India ram mai ni lo, sapho thleng thleng pawhin an ngaihven, Premier League Soccer (PLS) chu a hun leh ni puan chian a ni ta a. A hun leh ni puan a nih hma pawha sawi a tam tawh tehreng nen, March ni 24 aṭanga ṭanin, May ni 6-ah final khelh a nih tur thu puan a ni ta a; hei hi Indian Premier League (IPL) hun nen a inrual avangin sawi a hlawh zual ngei mai!
India Cricket team te an che chhe em em mek a. India team sponsor Sahara chuan tun hnai maiah India team nena an inzawmna an chhu chat a, IPL team an neih pawh an duh tawh loh thu an sawi a, hei hi India ram Cricket chanchina chanchin langsar leh lungchhiatthlak tak a ni a. Chutih lai taka Football League ropui leh huhang ngah tak tur PLS a rawn inrawlh ve leh hi India ram Cricket hruaitute tan chuan a ngeiawm ngawt ang.
Tunah rih chuan PLS buatsaihtu turte an hawi champ’ hle a. Indian Football Association (IFA) Secretary Utpal Ganguli chuan, “Khawvel hmun hrang hrang aṭanga rawn ngaihventute hian min tihlim takzet a. Heti khawpa PLS-in ngaihven a hlawh nghal danah hian IPL TV right neitute hian PLS chu an huphurh ngawtin ka ring,” a ti ham ham mai!
Ganguli chuan a la duhtawk teuh lo, “Tumah ka cho hran lova, mahse khawvel puma football fans tam dan ka thlir hian IPL hi PLS lakah chuan a neu ngawtin ka ring,” a ti deuh kher bawk!
IFA leh Celebrity Management Group (CMG) te chuan a hmaa leitu an hmuh zawh loh Haldia team chu Grey Mind Communications-in an lei tak thu leh anni hian 2006 World Cup-a Argentina captain Juan Pablo Sorin chu an icon player tur a ni a, Coach atan John Barnes an hman dawn thu an puang a. Chu mai bakah India ram footballer-te lilam hun atan February ni 12 a nih thu an puang bawk a. India player-te hi an man hniam ber atan nuai 2 leh nuai 3 inkar a ni ang.
PLS ah hian match 35 awmin, match 5 chu knockout a ni dawn a. Lawmmanah tangkafai cheng vaibelchhe khat leh a chanve (1.5 crore) sem ral a ni ang a, champion team chuan cheng nuai 50 an hlawh dawn a ni.
March ni 3 atangin India ramah team hrang hrang player-te chuan training an nei tan dawn a. Hemi hma atang tawh hian foreign player-te pawh an rawn thleng ang a, boruak a hot chho tan ang a. Fabio Cannavaro, Hernan Crespo, Robert Pires leh Robbie Fowler-te an rawn inkhel dawn a nia, vaiho chauhvin an en chak lo, keini pawhin kan en chak ve dawn chiang.
Player-te zingah Mizo tlangval an awm ngei dawnin a lang a. A chhan chu Jeje Lalpekhlua leh Lalrindika Ralte te hi India senior team-a regular player an ni tawh a. Anni bakah hian Robert Lalthlamuana te, Kolkata khawpui lo sawinghing dur dur tawh S. Malsawmtluanga te leh midang tha tak tak an la awm nual a. Foreign player, mihang ringawt lo deuhte nen an han khelho dawn a nia, a hmuhnawm dawn mang e!
Player-te chauh an inpawlh dawn lova, referee lam pawh an inpawlh nawk dawn. A buatsaihtute hian local referee te bakah international referee-te pawh PLS match-ah hian luhtir an tum a ni.
Kan tarlang tawh tho na a, chiangkuang deuh hret law lawin sawi leh ta ila. PLS ah hian team 6 awmin, chungte chu – Kolkata, Howrah, Barasta, Durgapur, Midnapore leh Haldia te an awm dawn a. Heng team 6 te hian IFA hnuaia club awm sa thlunzawmin IFA hnuaiah an in-affiliate ang a. League match vawi 30 an khelh hnuah final hmain semi-final (home & away basis) match 4 a awm leh ang.
Team tinin Icon player 1, Icon coach 1, foreign (oversea) player 2 leh Foreign (oversea) player Asia mi 1 an nei thei ang a, a bak chu India player an ni tawh ang a. India player-te pawh hi a thiam thiam, India rama hming langsar sar an la ringawt thei dawn lova. Under 21 player 6 an nei ang a, chu mai bakah anmahni khua (local) player 6 bakah India rama player tha tha an duhthlan 14 an nei dawn a ni. Squad-a an player neih tur zat bituk dan pawh hian awmzia a nei hle a. He PLS hi entertainment ringawt a ni dawn lova,India rama football tihlar mai piahlamah talent thar haichhuahna kawngah nasa taka hmasawnna kawng sialtu a ni ngei ngei dawn a ni.
PLS hi an ti mai mai lo tih a lang der tawh a. Franchisee leh foreign player lilam atang ringawt pawhin cheng vaibelchhe 100 chu an khawih che der tawh a! A la che tan dawn chauh si! Sahara berin India Cricket team a chhuahsan tawh bawk nen, India ramah hian football larna chance a tha chho takzet tawh a ni.
Team 6 awm zingah Team 5 te chuan IPL angin an team hming an siam fel tawh a, Haldia erawh a leituten an team hming an la vuah fel ve lo a ni. Team hming tur hetiang hi a ni a, Manchester City leh Manchester United tantute chuan Howrah hi kan tan ber mai thei a ni.. 😀
City Team names
Kolkata : Kolkata Camelians
Barasat : Barasat Euro Musketeers
Durgapur : DurgapurVox Champions
Howrah : Howrah Manchester
Siliguri : Bengal Tuskers
generic cialis
coupon for cialis
viagra dosage
viagra dosage
A hmuna en ve chakawm hle mai…..
Player inlilamna pawisa tam theih tehreng lawmman hi ava tlem ve aw, engpawhnise football khawvel hian India ram hi sawinghing mawlh rawh se, ka chunga mi in Cricket game, rei si, hmuhnawm si loh atih khi ka thlawp e…
Criket game, rei si,hmunwm siloh hi ti silwng vek tak teh se..cuan tv ah kan en thei em ag cu mw..keipwh,howrah manchester chu ka eilo nghal e..
Hmuhnawm dawn vele
A ziaktupain a thiam bawk a, a ngaihnawm hle mai. SUm chu tenawm khawpin a tam nih khi le.. Indian football-in nasa takin hma a sawn turah ngai ang. Match 1 tal chu en ve tur a ni, Howrah chuan MANCHESTER chu an lo ngaisang hle mai maw , club ropui nge nge 🙂 Good post Pu Zai.
Good Post.. Indian Football in hma a sawn zel dawn e.
A lawmawm hle a nih chu. 😛
en ve chakwm gei my
en a va chakawm tawh em. Howrah manchester chu engtak ang dawn ni maw… GGMU
Liverpool fans twh phot chuan Robie Fowler telna leh Haldia, kan superstar John Barnes coach nih na tur club tran vek tur, club dangho pawh induh chuan in lo tran ve don nia 😀
Howrah chu leh…Originality tlachham vee… an hming atang tan lo nghal em em phawt ang! 😀