Premier League: Emirates Stadium-ah Arsenal leh Chelsea in draw !

Arsenal hi table-ah pathumna an ni a, Chelsea erawh parukna an ni thung (Chelsea hian match khatin an khel tlem a ni). Hei vang hian chak an mamawh ve ve a, abikin Chelsea tan chuan Champions League khel tur chuan chak ngei ngei a ngai a ni. Arsenal tan chuan draw paw’n an dinhmun a la ṭha fe zawk a ni.

Chelsea first eleven-ah hian Barcelona an khelh tuma khel players pariat ngawt an chhawr lova. Torres, Bertrand, Bosingwa, Essien, Romeu, Malouda, Kalou leh Sturridge te hmel kan hmu thung a ni.

Tute nge khel?
Arsenal : Szczesny, Sagna, Vermaelen, Koscielny, Gibbs, Song, Ramsey, Rosicky, Chamberlain, Walcott, Van Persie
Chelsea : Cech, Bosingwa, Cahill, Terry, Bertrand, Essien, Romeu, Malouda, Kalou, Sturridge, Torres

1st half-ah Chelsea defender te an vannei
Inkhelh tantirh atangin game a tang nghal a. An game plan hi a inang deuh a tih theih. Striker pakhat ve ve hmangin midfielder panga ve ve an rawn hmang a, rin ang ngeiin midfield game kan hmu tam. Midfield-a ball in pek kual a, hmun awl hmuh veleh a striker ball pek tum ve ve an nih avangin ball hlauhawm hmuh tur a vang angreng.

Arsenal 0 Chelsea 0: match report

Minute 13-ah Walcott freekick pet chu Van Persie chuan hmun leh hmunah a thelh a, post a pet per a, Arsenal fans tam tak chu an au ring hman khawp ang le. Minute 25-ah Chelsea-in chance an nei ve hlauh a, Sturridge through ball tha zet chu Kalou chuan ho takin Arsenal defender a pet per a, corner a ni zui a.

Torres kha pe hman se chuan a goal ngei ang. An innawr chhunzawm zel a, minute 40-ah Van Persie freekick tha zet chu chan lova awm Koscielny chuan a head goal ngei dawna ngaih laiin bar a per hlauh mai a.  A vawihnihna atan Chelsea defender te an mualpho leh hman tep a ni. A hnu rei lo teah Song-a ball pek tha zet chu Van Persie chuan hnai tak atang a thelh leh a, hei pawh hi Chelsea defending chhiat vang a tih theih. Barcelona an khelh tuma defence nen kha chuan a inthlau hle a ni.

Goal a lut lova, 1st half chu a teuhvin a zo a.

Beisei pha lo 2nd half
Sustitution an siam lo ve ve a. 1st half-a che tha tehchiam lo Torres hmel kan hmu zeuh zeuh thung a. Minute 61-ah leh 65-ah Arsenal lamin substitution an siam a. Walcott leh Rosicky lachhuak in Gervinho leh Diaby te an rawn lut a. Chelsea lam pawn Romeu lachhuak in Mikel an luhtir ve thung a.

Midfield-ah bawk ball a la tam a, Arsenal lamin an nawr deuh zawk a. Mahse clear chance an nei thei bik lova, Chelsea lam paw’n counter atang an nawr ve reng bawk a. Arsenal-in Chamberlain chhuakin A.Santos an luhtir a, Chelsea lamin Kalou leh Bertrand lachhuakin Mata leh Ashley Cole an luhtir thung a.

Minute 81-ah Gervinho through ball tha tak chu Van Persie chuan a lo thelh leh a, a ke veilam chu ni se a hlauhawm khawp ang le. Midfield game bawk kan hmu tam a, clear chance an nei mumal thei lo ve ve a ni. Minute 85-ah Van Persie bawk hian box chhungah duh tawka Chelsea defender a bum hnuah Cech a pet per a, Arsenal tan chuan a uihawm khawp ang le.

Hun tawp dawnah an innawr tawn zak zak a, mahse goal a lut thei lova, 0-0 in an in draw ta a ni.

Statistics:

Arsenal an zuih dawn em?

Arsenal hian game 35 ah point 65 an hmu tawh a. Pathumna niin, anmahni hnaih bertu Tottenham Hotspurs leh Newcastle United te aiin point 6 in an la sâng. Mahse Tottenham leh Newcastle te hian he thu ziah lai hian match 2 ve ve in an la khel tlem zawk a, an match neih te hi an chak ve ve chuan Arsenal nen point inangah an ṭhu dawn tihna a ni.

Arsenal hian season tâwp an khar ṭha hleithei ṭhin lo a, tunah hian an game hnuhnung pahnihah point 1 chiah an hlawhchhuak a ni.

