English football club tlachhe chak tak Portsmouth FC chuan an players neih sa te an chhuahtir zel a. Inrinni khan winger Erik Huseklepp chuan chhuahsan lehin, Huseklepp hi tun nipui chhunga Portsmouth in player 12 an chhuahtirna a ni tawh a, tunah hian senior player pali chiah an awm tawh a ni.

FA Cup 2008 champion, Premier League-ah pawh hun engemawchen lo khel tawh thin, tuna League One (Premier League hnuai hnuai leh) a khel mek Portsmouth FC hi ba an ngah avangin an buai hle a, an inpaihthawl  hle a nih loh chuan an sum pukna ten club bungrua hralhsak thei dinhmunah an la ding reng a, leitu an awm loh chuan he club hi ‘bankrupt’ thut thei a ni reng. August ni 10 hma ngeiin an senior players zawng zawng chu club   hlawh pekna list atanga paih an ngai dawn tih an puang tawh nghe nghe a ni.

Tunah hian Tal Ben Haim, Dave Kitson, Kanu leh Liam Lawrence te chiah senior players chambang an awm tawh a, anni pawh hi hlawh pangngai la lova hun engemawchen awm an inhuam a nih loh chuan an chhuah leh ngei a rinawm.

Inrinnia chhuahsantu, kum 27 a upa Huseklepp hian August 2011 ah Bari atangin Portsmouth a zawm a, Norwegian club Brann a zawm ang. Season hmasa-ah Pompey player pawimawh niin, match 28 ah goal 6 a thun a. Portsmouth in sum lama harsatna an tawh chhoh tak avangin February thla-ah Birmingham City chu loan in a zawm a, season tawpah pawh Portsmouth hian an chelh thei ta lo a ni. Brann ah hian kum 4 leh a chanve khel turin contract a ziak.

Portsmouth manager Michael Appleton chuan club website ah thuchhuah siamin, “Erik hi kan player pawimawh a ni thin a, loh theih loh thilah loan in a chhuah a ngai ta kha a ni a. Birmingham-ah a theihna ang takin a khel tha chhunzawm thei ta lo a, a vanduai hle a ni. Norway-a let leh hi a international career tan a tha ber niin ka hria, duhsakna ka hlan a ni.”  a ti. Club dangin an phak tawka players tha tha an lakluh mek laia players neihsa thlahliam fo bik mai chu manager tan pawh a hrehawm duh hle awm e.

Tun nipui chhunga Portsmouth player kalchhuak ta te chu:

source: bbc.co.uk