Lajong Coach Pradhyum Reddy Kawmna

Ignite Studio,Khatla a MFA leh MSACS buatsaih Red Ribbon Football ‘Kick Off’ kan hman hnu in mut hma tiin ka online zawk a. Shillong Lajong coach Pradhyum Reddy a lo awm remchang hlauh mai a. Didika Ralte pawh India tana fehchhuak in Dubai a awm thu a rawn sawi zawk a. Remchangah la in Reddy hi ka kawm thei ta hlauh mai a.

Kawm nuam tak mai, Mizo te hrethiam a duhsak tak Pradhyum Reddy chuan England ah a awm thu min hrilh a. England hi a zin nilovin a ram anih avangin a haw zawk a ni. E-mail ah thlalak min lo thawn a. Kan hawng chu Spurs training ground a lo tlawh reng chu niin. Harry Redknapp leh Emmanuel Adebayor te thla a lakpui te minlo thawn a. Tunlai I-League chawlh lailawk lai hian a hmang tha bik hle ni tur a ni. Spurs training ground, London ah chawlh a hmang mek!

Tunhnaia India Under 22 team a koh tel Ronald Zothanzama hma a sawn thu a sawi a. Junior team atanga senior team a lut Lalnunmawia hi I-League a player naupang ber anih a rin thu a sawi tel. Goalkeeper Thuammawia hi tun aia nasa a tan a lak chuan India Under 22 ah hian koh a nih a rin thu a sawi bawk. Midfielder Lalramluaha chu nasa takin a fak a, India ramah ani aia central midfielder tha an awm a rinloh thu a sawi nghe nghe. Inhliam Lalhlimthara (Mahlima) chu a dam vat a beisei thu a sawi. Jeje (Pune FC) leh Didika (Churchill Brothers) te a hmuhdan ka zawt a, Reddy chuan an thiamna piahlama an thawhrimna vang a India tana khelphak ah a ngai a. India coach te hian a nau Ramluaha hi an hmuhfuh hunah India team a koh anih a rin thu a sawi tel. Reddy te hian a nau te hi a hrechiang hle ni tur a ni, a nau te a mimal ang a an mizia leh hma an sawn dan ka zawh pawh chiang takin min hrilh thlap thei zel hi a ngaihsanawm hle in ka hria. Khelmualchhungah mai nilo a piah leh zel a an awm dan pawh a hre hneh hle mai.

Darkar khat chuang kan inkawm chhung chu kan titi tui em avangin a lo lang reilo khawp a. Indian club a African kan kawl zel nachhan te hi a ngaihdan te ka zawt a. A ni chuan an that piah lamah an ram a harsat vang niin a ngai a. Thiamna inang ah pawh foreigner dang te aiin African chu tih lungawi an awl zawk tih a sawi. South American lam ho khu India ah chuan tun aia tam hi hmuh a chak thu a sawi a. Asia a ball thiam Japanese leh Korean te chu tawng lam an harsat em avangin duh angin inbiak an harsat niin a sawi. Shillong Lajong hi nasa takin hma an sawn tih min hrilh a. Tun I-League ah pawh hian an him dawn chiang tih a sawi a. Season tharah phei chuan nasa takin tan an la dawn tih ZoFooty chu a hrilh nghal. Mizo footballer bik a sawi na ah Lajong ah chuan khel se, Malsawmkima (Mumbai FC), Rinfela (Southern Samity) te hi tun ai hian an that a rin thu a sawi. Tunah hian Thuammawia, Lawma, Chhuantea, Ronald, Zotea, Samson, Ramluaha, Racy, Mahlima, Lalnunmawia te Shillong Lajong ah hian a enkawl mek a ni.

6 thoughts on “Lajong Coach Pradhyum Reddy Kawmna

  1. Pingback: Buy real cialis

  2. ben vangchhia

    Good Post.. Ramluaha thatna hi chu a pu hi chuan a hmu fu chiang a ni. Malsawmkima khel hi ka hmu ve ta zeuh zeuh a. Tan a lak nasat chuan Indian midfielder tha ber ni thei khawpin skills leh talent a nei tha. A game hi tuemaw tih dan takin ‘a khawthlang zaih mai’..

