19th March 2012, Monday
Group A Dar 11:oo A.M.
Durtlang L.C. Vs Darlawng V.C.
Durltang hian match hnih chiah an la khel mahse goal 15 an thun tawh a. An hmasaberah (second round) Kelsih V.C. 7-0 in an hneh a, third round-ah Chawnpui 8-1 in an hneh leh bawk a. Team tha anni tih chu a chiang takzet a ni.

Darlawng hian vawi khat chiah an la khel thung a, match hmasaber an bye a. Second Round-ah walk over in New Chalrang an hneh leh a. Third Round-ah Dungtlang 5-1 ngawtin an sawp bawk.

Prediction:
Durtlang L.C. hi chaklo tura dah phal an har chuvang chuan goal thum tala chak turah in dah phawt teh ang.

Group B Dar 9:00 A.M.
Armed Veng L.C. Vs Kanan L.C.
Armed Veng L.C. hian vawihnih inkhel-ah goal 11 an thun tawh a, Govt Complex 4-1 a an hneh bakah Samlukhai 7-3 in an hneh bawk. Goal thun tam viau mahse an lama goal a luh tam avangin an inenfiah a ngai ngei ang.

Kanan L.C. hian match hnih ah goal hnih thun tawh in a, an goal thun vawi khat pawh hi goal lo se tun dinhmun hi an thleng thei dawn lo a ni. Khuangleng 1-0 in an hneh a, Sumsuih V.C. 1-1 a an draw hnuah penalty-ah 4-3 in an hneh leh hram a ni.

Prediction:
Kanan L.C. hi team tha thin an nia, mahse an key playerte an khel chhuah miau avangin an tha thei lova. Chuvang chuan Armed Veng L.C. hi chak turah dah ila. Mahse inkhel hmuhnawm tak beisei theih a ni.

Group C Dar 3:00 P.M. (Match of the Day)
Lunglei Ramthar V.C. Vs Electric Veng L.C.
Lunglei Ramthar hian match hnih ah goal 15 an thun tawh a, goal hnih an lamah an chhuah tawh thung. W Lungdar V.C. 8-0 a an hneh hnuin Sialsir V.C. 7-2 in an hneh leh a. An kalkawngah hian harsatna vak an la nei lo.

Electric Veng hian Match hnihah goal 23 ngawt an thun tawh a. Red Ribbon a Champion hmasaber team hian Phaisen 17-0 in second round ah an hneh a, Bawngkawn 6-1 in Third Roundah an hneh leh bawk.

Prediction:
Electric Veng hi fans nei tha veng an ni a, inkhelhna tur hi lammual a ni bawk nen, fans tanpuina in Lunglei Ramthar hi an hneh thei turah i ring teh ang.

Group D Dar 1:00 P.M.
Bethlehem Vengthlang L.C. Vs Sesawng V.C.
Bethlehem Vengthlang L.C. hian match hnih ah goal 7 an thun tawh tawh a. Second Round-ah 3-1 in Khawzawl V.C. -I an hneh a, Ropuichhip V.C. third round-ah 4-1 in an hneh leh bawk.

Sesawng hian goal 13 an thun tawh match 3 an khel tawh thung. First Round-ah Muthi 5-0 a an sawp hnuin Second round-ah Seeded Ramthar N 3-2 in an hneh leh a, pool final lut tur hian Bungkawng L.C. 5-2 in an hneh leh bawk.

Prediction:
Bethlehem Vengthlang hi team chhia an ni ngai lova, mahse team vanduai thei tak an ni thin. An vanduailoh chuan an chak thei tur khawpin an tha a, mahse Sesawng hi ngaihnep chi erawh an ni lo. Bethlehem Vengthlang hi chak turah in dah phawt teh ang.