Premier League Gameweek 11 na chu khel chhunzawm ni in, Conte leh Chelsea an ropui zual zel a, an khelmual ah Everton 5-0 in an sawp. Chutih laiin Man City chuan Champions League ah Barcelona 3-1 in an home ah hneh mahse Premier League ah result tha an neih chhunzawm theilo a, 1-1 in kaithar Middlesborough nen an intha then thung a ,Pep Gourdiola nauten kartawp an khar tha ta lo a ni.
Chelsea 5-0 Everton : Chelsea chuan Everton chu 5-0 a lo sawp in Stamford Bridge chu zawh chim theih loh ni an siam chhunzawm zel a, an home ah Liverpool an hnehloh hnuin hartharna an chang a, an tumpui te an hneh vek bakah goal an chhuah leh ta miahlo a, point 25 hmu in League hmahruaitu an rawn ni ta.
Chelsea tan Eden Hazard chuan goal hnih thun in, tunhnai a hartharna chang Pedro leh an striker goal khung reng mai Costa bakah Alonso ten goal khat theuh an khung a. Everton tan an striker goal khung thei em em Lukaku awm tho mah se Stamford Bridge ah erawh goal a khung theilo.
Conte chuan an naute khelh dan chu “A ropui a ni” ati in a fak a. ‘Chak zawk a tan hi a pawimawh rualin football tha kan khel thei a, khatiang ang a game tha kan khelh khan a lawmawm bik a ni. Vawiin ah game ropui kan khel a, khelmual pawn a min lo tan tu (fans) te pawh an fakawm hle a ni.”ti in an inkhel chungchang a sawi.
Chaklo lam Manager Ronald Koeman pawhin an tumpuite fakin “An manager in a player te chak turin rilru a siam a, chak tumin an tui hal a. theih tawp in a sual chhuak bawk a, an thawkrim in , an nawrna a, a tlang reng bawk a. Keini pawhin anmahni atang khan zirtur kan nei a, zirlai tha tak min siam a ni” ti in hahip in an tumpui te a fak a ni.
Inkhel dang result :
AFC Bournemouth 1 – 2Sunderland
Burnley 3 – 2 Crystal Palace
Manchester City 1 – 1 Middlesbrough
West Ham United 1 – 1 Stoke City
Chelsea 5 – 0 Everton
Cialis store
Brand name cialis