Chawlhni zan Premier League inkhelah Stoke City chuan Tottenham Hotspur chak kal tluang lai an lo dang a, 2-1 in an lo hneh a. Sunderland pawh manager thar hnuaiah an chak hram.

Match 11 chhung hneh loh nei lova kal tluang tawh Spurs kal tluang lai chu Britannia Stadium-ah Stoke-in an lo mikhual a. Inkhelh \an tirh a\angin Stoke hian chance an nei nghal a, rei lo teah goal pawh an khung ta mai bawk a. Matthew Etherington chuan first half chhungin goal hnih a khung a, 2-0 in half-time ah hma an hruai a ni.

Second half-ah Spurs hian an si phurh sut ngei tumin an nawr nasa hle a, mahse Stoke hian experienced player an ngah em avangin Spurs tan pawh pantlang hleih theih an ni bik lova. Minute 62-naah Glenn Whelan chuan Luka Modric lakah penalty a chawi a, Emmanuel Adebayor chuan a khung. Hemi hnu hian Spurs-in an nawr a, Stoke an inveng a ni deuh ber mai a, counter-attack-ah Stoke hian an khung teuh ve viau \hin bawk. Spurs defender Younes Kaboul-a pet chu Ryan Shawcross chuan goal line-ah a kutin a lo dang a, mahse referee-in an ham lova. Adebayor-a goal khung, off-side ni-a lang lo pawh off-side an phar tlat a, Spurs-in an si phurh an sut zo ta lo.

Spurs defender Kaboul chu minute 82 naah hnawhchhuah a ni a, inkhelah erawh a lang vak chuang lo. Hun tawp thlengin goal an khung belh thei lova, Stoke an chak ta a ni.

 Stoke City hi an home-ah an che thei hle a. Tun season-ah Liverpool an lo hneh tawh a, Chelsea leh Manchester United an draw bawk a, tunah Spurs an lo hneh leh tawh a ni. Season liamta khan champion Manchester United tih loh chu club lian zingah Britannia-a chak zo an awm miah lo!

Inkhel dangah Martin O’Neill chuan ropui taka bul \anin Sunderland chu 2-1 in Blackburn lakah a chakpui.

Stadium of Light-a inkhelah hian beisei loh deuhvin Blackburn tan Simon Vuckcevic chuan a head goal a, hma an hruai der a! Hun rei tak Sunderland hian goal an khung thei lova, chak lo ngei tawh dawnin an lang hman a. Mahse minute 82-naah David Vaughan chuan long shot mawi lutuk hmangin an si phurh a sut a. Hun pek belah Sebastian Larsson chuan free-kick a\angin mawi lutukin goal a khung a, an chakpui ta ni.

Sunderland hian point 14 hmuin table-ah 16-na an ni a. Blackburn hian point 10 hmuin 19-na an ni mek bawk. Injury time-ah Jason Lowe chu a inhliam na hle niin a lang a, an zawn chhuak a, Blackburn tan vanduaina thuah hnih a ni awm e.