Poland 1 – 1 Russia: Eastern European Derby ah Inhnehtawk; Group A Quarter-Final Kawng La In Hawng Vek!!

Estimated read time 6 min read

Group A inkhel hnuhnung zawkah Russia tan Dzagoev-a goal thun chu Blaszczykowski chuan mawi zet maiin a sut a, Poland tan quarter-final luhna kawng a la hawng a ni.

Inkhelh hma atanga ram pahnihte inkara an tunhma thil thleng tawhte avangin boruak a sang hle a, Poland lamin chance tha tak tak insiam mahse chawlhlawk hmain si an phur hmasa tlat mai. Russia lam inringtawk tulh tulh mahse Poland lam an bet duh mai bik lo a, second-half ah counter-attack tha lutuk ah mawi zet maiin an rawn sut ta a ni.

Team Line-ups

Poland: Przemyslaw Tyton, Marcin Wasilewski, Damien Perquis, Lukasz Piszczek, Sebastian Boenisch, Rafal Murawski, Dariusz Dudka (Adrian Mierzejewski, 73), Eugen Polanski (Adam Matuschyk, 85), Jakub Blaszczykowski, Ludovic Obraniak (Pawel Brozek, 93), Robert Lewandowski

Russia: Vyacheslav Malafeev, Alexander Anyukov, Sergei Ignashevitch, Alexei Berezoutski, Konstantin Zyryanov, Igor Denisov, Alan Dzagoev (Marat Izmailov, 79), Roman Shirokov, Yuri Zhirkov, Alexander Kerzhakov (Roman Pavlyuchenko, 70), Andrey Arshavin

Inkhel an tan…

Russia lamin bul an tan tha zawk a, a tirah captain Arshavin a rawn langsar viau. Mahse Poland lam an rawn insiamrem chho zel a, inkhel a chance hmasa ber chu Boenisch hmangin an rawn nei nghal a ni.

Poland an rawn pawng tual tual a, tunlai striker Mizo mipuiten kan hmelhriat thar Borussia Dortmund star Robert Lewandowski chuan rem leh remlo in tha zetin a rawn volley a, a sir hrat chauh a ni.

Hemi hnuah Russia hian penalty beiseia han au na an nei a, mahse Poland defender Perquis a foul lo tih a lang a, tin, hemi hnu lawk hian Poland tan Polanski chuan team move nalh tak mai chu goal ah a chantir a, mahse a lo offside avangin pawm a ni lo.

Russia lam an chungnung deuh zawk chho zel a, mahse Poland lam an bet reng biklo a, lehlam lehlamah chance an insiam leh zauh zauh thin ve ve a ni. Tichuan minute 37na ah Arshavin-a free-kick vawrhluh tha zet mai chu kum 21 mi Alan Dzagoev chuan a lo tauhlut a, Russia lamin hma an hruai ta a ni.

Poland lamin hun tawp hmaa sut hman leh ngei tumin an bei let nghal a, chance vawikhat neiin Russia keeper Malafeev chuan a lo dang a ni.

Chawlhlawk zawhah…

Poland lamin an siphurh sut tumin bul an rawn tan nghal a, an rawn hlauhawm thin viau a ni. Russia goal lamah ball an pe lut tha thin a, mahse goal ah an chantir theilo a ni.

Russia pawh Arshavin hmangin an rawn hlauhawm viau a, mahse ani pawhin goal hlauhawm ah a chhuah thei bik lo a ni. Hemi hnu lawk minute 57na ah chuan Poland chuan Piszczek hmangin an rawn nawrlet a, a ball pek tha lutuk mai chu Blaszczykowski chuan tha zeta lo la in a ke veilamin nalh lutukin a pet phei a, a goal ta a ni. Warsaw khawpui an au ring hle mai.

