Premier League: England ah rawng senin rawng pawl a luahlan

Pathianni zanah, inkhel pahnihin Premier League table chunglam a sawinghing a, Manchester United in an mikhual West Brom chu Wayne Rooney goal hnih hmanga an hneh laiin, Liberty Stadium-ah Luke Moore goal hmangin Swansea City in Manchester City an lo hneh ve bawk a. Manchester United in hunrei tak an ṭhenawmte an um hnuah an lehpel ta nge nge a, England-ah rawng senin rawng pawl a luahlan ta.

Manchester United 2 – 0 West Bromwich Albion

Manchester United hi Old Trafford-a Athletic Bilbao in an kât hlim an ni a, West Brom hi tunhnaia Premier League team form tak, kar hmasa-a Chelsea hnehtu kha an ni. Anni pahnih hi Pathianni zan khan Old Trafford-ah an inkhel ta a, Wayne Rooney goal hnih hmangin mual neitu an chak.

A tirah West Brom

Old Trafford-ah team tamtak an lo mikhual tawh ṭhin a, a tir aṭangin Man United nawr ngam hi team tlemte an ni. Chung team tlemte zingah chuan West Brom hi an tel a, inkhelh ṭan aṭanga minute 10 vel chu West Brom an langsar. Keith Andrews chuan ṭumhnih ngawt goal thunna chance ṭha tak a nei nghe nghe a ni.

Rooney the hero

West Brom an langsar rei lova, Scholes-a’n inkhel an thunun tial tial a, veilamah Ashley Young a langsar tial tial bawk. Minute 35 ah dinglam aṭanga Hernandez shot (cross) chu Rooney chuan a lo tawkpeng a, West Brom keeper leh defender te a bumchiang ngei mai.

Second half-ah pawh mual neitu thoin inkhel an thunun a, goal chance pawh an ngah malh malh ngei mai. Minute 53 ah penalty box chhunga Evra’n Odemwingie a titlu erawh penalty ngei tur niin a lang a, referee in a pe tlat lo. He penalty hi pek ni ta se inkhel result a danglam phah angem?

Minute 65 ah West Brom defender Jonas Olsson chuan yellow card pahnihna a hmuh avangin hnawhchhuah a ni a. Minute 71 ah penalty aṭangin Rooney bawkin pet goal in, hemi hnu hi chuan West Brom tân chance a awm tawh lo a ni ber. Goal dang a luhbelh tawh lova, a tawplama Tom Cleverley leh Paul Pogba te lo lut chuan lawm an hlawh hle.

Europa League lama an mualpho hnuah Man United fans ten lawmna tur an nei ve leh ta a. Champion tur chuan kalkawng harsa leh thui tak la awm mahse, inkhelh zawhah ‘Champions’ tih chu Old trafford-a Man United fans te auhla ring ber a ni.

Team Line ups:

Manchester United: De Gea, Evra, Jones, Ferdinand, Evans, Carrick, Young, Scholes (Pogba 72), Rooney, Hernandez, Welbeck (Cleverley 77)

West BromFoster, Olsson, Ridgewell, McAuley, Tamas, Morrison, Andrews (Scharner 72), Brunt (Shorey 72), Mulumbu, Odemwingie, Fortune (Long 77)

Statistics:

 

Swansea City 1 – 0 Manchester City

Tun kartawp inkhelh hma khan, England-a football club ṭha ber nihna chelhtu chu Manchester City a ni. He team hi Europa League-ah Sporting Lisbon hneh lova tlawm hlim hlawl an ni a, Swansea City khel tura an zinchhuak hi, Europa League-a an chak lo thinrim inhrikthlakna ni ngei turin fans ten an beisei. Mahse Swansea City hian Liberty Stadium-ah team ‘lian’ an khel thiam riau ṭhin a. He hmunah hian tun season-ah Arsenal an lo chak lo tawh a, Chelsea pawh an chak zo bik lo.

