2nd Match Result:

Tuivamit SC 2-1 Chawnpui GSA

Khelmual ṭha tak tak nei veng an tlak phuk phuk laiin AICS Playground-a inkhel hawh ve ṭhin Tuivamit SC in Chawnpui GSA an hneh thei a, hei hian an inlungrual zia leh an hruaitute an phur ziate leh player-te’n thu an awih tih a langchiang a, an la thlen ngai reng reng loh dinhmunah an ding chho mek a ni. Inbeitawk viau siin Tuivamit hi an chungnung deuh zawk a, Chawnpui lamin an chance neih ṭha kha hloh nual lo se an chak thei ve tho bawk. Tuivamit SC Jersey no. 7 Lalremliana goal 2 hmangin an chak a, Quarter Final-a free-kick hmanga goal 2 thuntu leh inhliam deuh chunga khel Chawnpui GSA Player C. Lalremruat-a’n goal khat a khung ve bawk a, thunbelh tumin Chawnpui lam hian han nawr ve viau mahse Tuivamit Defence an khauh a, an paltlang hleithei lo a ni. Chawnpui hian hun chanve ṭan tirhah offside trap an siam tum lutukna lamah goal an chhuah phah a, hetiang hi thil thleng fo nimahsela a hnu lehah a uihawm duh bik em em! He inkhel hi ruahsur nasa leh chhum zing nasa lutuk vangin hun reilote an chawlh phah bawk. Tuivamit SC lam hian entu leh anmahni ṭawiawmtu an nei vak lova, an veng mi leh sate an ṭan tlan leh deuh chu a ngai a ni. Vengchhung mipuiin engthil pawh nise kan tuipui tawh viau hi chuan kawng engkimah kan che chhe ngailo tih hi Mizo mipuite hian hriat reng a ṭha!

Tuivamit SC Final kalkawng i han thlir teh ang:

1st Round (Pool League)

1st Match: VS Zonuam SC 1-0

2nd Match: VS Luangmual SC 1-0

Pre – Quarter Final

VS Dawrpui Vengthar SC 2-0

Quarter Final

VS 2-1

Semi-Final

VS Chawnpui GSA 2-1

Final

vs Alast Burn FC, Dinthar @ 13/09/2011 (Tuesday) 1:30 pm