Inkhel boruak a sang chho zel a, Russia keeper Malafeev chuan Polanski-a chance neih chu tha takin a lo dan sak leh a, hemi hnu hian team pahnihten chakna goal thun an tum ve ve a, an inbeitawk dun hle a ni.

Hun a kal zel a, goal hlauhawm an insiam hleithei biklo ve ve a, goal luhbelh tawhlo in inkhel a tawp ta a ni.

Match Stats

Poland                                             Russia

15(9) Shots (on Goal) 7(3)
12 Fouls 13
4 Corner Kicks 6
2 Offsides 2
43% Time of Possession 57%
2 Yellow Cards 2
0 Red Cards 0
1 Saves 6

 

Group A ah quarter-final an la lut thei vek!!

Heti hian Russia in Group A ah hma hruaiin point li an hmu tawh a, Czech Republic in point thum hmuin an dawt a, Greece in point khat hmuin a mawngphah an ni a, an zavai hian luhtheihna chance an la nei vek a ni.

Russia lam hian tlang chiang turin Greece laka point khat an hmuh a tawk a, Poland erawh in Czech Republic an hneh ngei a ngai dawn a ni.

Inkhel pumpui thlirletin team pahnihte an inbeitawk hle a, inkhel boruak sang tak karah chak an tum ve ve a ni. An innawrlet tawn nasa hle a, tin, “team move” tha tak tak an nei dun nual a, mahse a pawimawh ber goal ah an chantir thei chiahlo thin a ni.

Russia lam an kheltha leh viau a, an midfielder te, a bikin Igor Denisov leh CSKA Moscow star Alan Dzagoev an kheltha. Captain Arshavin pawh a tal hnawk lehpek hle a, Russia tan a pawimawh leh hle a ni. Chutihrualin tun season a Zenit St.Petersburg tana goal thun hnem, club tana Arshavin nena inkawp hlauhawm thin tak striker Aleksander Kerzhakov erawh goal a thun lo leh ta. He striker hian goal thun a duh tih pawh a hriat a, a goal nawr hrim hrim chu chhe lemlo mahse a hlauhawm tawklo fo thin. Inkhelh leh hunah amah an la ring ang nge Pavlyuchenko zawk ni tawh ang?  Pavlyuchenko zawk khan bultan ta se, an goal nawr khan rah tha a chhuah zawk mai ang em? tihte pawh zawhna awm thei a ni.

Mualneitu lam pawh an huaisen a, an khel hmuh a nuam leh hle mai. An full-back te an hmang tangkai thiam hle a, tin, an midfielder te an kheltha hle bawk. Jakub ‘kuba’ Blaszczykowski goal kha ‘Goal of the tournament” contender ni pha a ni awm e. Robert Lewandowski pawh a kheltha leh viau a, chance nei tam lemlo mahse a thawkrim a, a pawl te tan karawl a siamsak hnem thin a ni. He Poland team hi an tangrual hle mai a, tin, an huaisen em em bawk hi result tha an neih theihna chhan pakhat a ni.

Group A a team tinte dinhmun tur hi sawilawk a la theihloh vek a, tupawh hi chak a chaklo thut thei vek an la ni. Final group round ah engkim a chiang chauh dawn. Hemi te group hian beisei lawk aiin neutral football fans te an titlai hle a, tupawh hi tlang pawh nise an phu chu a tihtheih ve a ni. Nghakhlel takin i lo thlir phawt mai teh ang.

Stats Source: soccernet.espn.go.com

Pic Source: guardian.co.uk

You May Also Like

More From Author

10Comments

Add yours
  1. 2
    benjos

    Russia hi chu greece goal 3 aia tama an hneh lo a nih loh chuan an lut dawn hrim hrim…mahse fans ho buaina siam avanga point paihsak tur tihte a awm a tak tak a ni em aw?