  3. hehe

    Jeje a leh Didika a hmuhdan khi keipawh ka ngaih dan chiah a ni…..bakah an inngaihtlawmna leh anmahni hrual chhuak tu MFA lampang an zahder thiam te hi an fakawm leh zual ka ti……mahse striker ah na na na chuan tuaitea kha ka ui khawp mai……physical leh skills ah pawh an that nen..mahse………mahse hi awm tel lop se la chuan india tan a khel nasa tawh ngawt ang…

  4. btena

    A lo rei lo pawh khi a awm hle mai,ngaihthlak a nuam in chhiar a man hla hle mai…A chawlh hman na chu nawm hmel bik khi

  5. Lalthanzama Vanchhawng

    A ngaihnawm hle mai. Chawlh mang teuh teuh , a hmanna va turu bik ve 🙂 Mizo te min duhsak zel se tha ang., Tin, kan Mizo players te pawh India team lamah in bengbel zel bawk se tih hi ka duhthusam a ni ..

Leave a Reply

Lajong Coach Pradhyum Reddy Kawmna

Ignite Studio,Khatla a MFA leh MSACS buatsaih Red Ribbon Football ‘Kick Off’ kan hman hnu in mut hma tiin ka online zawk a. Shillong Lajong coach Pradhyum Reddy a lo awm remchang hlauh mai a. Didika Ralte pawh India tana fehchhuak in Dubai a awm thu a rawn sawi zawk a. Remchangah la in Reddy hi ka kawm thei ta hlauh mai a.

Kawm nuam tak mai, Mizo te hrethiam a duhsak tak Pradhyum Reddy chuan England ah a awm thu min hrilh a. England hi a zin nilovin a ram anih avangin a haw zawk a ni. E-mail ah thlalak min lo thawn a. Kan hawng chu Spurs training ground a lo tlawh reng chu niin. Harry Redknapp leh Emmanuel Adebayor te thla a lakpui te minlo thawn a. Tunlai I-League chawlh lailawk lai hian a hmang tha bik hle ni tur a ni. Spurs training ground, London ah chawlh a hmang mek!

Tunhnaia India Under 22 team a koh tel Ronald Zothanzama hma a sawn thu a sawi a. Junior team atanga senior team a lut Lalnunmawia hi I-League a player naupang ber anih a rin thu a sawi tel. Goalkeeper Thuammawia hi tun aia nasa a tan a lak chuan India Under 22 ah hian koh a nih a rin thu a sawi bawk. Midfielder Lalramluaha chu nasa takin a fak a, India ramah ani aia central midfielder tha an awm a rinloh thu a sawi nghe nghe. Inhliam Lalhlimthara (Mahlima) chu a dam vat a beisei thu a sawi. Jeje (Pune FC) leh Didika (Churchill Brothers) te a hmuhdan ka zawt a, Reddy chuan an thiamna piahlama an thawhrimna vang a India tana khelphak ah a ngai a. India coach te hian a nau Ramluaha hi an hmuhfuh hunah India team a koh anih a rin thu a sawi tel. Reddy te hian a nau te hi a hrechiang hle ni tur a ni, a nau te a mimal ang a an mizia leh hma an sawn dan ka zawh pawh chiang takin min hrilh thlap thei zel hi a ngaihsanawm hle in ka hria. Khelmualchhungah mai nilo a piah leh zel a an awm dan pawh a hre hneh hle mai.

Darkar khat chuang kan inkawm chhung chu kan titi tui em avangin a lo lang reilo khawp a. Indian club a African kan kawl zel nachhan te hi a ngaihdan te ka zawt a. A ni chuan an that piah lamah an ram a harsat vang niin a ngai a. Thiamna inang ah pawh foreigner dang te aiin African chu tih lungawi an awl zawk tih a sawi. South American lam ho khu India ah chuan tun aia tam hi hmuh a chak thu a sawi a. Asia a ball thiam Japanese leh Korean te chu tawng lam an harsat em avangin duh angin inbiak an harsat niin a sawi. Shillong Lajong hi nasa takin hma an sawn tih min hrilh a. Tun I-League ah pawh hian an him dawn chiang tih a sawi a. Season tharah phei chuan nasa takin tan an la dawn tih ZoFooty chu a hrilh nghal. Mizo footballer bik a sawi na ah Lajong ah chuan khel se, Malsawmkima (Mumbai FC), Rinfela (Southern Samity) te hi tun ai hian an that a rin thu a sawi. Tunah hian Thuammawia, Lawma, Chhuantea, Ronald, Zotea, Samson, Ramluaha, Racy, Mahlima, Lalnunmawia te Shillong Lajong ah hian a enkawl mek a ni.

Leave a Reply