Premier League Ticket-Bih chhianna (Duh huna neih mai mai theih a ni em?)
Dam chhunga vawi khat tal Premier League inkhel a hmunah en ve ngei ka tum tiin Sum i inkhawl a, England ram zin turin visa i dila, rei tak i buaipui hnuah kal phalsak i ni ta a. (A tawi zawng in -Britain Visa hi sponsor neih loh chuan Indian tan thil har tak a ni)
Tichuan, England-ah zin khaw thawngin i kal a, i game ngainat em em Premier League khelhna hmunpui a ni a, kar tawpah i club tan te inkhel en ve ngei i tum bawk ngei ang. Mizoram ah MPL te,i-league te leh tournament lian final ah te ticket zuar lawk ve thin mah se Inkhelh hmain ticket lei turin Lammual leh Ragiv Gandhi Stadium ah kan intlar put a, inkhelh tan meuh chuan a kal tur ang ang chuan thuthmun chu kan nei ve mai thin. Amaherawhchu, khaikhin rualloh khawvel a Football League sum lalut hnem ber Premeier League match khat en ve zeuh turin eng nge tul in bihchiang dawn teh ang.
Premier League Ticket chan a har!A chhan hrang hrang zinga bul pui ber chu:
1) Premier League inkhel ka en duh kan tih a rilru a lang hmasa chu khawvel club hlun leh lar Chelsea, Arsenal, Manchester United, Manchester City, Tottenham leh Liverpool te rilru ah a lang nghal a, an home stadium ah inkhel en tur chuan kumpui lingletin ticket inchuhna a sang em em vek.
2) Heng club kan sawi te inkhel (eg. Liverpool vs Man Utd, Chelsea vs Arsenal) te en tur phei chuan a let 10 chuangin ticket chan a harsa.
3) A tam zawk in heng big club inkhel ticket hi chan tum vek an nih bakah fixture lo thlen dawn hnaiah lei an tum thin.
4) Mi pakhat tan chauh ticket lei an tum lo tlang pui a thian ho mi pali/ panga te nih tum phei chuan thil harsa leh zual a ni.
5) Kum khata a thil thleng zen zen lo a lo nih ve bawk avangin club lian inkhel hi ticket ngaihven tu an tam zual.
A nih leh Premier League ticket nei a inkhel en ve ngei chu kan duh si chuan engtin nge hma lak dan tur.
1)Matchday ticket hi Premier League hian club hrang hrang te thuneihna a pe a, an club oficial store leh website katlang in an hralh deuh ber thin. Khawpui a club awm ticket a to tlangpui thin (Entirnan : London hi England khawpui a ni a, London club lian Chelsea, Arsenal te match ticket hi Liverpool, Manchester Utd, Man City te aiin a to zawk tlangpui). Tin, club tenau zawk te ticket a tlawm zawk thin bawk. Stadium chhung a stand hrang hrang thutna a hnai leh hlat a zir te leh a thutna seat that zawng a zir te pawhin man hrang hrang a nei leh bawk.
2)Club ten season tan tirah season ticket an hralh chhuak thin a, season ticket ah pawh hian Home match chauh te, Home and Away bakah European Tournament khel tur an nih bawk cuan package hrang hrang a awm thin
3) Club membership in ziahluh in awm zia a nei bawk, club membership pawh hi chi hrang hrang a awm leh a, England mi leh sa, England ram chhung a awm leh Ramdang atanga club tan tu nihna official membership in awmzia thui tak a nei a, heng lo nei te hi club in offer hrang hrang club website kaltlang in a pe thin bawk.
4) Hospitality package an ti a, chu chu official reseller te an ni, an ni kaltlang hian Premier League ticket neih awlsam a, mahse reseller an ni a, aman pangngai aia let tam tak insen ngam a ngai.
5) Premier League hi August-May chhung a khelh a ni a, fixture hi season tan hma kar 6 na velah an chhuah thin. Fixture mila zin hun/en hun tur mahni lo inhmakhua a pawimawh.
6) Premier League club inkhel hrim hrim en duh nih thung chuan club lian lo zawk inkhel emaw FA Cup leh Carabao Cup te chan a awl leh zual.
7) Thian ho a inkhel en tur nih pawhin thut ho kher tum loh mai a fuh.
