vawi 887 zet a ni. Carlo Ancelotti naute hi tun season Premier League a penalty hlawhchhuak harsat ber an ni.
Club lian zingah Arsenal chu penalty hlawhchhuah harsatber an ni a, anni hian penalty hmu turin an tumpuite penalty area ah vawi 311 an inpêk zel ngâi anga chhût a ni a, Gunners dawtah hian Liverpool awmin anni hian vawi 265 zel an inpêk a ngai a ni.
Tottenham Hotspurs (204), Chelsea (172) leh Manchester City (148) te hian United hi an hnaih leh deuh a ni. Sawi tawh angin hei hi ball an inpêk (passing) aṭang zela chhût a ni.
