Barclays Premier League players ten England-a chawimawina an dawn theih zinga ngaihhlut ber, Professional Footballers Assocation (PFA) Player of the Year 2011/12 nominees te tihchhuah a ni leh ta a, Arsenal captain Robin van Persie chu he award dawng tura rinkai ber a ni.

PFA Player of the Year leh PFA Young Player of the Year atân hian mi paruk ve ve nominate an ni a, England-a football khela eizawngten vote an thlak hnuah, Pathianni (April ni 23) ah result puan a ni ang.

Player of the Year ah hian top scorer Robin van Persie bakah Manchester United striker Wayne Rooney a awm a, Tottenham Hotspurs midfielder Scott Parker pawh a kum zawnin a lang bawk. Manchester City in thawhhlawk berin player pathum ngawt an thawh a, Sergio Aguero, Joe Hart leh David Silva te chu chawimawina dawng thei tura nominate vek an ni.

Young Player of the Year ah Aguero, Bale, Chamberlain, Sturridge, Welbeck leh Kyle Walker te an awm a, han en mai chuan Sergio Aguero hi a khân deuh ber a tih theih awm e.

I thlan tur ni se, tunge Premier League 2011/12 season-a player ṭha ber atân i thlan ve ang le?

Nominees for Professional Footballers’ Association

Players’ Player of the Year award 2011/12:
Sergio Agüero (Man City)
Joe Hart (Man City)
Scott Parker (Tottenham)
Robin van Persie (Arsenal)
Wayne Rooney (Man Utd)
David Silva (Man City).

Nominees for Young Player of the Year award:
Sergio Agüero (Man City)
Gareth Bale (Tottenham)
Alex Oxlade-Chamberlain (Arsenal)
Daniel Sturridge (Chelsea)
Kyle Walker (Tottenham)
Danny Welbeck (Man Utd).