First half-ah Swansea leh Joe Hart

Swansea City hian bul an ṭan ṭha zawk a, minute 5 lekah Man City keeper Joe Hart chuan penalty box chhunga Routledge a tihtluk avangin penalty a chawi. He penalty hi Scott Sinclair chuan a pet a, mahse England goalkeeper no. 1 Joe Hart hian mawi takin a lo dang a ni. First half-ah hian Swansea City in ball an chang tam zawk a, Danny Graham chuan chance ṭha tak a nei nghe nghe. Swansea hi khel ṭha zawk mahse, captain Vincent Kompany tel lova khel Man City defence an ṭhiat hleithei bik lova, City zawk hi counter attack-ah an hlauhawm thei hle.

Man City manager Roberto Mancini-a’n minute 37 ah Gareth Barry lachhuaka Aguero a luhtir khan first half-a Man City dinhmun a tifiah mai awm e.

A tawpah Luke Moore

Half time-ah man City manager in thu awmze nei a sawi tih a lang. Midfield-ah Yaya Toure chuan game a thunun ṭan a, hunrei tak tak chhung Man City in Swansea half-ah ball an inpekual thei. A tirlama tlan nasa Swansea player te an chau ṭan tih hai rual a ni lo. Balotelli finishing ṭhat ni chu nise City hian goal an thun nualin a rinawm.

Hun a tawp ṭep a, Manchester United in goal hnihin West Brom an lead mek tih hriain City in thapui chhuahin an nawr tawh a, goal pawh an thun teuh thei hle mai. Mahse, minute 84 ah Gael Clicy tihsual kal zel aṭangin Routledge chuan dinglam aṭangin a cross a, hei hi substitute Luke Moore chuan a lo head goal. 1-0

Offside pawimawh chu

Man City in Adam Johnson luhtirin a tawpah an nawr a, minute 88 ah freekick aṭangin Micah Richards chuan a head goal a, amah leh City players te an lawm ngei mai. Mahse he goal hi assistant referee (hmeichhia) chuan offside a phar avangin pawm a ni lo. Replay a a landanin he thutlukna hi a dik a, tun season Premier League-a official thutlukna pawimawh ber a ni hial angem?

City hian a tawp thleng nawr mahse goal an thunbelh tawh lova, a tawpah Swansea lam hian an thunbelh teuh hle zawk a ni. First half-ah Swansea City an khel ṭha zawk a, second half-ah Manchester City an khel ṭha zawk thung.

Team Lineups and Stats

Swansea: Swansea: Vorm, Rangel, Williams, Caulker, Taylor, Allen, Britton, Sinclair, Sigurdsson, Routledge (Monk 87), Graham (Moore 79).

Man City: Hart, Richards, Savic, Toure,Clichy, Barry (Aguero 37), De Jong (Johnson 84), Nasri, Toure Yaya, Silva (Dzeko 87), Balotelli

Premier League-a hmahruaitu chu champion lai Manchester United an ni leh ta.

17 thoughts on “Premier League: England ah rawng senin rawng pawl a luahlan

  1. Shyma

    Huiva iagin len thym ila, mualtin cuan k nuam gei e, kn thlwh swmfag cham del cugah, leg-i siktui thiag cwi cug pwhin Sir ALEXleh MAN UTD tih biahzai anka nem mn chhawn gei hian k rig hlel lo e. Champion ciah kan tum 🙂

  2. Shyma

    Ka swi twh kha, a bul tan that hi chanve zo th ni mahse a twp thlega th that a pwi mwh ve tlat. RED DEVIL FOREVER YOUNG 🙂

  3. Tluangtea

    Ka la uang vak ngam lo… “A tawplamah hi chuan achangtute hi chu kan heti chho leh dawn a va ang ve” ka la ti ngam tawk.. Post chhiar nuam tak a ni.

  4. zofa

    A nuam ham ham hle mai…. Chak zawk nih kan phu a…BPL champion nih pawh kan tum chiang alawm…MU…

  5. Xavi Faka Fanai Xarep

    Atwp lama amwg hiattu zwka tan hi a tha duh riau in ka hria..city ka tan..united leh barca cu ka kham twh hrih em mai,hmel thar ka duh..

