Premier League : Manchester Pahnih An Innihrual!

Transfer buaiin kan buai a, Premier League inkhel pawh tumahin kan lo la post hlei nem maw le! Hei, Manchester khaw club pahnih chu an intauhsiribup leh ta der a nia! Club tenau hneh harsat Liverpool pawhin Wolves an sawp a, a man to leh pa len aia lak tlak loh Andy Carroll pawhin goal a khung ve teh tlat! Chelsea pawh an vannei chungchuang.

Ni e, Barclays Premier League a hmuhnawm zel a, a hmuhnawm rualin a ngaihnawm tial tial mai. A chhan chu Thawhlehni zan khan Manchester khaw club pahnih chu inkhel zingah telin, hmahruaitu City an chak lova, umtu United an chak thung a! An point hmuh zat a inang leh ta chiah a, goal difference chiah a ni ta. City tan lungmuan a hun ta lo.

Thawhlehni zan Premier League inkhelah champion lai United chuan 2-0 in Stoke City an hneh a. City hi Everton-in 1-0 in an lo hneh si a, point 54 ve ve hmuin table chung lamah a chungnung zawk nih inchuhna a na ta sawt a ni.

United hian penalty vawihnih an hmu a, Javier Hernandez leh Dimitar Berbatov ten an pet goal a, Stoke hi an hneh a. Everton tan a City hnehna goal khungtu hi United player, hmanni lawk a Everton-in an lei, Darron Gibson a ni!

Tottenham pawh an chak ve leh ta a, 3-1 in White Hart Lane-ah an mikhual Wigan an hneh a, pathumna dinhmunah an insawhnghet zel. He inkhelah hian Luka Modric chuan Gareth Bale tan siamsakin Bale hian goal khatna a khung a, chumi hnuah Modric hian goal a khung ve leh a. Second half-ah Bale bawk hian goal ropui khungin, 3-0 in hma an hruai hnuah, hun tawp dawnah Wigan tan James McArthur chuan goal khat a khung ve a ni.

Liverpool pawhin Champions League khelh phak tumin tan an la ve ngar ngar a, Molineux-ah Wolves chu 3-0 a hnehin hma an sawn ve hret hret zel.

He inkhelah hian first half-ah goal a lut lova. Second half-ah Andy Carroll, Craig Bellamy leh Dirk Kuyt ten goal an khung a ni.

Chelsea chu an mikhualnaah an mualpho lo chauh a, Swansea chu 1-1 a hnehtawk hramin, an player ten goal an khung thei lova. Hun tawp dawnah Swansea player Neil Taylor chuan own goal a khung hlauh a, Chelsea hi an vannei ta a ni. He inkhelah hian Chelsea defender Ashley Cole chu hnawhchhuah a ni nghe nghe.

———————————

You May Also Like

More From Author

19Comments

Add yours
  1. 10
    Dustin Sampler14

    Shitty ho chu an chhuang a sen ve dek2 a an khuang vin nghal rgnt a siak mom tet si hian 🙂 … Scholes a rwn comeback hi kan thatpui dawn khp mai.

  2. 14
    Zaia Roite

    Ni chiah. Chelsea winger hlui Scott Sinclair-a’n Swans tan goal a khung hmasa lehnghal maw le! Ka ziak sual chiang lutuk. Thanks @Jeremy Ngila. 😀

  3. 15
    Jeremy Ngila

    Man. Utd. chu kan va pui chho leh bep bep dawn ta ve! Kan player-te an rawn dam chho ṭan zel bawk sia. Nuam singkhawwwww! Shitty here we comeeeeeeeeeeeeeeeeeeeeeeeeeee!!!!!!!!!!!!

  4. 16
    Mamtea Ralte

    Swansea 1-1 Chelsea. 90 mins ah Swansea Player in a Own goal hlauh a, AVB-a pawl te chu an vannei khawp mai. GGMU 🙂

  5. 17
    KC Zalena

    chelsea te khi an indrw ani lwm ni?! Champion tur hi cu kn hriat ania…ti keuh2 ila champ leh daih ila ani mai alm…rooney,nani leh young pwh an rwn let leh dwn twh e..

+ Leave a Comment

Premier League : Manchester Pahnih An Innihrual!

Transfer buaiin kan buai a, Premier League inkhel pawh tumahin kan lo la post hlei nem maw le! Hei, Manchester khaw club pahnih chu an intauhsiribup leh ta der a nia! Club tenau hneh harsat Liverpool pawhin Wolves an sawp a, a man to leh pa len aia lak tlak loh Andy Carroll pawhin goal a khung ve teh tlat! Chelsea pawh an vannei chungchuang.

Ni e, Barclays Premier League a hmuhnawm zel a, a hmuhnawm rualin a ngaihnawm tial tial mai. A chhan chu Thawhlehni zan khan Manchester khaw club pahnih chu inkhel zingah telin, hmahruaitu City an chak lova, umtu United an chak thung a! An point hmuh zat a inang leh ta chiah a, goal difference chiah a ni ta. City tan lungmuan a hun ta lo.

Thawhlehni zan Premier League inkhelah champion lai United chuan 2-0 in Stoke City an hneh a. City hi Everton-in 1-0 in an lo hneh si a, point 54 ve ve hmuin table chung lamah a chungnung zawk nih inchuhna a na ta sawt a ni.

United hian penalty vawihnih an hmu a, Javier Hernandez leh Dimitar Berbatov ten an pet goal a, Stoke hi an hneh a. Everton tan a City hnehna goal khungtu hi United player, hmanni lawk a Everton-in an lei, Darron Gibson a ni!

Tottenham pawh an chak ve leh ta a, 3-1 in White Hart Lane-ah an mikhual Wigan an hneh a, pathumna dinhmunah an insawhnghet zel. He inkhelah hian Luka Modric chuan Gareth Bale tan siamsakin Bale hian goal khatna a khung a, chumi hnuah Modric hian goal a khung ve leh a. Second half-ah Bale bawk hian goal ropui khungin, 3-0 in hma an hruai hnuah, hun tawp dawnah Wigan tan James McArthur chuan goal khat a khung ve a ni.

Liverpool pawhin Champions League khelh phak tumin tan an la ve ngar ngar a, Molineux-ah Wolves chu 3-0 a hnehin hma an sawn ve hret hret zel.

He inkhelah hian first half-ah goal a lut lova. Second half-ah Andy Carroll, Craig Bellamy leh Dirk Kuyt ten goal an khung a ni.

Chelsea chu an mikhualnaah an mualpho lo chauh a, Swansea chu 1-1 a hnehtawk hramin, an player ten goal an khung thei lova. Hun tawp dawnah Swansea player Neil Taylor chuan own goal a khung hlauh a, Chelsea hi an vannei ta a ni. He inkhelah hian Chelsea defender Ashley Cole chu hnawhchhuah a ni nghe nghe.

———————————

You May Also Like

More From Author

+ There are no comments

Add yours