Chelsea tân top 4 a harsa

Chelsea hian game 34 ah point 58 an hmu tawh a, anmahni aia game 1 a khel tlem Tottenham leh Newcastle United ten point 59 an hmu tawh thung. Game 3 chiah khelh tur an nei tawh a, Chelsea tân top 4 a inhamtân hi a har telh telh dawn niin a lang.

Engpawhnise, Chelsea hi Champions League-a champion thei dinhmunah an la ding a, an champion a nih a, top 4 an kai pha lo a nih chuan, Premier League top 3 leh Chelsea te chiahin season lehah Champions League an khel thei ang. Hei vang hian pathumna nih phak hi kumdang zawng aiin a hlu dawn a, Arsenal hian pathumna dinhmun hi an hum zo angem? Chelsea hi top 4 ah an inhlangkai zo angem? Nge top 4 kher loin Champions League ah an insawrbing zawk ang?

Chelsea, Arsenal, Tottenham Hotspurs leh Newcastle United te zinga pahnih chiah hi season tawpah an hlim dawn. Anzingah hian tutenge season lehah Champions League khel tura i rin le?

 

10 thoughts on “Premier League: Emirates Stadium-ah Arsenal leh Chelsea in draw !

  1. Pingback: order cialis online

  2. Pingback: Canadian pharmacy cialis pfizer

  3. Cleverley VRT

    ka predict fuh lo lehtawh, tunkar tawp chu ka predict fuh lo hlawm ve kher mai…….VVGP…

  4. Xavi fanai

    Hriatthiam an gai ve ani e..tunlai cu big match an hmachhwn zig lutk a rilru leh taksa lamah an cau in an hah ve ani.away a epl cauh khel twh big 4 ami arsenal an la drw thei hi an titha viau alwm le..

  5. Thara

    Chelsea insiam that gaih na lai nia k hriat cu Mid field hi niin k hria…. Duh aiin an Build Up a muang mah2 thin…. Tiang a an khelh reng chuan Torres hi a NIL tawlh2 in k ring…..

  6. ruata

    a dik ani.. chelsea game kha awmzia awm lo khawp mai.. ka lo tan tehreng nen….. Arsenal te chu hneh tur sa a ka lo dah ngawt kha ka ti sual chiang hle ani.Kan fixture a hautak em bawk a tunlai chu chak reng tur chuan bei fe angai reng ani. UCL ah in sawr bing law law ang.

    Arsenal kha an vanduai ve bawk anih kha mawle.. Kan in draw hram a, kan vannei zawk khawp mai

  7. Mike H Tlau

    Arsenal an chaklo kha a mak khop mai. Chelsea tan chuan UCL nomawi chawi a tul zual zel, league lam beiseina a zuih ta tlat

  8. lrpatea

    zanin zet zong ka pawlte(chelsea) khel kha a chhe zoi goih2…”Pu zoi o zoi2″ tih zong2 kha anta ni mai..

  9. Zama Rumkhar

    Hei chu update of the year a thlan hial chi ni. hhaha. tha khawp mai.. Chelsea kha an nawi mah2. Rvp khan a miss nasa bok a, torres a tangkai lo tluan. Credit chu Arsenal defending. a solid khawp mai. Good post!! KZP

  10. Dustin Sampler14

    Va update tha ve he post chu, Zama nge2……. Chelsea dinhmun hi nia, a harsa khop mai a, mahse tuna a landan chuan Matteo hian UCL hi a risk law2 dawn niin a lang. Hei hi fans te pawhin an duhdan a ni ngei in ka ring. FA cup leh UCL te hian a ha an ti tim tawk hle niin a lang. Tin, amah mai nilo players te moral ah pawh BPL hian hmun tam a chang tawh lo niin a lang. Newcastle hi season tawp ah chuan 4-na ah an in hlankai nelh ka ring tlat.. very good post (kan ti leh hram teh ang).

Leave a Reply

Premier League: Emirates Stadium-ah Arsenal leh Chelsea in draw !

Arsenal hi table-ah pathumna an ni a, Chelsea erawh parukna an ni thung (Chelsea hian match khatin an khel tlem a ni). Hei vang hian chak an mamawh ve ve a, abikin Chelsea tan chuan Champions League khel tur chuan chak ngei ngei a ngai a ni. Arsenal tan chuan draw paw’n an dinhmun a la ?ha fe zawk a ni.

Chelsea first eleven-ah hian Barcelona an khelh tuma khel players pariat ngawt an chhawr lova. Torres, Bertrand, Bosingwa, Essien, Romeu, Malouda, Kalou leh Sturridge te hmel kan hmu thung a ni.

Tute nge khel?