  6. Dustin Sampler14

    Nizana Man Utd line-ups kha en ila, Sir. Alex hian Europa aiin BPL hi a ngai pawimawh zawk niin a lang. Tun game pawimawh zia hi a hrechiang hle niin alang. He point khat hmang hian champion ila nimai lawm 🙂 Good post@!

  7. Aguero Hnamte

    West Brom ho chu Penalty chu pe se la chuan result chu a danglam ngei ang. United ho chu tun season ah vawikhat na atan an han lead ve dek dek a, an thaw lian nghal ringawt. Keini chu kan lo awm ning hman tep tawh a sin le….. 🙂

  8. Ramenga

    City goal thun pawm lotu kha a hming chu sian massey a ni..facebook a a page ah cuan United fans te lawmthu sawina a khat thla dul. Are u watching andy gray?

  9. Rca Hmar

    Nuam lutuk….. Nizan khan United ai chuan Swanswa vs Man Shity te inkhelha Asst. referee kha ka tan daih zawk…lol. GGMU

  10. Jonathanvalbawiha

    In khel en khan chak kan phu a, kan chak reng a ni mahse duh aiin goal a tlem mah2 ka ti. G G M U

Leave a Reply

Premier League: England ah rawng senin rawng pawl a luahlan

Pathianni zanah, inkhel pahnihin Premier League table chunglam a sawinghing a, Manchester United in an mikhual West Brom chu Wayne Rooney goal hnih hmanga an hneh laiin, Liberty Stadium-ah Luke Moore goal hmangin Swansea City in Manchester City an lo hneh ve bawk a. Manchester United in hunrei tak an ?henawmte an um hnuah an lehpel ta nge nge a, England-ah rawng senin rawng pawl a luahlan ta.

Manchester United 2 – 0 West Bromwich Albion

Manchester United hi Old Trafford-a Athletic Bilbao in an kât hlim an ni a, West Brom hi tunhnaia Premier League team form tak, kar hmasa-a Chelsea hnehtu kha an ni. Anni pahnih hi Pathianni zan khan Old Trafford-ah an inkhel ta a, Wayne Rooney goal hnih hmangin mual neitu an chak.

A tirah West Brom

Old Trafford-ah team tamtak an lo mikhual tawh ?hin a, a tir a?angin Man United nawr ngam hi team tlemte an ni. Chung team tlemte zingah chuan West Brom hi an tel a, inkhelh ?an a?anga minute 10 vel chu West Brom an langsar. Keith Andrews chuan ?umhnih ngawt goal thunna chance ?ha tak a nei nghe nghe a ni.

Rooney the hero

West Brom an langsar rei lova, Scholes-a’n inkhel an thunun tial tial a, veilamah Ashley Young a langsar tial tial bawk. Minute 35 ah dinglam a?anga Hernandez shot (cross) chu Rooney chuan a lo tawkpeng a, West Brom keeper leh defender te a bumchiang ngei mai.

Second half-ah pawh mual neitu thoin inkhel an thunun a, goal chance pawh an ngah malh malh ngei mai. Minute 53 ah penalty box chhunga Evra’n Odemwingie a titlu erawh penalty ngei tur niin a lang a, referee in a pe tlat lo. He penalty hi pek ni ta se inkhel result a danglam phah angem?

Minute 65 ah West Brom defender Jonas Olsson chuan yellow card pahnihna a hmuh avangin hnawhchhuah a ni a. Minute 71 ah penalty a?angin Rooney bawkin pet goal in, hemi hnu hi chuan West Brom tân chance a awm tawh lo a ni ber. Goal dang a luhbelh tawh lova, a tawplama Tom Cleverley leh Paul Pogba te lo lut chuan lawm an hlawh hle.

Europa League lama an mualpho hnuah Man United fans ten lawmna tur an nei ve leh ta a. Champion tur chuan kalkawng harsa leh thui tak la awm mahse, inkhelh zawhah ‘Champions’ tih chu Old trafford-a Man United fans te auhla ring ber a ni.

