Pre-Olympic Qualifier vawiin ah Ten Action in live dawn

Pre Olympic qualifier, India leh Qatar in a an khelh tur chu zanin hian a 1st leg chu khelh ani dawn ta. He inkhel hi tum dang anlo takin mizoram atang pawhin kan en thei turah ngaih ani a. TEN ACTION in zan dar 9:45 ah an live dawn ani (Ten Action hi mizoram cable lam pawhin an pe chhuak a ni).

Rankings : Kan rawn ziah tawh thin angin India hian Pre-Olympic qualifier 1st round ah hian Myanmar an lo hneh tawh a, Qatar hi 2nd round ah hian an hma chhawn dawn ta ani. Qatar hi FIFA ranking ah 92 na anni a, India hi 145 na ani. Asia continental ah chuan Qatar hi 9 na niin India hi 25 na a ni thung. FIFA ranking tih chhuan thar berah khan India chuan spot khatin hma a sawn laiin Qatar chu spot khatin a tlahniam thung a. Hemi awmzia chu tunah hian India hi a hma aiin an khel tha a, Qatar hian a hma aiin an khel chhia tihna ani a. India tana beiseina a ti zual hle ani.

Preparation : Qatar team lam hian hemi in prepare na atan hian Spanish tour annei a. India erawh ni 6 chiah Pune ah hian an camp hman a. Chupawh fur lai anih avang hian duhthusamin an practice thei lo a. An in prepare na atanga en chuan India hian away goal neilo tura tan bak tih theih vak annei lo ang.

India team : India team te hi U-23 team te anni dawn a, team squad a atam ber hi Indian arrows team atanga lut te anni a. (Team list hi Hetah hian a en theih). Indian arrows te hi I-league khelh zawh takah khan pakua na anni phak a. Anni pawh hi an inkhel hi anin man tawh hle a. I-league khelh zawk takah khan season chanve hmalam ah khan vawi thum an chak a goal 9 an thun laiin season chanve hnu lamah chuan vawi 3 chakah goal 19 lai an thun hman a, goal difference pawh -18 atangin -1 ah a tla a. Hei hian an hmasawn zia leh an in man sawt zia a ti lang chiang awm e.

Jeje Lalpekhlua : India football team ziah apiangin Bhaichung Bhutia lang thin kha tunah chuan Jeje-a hlir ani ta! India ram football ah na na na chuan mizo nih ava nuam em! India innghahna ban pui tak tak ani tawh. Coach thar pawhin press conference aneih naah India team player te zinga a hming a sawi chhuah chhun chu Jeje-a hi a ni a. India media football chanchin ziak reng reng in jeje-a hming lang lo in an ziak thei tawhlo a. Myanmar an hneh tum pawh a myanmar ho chakloh na chu India in jeje-a alo nei kha ani. An defender ten an dang zo lo a, an um pha lo a, a chhaih buai karah midang hmun awl a siamsak thei zel bawk nen. Qatar pawhin coach rilru ah pawh a lian ber tur chu Jeje-a dan theih dan tur ruahman hi ti ila kan sawisual miah lo ang.


Zanin dar 9:45 ah chuan eng channel pawh en la, ten action ah lo thlak ang che. Mizo ten India team te rilru leh tihtak zeta kan tan ve theih hun a thleng ania. Heihi ani lawm ni Mizo te football a kan hmasawnna ti lang tu chu? Hei hi ani alawm Mizo footballer te dream chu. Lo hmuhpui hi kan tihtur ani a. Hetiang thlen laia hmu theia kan awm hi kan vannei hle ani.

You May Also Like

More From Author

3Comments

Add yours

+ Leave a Comment

Pre-Olympic Qualifier vawiin ah Ten Action in live dawn

Pre Olympic qualifier, India leh Qatar in a an khelh tur chu zanin hian a 1st leg chu khelh ani dawn ta. He inkhel hi tum dang anlo takin mizoram atang pawhin kan en thei turah ngaih ani a. TEN ACTION in zan dar 9:45 ah an live dawn ani (Ten Action hi mizoram cable lam pawhin an pe chhuak a ni).

Rankings : Kan rawn ziah tawh thin angin India hian Pre-Olympic qualifier 1st round ah hian Myanmar an lo hneh tawh a, Qatar hi 2nd round ah hian an hma chhawn dawn ta ani. Qatar hi FIFA ranking ah 92 na anni a, India hi 145 na ani. Asia continental ah chuan Qatar hi 9 na niin India hi 25 na a ni thung. FIFA ranking tih chhuan thar berah khan India chuan spot khatin hma a sawn laiin Qatar chu spot khatin a tlahniam thung a. Hemi awmzia chu tunah hian India hi a hma aiin an khel tha a, Qatar hian a hma aiin an khel chhia tihna ani a. India tana beiseina a ti zual hle ani.

Preparation : Qatar team lam hian hemi in prepare na atan hian Spanish tour annei a. India erawh ni 6 chiah Pune ah hian an camp hman a. Chupawh fur lai anih avang hian duhthusamin an practice thei lo a. An in prepare na atanga en chuan India hian away goal neilo tura tan bak tih theih vak annei lo ang.

India team : India team te hi U-23 team te anni dawn a, team squad a atam ber hi Indian arrows team atanga lut te anni a. (Team list hi Hetah hian a en theih). Indian arrows te hi I-league khelh zawh takah khan pakua na anni phak a. Anni pawh hi an inkhel hi anin man tawh hle a. I-league khelh zawk takah khan season chanve hmalam ah khan vawi thum an chak a goal 9 an thun laiin season chanve hnu lamah chuan vawi 3 chakah goal 19 lai an thun hman a, goal difference pawh -18 atangin -1 ah a tla a. Hei hian an hmasawn zia leh an in man sawt zia a ti lang chiang awm e.

Jeje Lalpekhlua : India football team ziah apiangin Bhaichung Bhutia lang thin kha tunah chuan Jeje-a hlir ani ta! India ram football ah na na na chuan mizo nih ava nuam em! India innghahna ban pui tak tak ani tawh. Coach thar pawhin press conference aneih naah India team player te zinga a hming a sawi chhuah chhun chu Jeje-a hi a ni a. India media football chanchin ziak reng reng in jeje-a hming lang lo in an ziak thei tawhlo a. Myanmar an hneh tum pawh a myanmar ho chakloh na chu India in jeje-a alo nei kha ani. An defender ten an dang zo lo a, an um pha lo a, a chhaih buai karah midang hmun awl a siamsak thei zel bawk nen. Qatar pawhin coach rilru ah pawh a lian ber tur chu Jeje-a dan theih dan tur ruahman hi ti ila kan sawisual miah lo ang.


Zanin dar 9:45 ah chuan eng channel pawh en la, ten action ah lo thlak ang che. Mizo ten India team te rilru leh tihtak zeta kan tan ve theih hun a thleng ania. Heihi ani lawm ni Mizo te football a kan hmasawnna ti lang tu chu? Hei hi ani alawm Mizo footballer te dream chu. Lo hmuhpui hi kan tihtur ani a. Hetiang thlen laia hmu theia kan awm hi kan vannei hle ani.

You May Also Like

More From Author

+ There are no comments

Add yours