  2. 3
    Lalthanzama Vanchhawng

    Inkhelh hmain an intibuai a, boruak a san phah bawk a. inkhel pawh atang khawp mai.. Poland hi an lut nulh mai anga 🙂 btw. Russian ho chuan POlish ho chu Welcome to Russia on 2018 WC an ti kulh tawh mai sia. haha. Good post

  3. 5
    Ramenga

    Ngaihnawm thamin i rawn ziak a, chhiar a nuam hle mai. Russia hian last match ah greece an hneh ngei rimg ta ila, Poland leh czech republic hi hmuhnawm viau ang.

+ Leave a Comment

Poland 1 – 1 Russia: Eastern European Derby ah Inhnehtawk; Group A Quarter-Final Kawng La In Hawng Vek!!

Group A inkhel hnuhnung zawkah Russia tan Dzagoev-a goal thun chu Blaszczykowski chuan mawi zet maiin a sut a, Poland tan quarter-final luhna kawng a la hawng a ni.

Inkhelh hma atanga ram pahnihte inkara an tunhma thil thleng tawhte avangin boruak a sang hle a, Poland lamin chance tha tak tak insiam mahse chawlhlawk hmain si an phur hmasa tlat mai. Russia lam inringtawk tulh tulh mahse Poland lam an bet duh mai bik lo a, second-half ah counter-attack tha lutuk ah mawi zet maiin an rawn sut ta a ni.

Team Line-ups

Poland: Przemyslaw Tyton, Marcin Wasilewski, Damien Perquis, Lukasz Piszczek, Sebastian Boenisch, Rafal Murawski, Dariusz Dudka (Adrian Mierzejewski, 73), Eugen Polanski (Adam Matuschyk, 85), Jakub Blaszczykowski, Ludovic Obraniak (Pawel Brozek, 93), Robert Lewandowski

Russia: Vyacheslav Malafeev, Alexander Anyukov, Sergei Ignashevitch, Alexei Berezoutski, Konstantin Zyryanov, Igor Denisov, Alan Dzagoev (Marat Izmailov, 79), Roman Shirokov, Yuri Zhirkov, Alexander Kerzhakov (Roman Pavlyuchenko, 70), Andrey Arshavin

Inkhel an tan…

Russia lamin bul an tan tha zawk a, a tirah captain Arshavin a rawn langsar viau. Mahse Poland lam an rawn insiamrem chho zel a, inkhel a chance hmasa ber chu Boenisch hmangin an rawn nei nghal a ni.

Poland an rawn pawng tual tual a, tunlai striker Mizo mipuiten kan hmelhriat thar Borussia Dortmund star Robert Lewandowski chuan rem leh remlo in tha zetin a rawn volley a, a sir hrat chauh a ni.

Hemi hnuah Russia hian penalty beiseia han au na an nei a, mahse Poland defender Perquis a foul lo tih a lang a, tin, hemi hnu lawk hian Poland tan Polanski chuan team move nalh tak mai chu goal ah a chantir a, mahse a lo offside avangin pawm a ni lo.

Russia lam an chungnung deuh zawk chho zel a, mahse Poland lam an bet reng biklo a, lehlam lehlamah chance an insiam leh zauh zauh thin ve ve a ni. Tichuan minute 37na ah Arshavin-a free-kick vawrhluh tha zet mai chu kum 21 mi Alan Dzagoev chuan a lo tauhlut a, Russia lamin hma an hruai ta a ni.

Poland lamin hun tawp hmaa sut hman leh ngei tumin an bei let nghal a, chance vawikhat neiin Russia keeper Malafeev chuan a lo dang a ni.

Chawlhlawk zawhah…

Poland lamin an siphurh sut tumin bul an rawn tan nghal a, an rawn hlauhawm thin viau a ni. Russia goal lamah ball an pe lut tha thin a, mahse goal ah an chantir theilo a ni.