Team Line ups:

Manchester United: De Gea, Evra, Jones, Ferdinand, Evans, Carrick, Young, Scholes (Pogba 72), Rooney, Hernandez, Welbeck (Cleverley 77)

West BromFoster, Olsson, Ridgewell, McAuley, Tamas, Morrison, Andrews (Scharner 72), Brunt (Shorey 72), Mulumbu, Odemwingie, Fortune (Long 77)

Statistics:

 

Swansea City 1 – 0 Manchester City

Tun kartawp inkhelh hma khan, England-a football club ?ha ber nihna chelhtu chu Manchester City a ni. He team hi Europa League-ah Sporting Lisbon hneh lova tlawm hlim hlawl an ni a, Swansea City khel tura an zinchhuak hi, Europa League-a an chak lo thinrim inhrikthlakna ni ngei turin fans ten an beisei. Mahse Swansea City hian Liberty Stadium-ah team ‘lian’ an khel thiam riau ?hin a. He hmunah hian tun season-ah Arsenal an lo chak lo tawh a, Chelsea pawh an chak zo bik lo.

First half-ah Swansea leh Joe Hart

Swansea City hian bul an ?an ?ha zawk a, minute 5 lekah Man City keeper Joe Hart chuan penalty box chhunga Routledge a tihtluk avangin penalty a chawi. He penalty hi Scott Sinclair chuan a pet a, mahse England goalkeeper no. 1 Joe Hart hian mawi takin a lo dang a ni. First half-ah hian Swansea City in ball an chang tam zawk a, Danny Graham chuan chance ?ha tak a nei nghe nghe. Swansea hi khel ?ha zawk mahse, captain Vincent Kompany tel lova khel Man City defence an ?hiat hleithei bik lova, City zawk hi counter attack-ah an hlauhawm thei hle.

Man City manager Roberto Mancini-a’n minute 37 ah Gareth Barry lachhuaka Aguero a luhtir khan first half-a Man City dinhmun a tifiah mai awm e.

A tawpah Luke Moore

Half time-ah man City manager in thu awmze nei a sawi tih a lang. Midfield-ah Yaya Toure chuan game a thunun ?an a, hunrei tak tak chhung Man City in Swansea half-ah ball an inpekual thei. A tirlama tlan nasa Swansea player te an chau ?an tih hai rual a ni lo. Balotelli finishing ?hat ni chu nise City hian goal an thun nualin a rinawm.

Hun a tawp ?ep a, Manchester United in goal hnihin West Brom an lead mek tih hriain City in thapui chhuahin an nawr tawh a, goal pawh an thun teuh thei hle mai. Mahse, minute 84 ah Gael Clicy tihsual kal zel a?angin Routledge chuan dinglam a?angin a cross a, hei hi substitute Luke Moore chuan a lo head goal. 1-0

Offside pawimawh chu

Man City in Adam Johnson luhtirin a tawpah an nawr a, minute 88 ah freekick a?angin Micah Richards chuan a head goal a, amah leh City players te an lawm ngei mai. Mahse he goal hi assistant referee (hmeichhia) chuan offside a phar avangin pawm a ni lo. Replay a a landanin he thutlukna hi a dik a, tun season Premier League-a official thutlukna pawimawh ber a ni hial angem?

City hian a tawp thleng nawr mahse goal an thunbelh tawh lova, a tawpah Swansea lam hian an thunbelh teuh hle zawk a ni. First half-ah Swansea City an khel ?ha zawk a, second half-ah Manchester City an khel ?ha zawk thung.

Team Lineups and Stats

Swansea: Swansea: Vorm, Rangel, Williams, Caulker, Taylor, Allen, Britton, Sinclair, Sigurdsson, Routledge (Monk 87), Graham (Moore 79).

Man City: Hart, Richards, Savic, Toure,Clichy, Barry (Aguero 37), De Jong (Johnson 84), Nasri, Toure Yaya, Silva (Dzeko 87), Balotelli

Premier League-a hmahruaitu chu champion lai Manchester United an ni leh ta.

Leave a Reply