B1 Lunglei Ramthar 1-2 B3 Tuidam
(Tetea Tlau 89′)-(Henry Lalsangzuala 8′, 90+3′)
ZoFooty & RC Shirt House Man of the Match : Henry Lalsangzuala (Tuidam)

Inkhel tan hma chuan LUnglei Ramthar hi chak tura rin an ni a. Mahse an chak si lo. Hei hi football ropuina chu a ni. Inkhelh tan hmain ZoFooty chuan Lunglei Ramthar Coach kan kawm thei hlauh a, a ni hian Lunglei tana chetha em em Tetea Tlau leh Muankima te chu mark bik anih tur thu a sawi a. Chubakah an striker tha chu Muankima mark tura a dah tur thu a sawi bawk. Hei hian inkhel en a ti chakawm lehzual a chhan chu Tetea Tlau leh Muankima te hi awlsam taka dah nil theih anih dawn loh vang a ni.

Inkhel an tan minute 8 lekah Henry Lalsangzuala chuan a Tuidam tan a ti goal nghal mai a, mahse he goal hi Lunglei Ramthar chhaih kawl tu a mai tura ngaih theih a ni. Inkhel a hmuhnawm chho va Lunglei Ramthar in chance tha tak tak an thelh chho a, match hmasa zawka red card hmu Tetea Fanai tello a pawi a, game ah thunun viau mahse goal ber an thun thei tlat lo. Muankima game a hmuhnawm a, mahse a hlauawm chin a khalh thleng thei tlat lo. Chutihrualin Tetea Tlau pawh a che thei lova, game discipline taka khel Tuidam an vannei tel a tih theih a, Tetea Tlau shot goal ban per chu hlauawm tak a ni. Hei bakah hian Lunglei in offside in goal an thun a, pawm a ni lo bawk.

Hun tawp dawnah Lunglei Ramthar an vannei a, Muankima penalty area-a a tluk (tlu der?) avangin penalty an hmu a. Hei hi Tetea Tlau chuan goal ah a chantir a. Mahse hun pek belah defence talbuai ve thei tak Lunglei Ramthar an tal buai leh a, penalty area tullo taka foul vangin penalty an chawi a. He penalty hi Hnery Lalsangzuala chuan goal ah chantir in Tuidam chuan an beisei phakloh Semi final chu an ke veilamin an rap ta der mai.

Video: Tetea Tlau in minute 89 naah Lunglei Ramthar tan a petgoal.

Video: Tuidam King (?) Henry in Tuidam chakna goal a thun.

B2 Bethlehem 3-2 B4 Armed Veng
(Jonathan Lalmuansanga 27′, Lalliankima 52′,Zoliansanga 79′)- (R.Lalnuntluanga 3′, Lalpantluanga 29′)
ZoFooty & RC Shirt House Man of the Match : Jonathan Lalmuansanga (Bethlehem)

Armed Veng in Tuidam an draw avangin beisei an phalo niin mi tam takin an ngai a. Mahse vawiin lama Bethlehem an hnehloh avangin beisei tur an nei tawh lo. Armed Veng hian minute thum lekah goal R. Lalnuntluanga hmangin an thun nghal a, hei vang hian goal tam tak a lut dawn niin a ngaih theih. Mahse first half a tawp chuan 2-1 chauhin hma an hruai a, an dinhmun a tha biklo.

Second half tan atanga minute 7 na lekah Lalliankima’n Behtlehem tan goal a thun a, boruak pawh a sang khawp mai. Bethlehem fans ruhkawl beisei nei tawhlo mahse veng hmangaih vanga inkhel lo entu te pawn an phur thar an team te tanin an rawn au rual a. Mahse an striker Lallianmawia double yellow card vanga hnawhchhuah anih avangin beisei an nei tlem tawh hle. Armed Veng chu chak ngei tura rin an ni tawh mahse minute 5 em pawh a ral hmain Bethlehem zawkin Zamlianenga hmangin goal an thun a. Armed Veng lamin nawr let tum ngial mahse Simon Lalruatkima’n red card a hmuh leh bawk avangin an goal phurh an sut thei ta lova. Bethlehem chuan beiseina thar an rawn nei leh ta a ni.

Final Day:
Bethlehem leh Tuidam zirtawpni tlai dar 1 ah an khel dawn a. An chak chuan tlang thei ve ve an ni. Tuidam hi an chak chuan an lut chiang a, an in draw pawn an la lut thei thova mahse Lunglei Ramthar an chaklo emaw an in draw emaw a ngai ang. Chutiang bawkin Bethlehem hi an chak chuan an lut thei dawn a, mahse lut tur chuan LUnglei Ramthar leh Armed Veng an in draw emaw Lunglei Ramthar an in chaklo emaw a ngai dawn a ni.

Lunglei Ramthar leh Armed Veng hi zirtawpni tlai dar 3 ah an khel dawn a, an inkhel hma hian Tuidam hi an lo chak hlauh chuan an inkhel hi awmzia a awm lovang. Mahse an lo in draw emaw an chakoh hlauh chuan LUnglei Ramthar tan chakin Semi Final a luh thei dawn a ni. Mahse team tha tur anga ngaih Armed Veng tan beisei tur a awm tawh lovang.

Admin: Thlalak pawh a rang lama rawn dah tum a ni. Kan lo nghak hram hram dawn nia.