Russia pawh Arshavin hmangin an rawn hlauhawm viau a, mahse ani pawhin goal hlauhawm ah a chhuah thei bik lo a ni. Hemi hnu lawk minute 57na ah chuan Poland chuan Piszczek hmangin an rawn nawrlet a, a ball pek tha lutuk mai chu Blaszczykowski chuan tha zeta lo la in a ke veilamin nalh lutukin a pet phei a, a goal ta a ni. Warsaw khawpui an au ring hle mai.

Inkhel boruak a sang chho zel a, Russia keeper Malafeev chuan Polanski-a chance neih chu tha takin a lo dan sak leh a, hemi hnu hian team pahnihten chakna goal thun an tum ve ve a, an inbeitawk dun hle a ni.

Hun a kal zel a, goal hlauhawm an insiam hleithei biklo ve ve a, goal luhbelh tawhlo in inkhel a tawp ta a ni.

Match Stats

Poland                                             Russia

15(9) Shots (on Goal) 7(3)
12 Fouls 13
4 Corner Kicks 6
2 Offsides 2
43% Time of Possession 57%
2 Yellow Cards 2
0 Red Cards 0
1 Saves 6

 

Group A ah quarter-final an la lut thei vek!!

Heti hian Russia in Group A ah hma hruaiin point li an hmu tawh a, Czech Republic in point thum hmuin an dawt a, Greece in point khat hmuin a mawngphah an ni a, an zavai hian luhtheihna chance an la nei vek a ni.

Russia lam hian tlang chiang turin Greece laka point khat an hmuh a tawk a, Poland erawh in Czech Republic an hneh ngei a ngai dawn a ni.

Inkhel pumpui thlirletin team pahnihte an inbeitawk hle a, inkhel boruak sang tak karah chak an tum ve ve a ni. An innawrlet tawn nasa hle a, tin, “team move” tha tak tak an nei dun nual a, mahse a pawimawh ber goal ah an chantir thei chiahlo thin a ni.

Russia lam an kheltha leh viau a, an midfielder te, a bikin Igor Denisov leh CSKA Moscow star Alan Dzagoev an kheltha. Captain Arshavin pawh a tal hnawk lehpek hle a, Russia tan a pawimawh leh hle a ni. Chutihrualin tun season a Zenit St.Petersburg tana goal thun hnem, club tana Arshavin nena inkawp hlauhawm thin tak striker Aleksander Kerzhakov erawh goal a thun lo leh ta. He striker hian goal thun a duh tih pawh a hriat a, a goal nawr hrim hrim chu chhe lemlo mahse a hlauhawm tawklo fo thin. Inkhelh leh hunah amah an la ring ang nge Pavlyuchenko zawk ni tawh ang?  Pavlyuchenko zawk khan bultan ta se, an goal nawr khan rah tha a chhuah zawk mai ang em? tihte pawh zawhna awm thei a ni.

Mualneitu lam pawh an huaisen a, an khel hmuh a nuam leh hle mai. An full-back te an hmang tangkai thiam hle a, tin, an midfielder te an kheltha hle bawk. Jakub ‘kuba’ Blaszczykowski goal kha ‘Goal of the tournament” contender ni pha a ni awm e. Robert Lewandowski pawh a kheltha leh viau a, chance nei tam lemlo mahse a thawkrim a, a pawl te tan karawl a siamsak hnem thin a ni. He Poland team hi an tangrual hle mai a, tin, an huaisen em em bawk hi result tha an neih theihna chhan pakhat a ni.

Group A a team tinte dinhmun tur hi sawilawk a la theihloh vek a, tupawh hi chak a chaklo thut thei vek an la ni. Final group round ah engkim a chiang chauh dawn. Hemi te group hian beisei lawk aiin neutral football fans te an titlai hle a, tupawh hi tlang pawh nise an phu chu a tihtheih ve a ni. Nghakhlel takin i lo thlir phawt mai teh ang.

Stats Source: soccernet.espn.go.com

Pic Source: guardian.co.uk

You May Also Like

More From Author

+ There are no comments

Add yours