Arsenal : Szczesny, Sagna, Vermaelen, Koscielny, Gibbs, Song, Ramsey, Rosicky, Chamberlain, Walcott, Van Persie

Chelsea : Cech, Bosingwa, Cahill, Terry, Bertrand, Essien, Romeu, Malouda, Kalou, Sturridge, Torres

1st half-ah Chelsea defender te an vannei

Inkhelh tantirh atangin game a tang nghal a. An game plan hi a inang deuh a tih theih. Striker pakhat ve ve hmangin midfielder panga ve ve an rawn hmang a, rin ang ngeiin midfield game kan hmu tam. Midfield-a ball in pek kual a, hmun awl hmuh veleh a striker ball pek tum ve ve an nih avangin ball hlauhawm hmuh tur a vang angreng.

Arsenal 0 Chelsea 0: match report

Minute 13-ah Walcott freekick pet chu Van Persie chuan hmun leh hmunah a thelh a, post a pet per a, Arsenal fans tam tak chu an au ring hman khawp ang le. Minute 25-ah Chelsea-in chance an nei ve hlauh a, Sturridge through ball tha zet chu Kalou chuan ho takin Arsenal defender a pet per a, corner a ni zui a.

Torres kha pe hman se chuan a goal ngei ang. An innawr chhunzawm zel a, minute 40-ah Van Persie freekick tha zet chu chan lova awm Koscielny chuan a head goal ngei dawna ngaih laiin bar a per hlauh mai a.  A vawihnihna atan Chelsea defender te an mualpho leh hman tep a ni. A hnu rei lo teah Song-a ball pek tha zet chu Van Persie chuan hnai tak atang a thelh leh a, hei pawh hi Chelsea defending chhiat vang a tih theih. Barcelona an khelh tuma defence nen kha chuan a inthlau hle a ni.

Goal a lut lova, 1st half chu a teuhvin a zo a.

Beisei pha lo 2nd half

Sustitution an siam lo ve ve a. 1st half-a che tha tehchiam lo Torres hmel kan hmu zeuh zeuh thung a. Minute 61-ah leh 65-ah Arsenal lamin substitution an siam a. Walcott leh Rosicky lachhuak in Gervinho leh Diaby te an rawn lut a. Chelsea lam pawn Romeu lachhuak in Mikel an luhtir ve thung a.

Midfield-ah bawk ball a la tam a, Arsenal lamin an nawr deuh zawk a. Mahse clear chance an nei thei bik lova, Chelsea lam paw’n counter atang an nawr ve reng bawk a. Arsenal-in Chamberlain chhuakin A.Santos an luhtir a, Chelsea lamin Kalou leh Bertrand lachhuakin Mata leh Ashley Cole an luhtir thung a.

Minute 81-ah Gervinho through ball tha tak chu Van Persie chuan a lo thelh leh a, a ke veilam chu ni se a hlauhawm khawp ang le. Midfield game bawk kan hmu tam a, clear chance an nei mumal thei lo ve ve a ni. Minute 85-ah Van Persie bawk hian box chhungah duh tawka Chelsea defender a bum hnuah Cech a pet per a, Arsenal tan chuan a uihawm khawp ang le.

Hun tawp dawnah an innawr tawn zak zak a, mahse goal a lut thei lova, 0-0 in an in draw ta a ni.

Statistics:

Arsenal an zuih dawn em?

Arsenal hian game 35 ah point 65 an hmu tawh a. Pathumna niin, anmahni hnaih bertu Tottenham Hotspurs leh Newcastle United te aiin point 6 in an la sâng. Mahse Tottenham leh Newcastle te hian he thu ziah lai hian match 2 ve ve in an la khel tlem zawk a, an match neih te hi an chak ve ve chuan Arsenal nen point inangah an ?hu dawn tihna a ni.

Arsenal hian season tâwp an khar ?ha hleithei ?hin lo a, tunah hian an game hnuhnung pahnihah point 1 chiah an hlawhchhuak a ni.

Chelsea tân top 4 a harsa

Chelsea hian game 34 ah point 58 an hmu tawh a, anmahni aia game 1 a khel tlem Tottenham leh Newcastle United ten point 59 an hmu tawh thung. Game 3 chiah khelh tur an nei tawh a, Chelsea tân top 4 a inhamtân hi a har telh telh dawn niin a lang.

Engpawhnise, Chelsea hi Champions League-a champion thei dinhmunah an la ding a, an champion a nih a, top 4 an kai pha lo a nih chuan, Premier League top 3 leh Chelsea te chiahin season lehah Champions League an khel thei ang. Hei vang hian pathumna nih phak hi kumdang zawng aiin a hlu dawn a, Arsenal hian pathumna dinhmun hi an hum zo angem? Chelsea hi top 4 ah an inhlangkai zo angem? Nge top 4 kher loin Champions League ah an insawrbing zawk ang?

Chelsea, Arsenal, Tottenham Hotspurs leh Newcastle United te zinga pahnih chiah hi season tawpah an hlim dawn. Anzingah hian tutenge season lehah Champions League khel tura i rin le?

 

Leave a Reply