Preview : Chelsea vs Manchester United.

Posted on April 6, 2011July 10, 2011 by ZoFooty

Chelsea vs Manchester United
Coverage : Ten Action+ (11:30 pm, 6th April) Kick off at 12:15 am

Stamford Bridge a Chelsea leh Manchester United inkhel tur hi tun season Champion League-a game nghahhlelhawm ber pawl a ni awm e. Anni hi 2008 final ah lo intum tawhin United hi penalty ah an lo chak tawh a ni.

English Civil war:
Premier League lamah an in champion chhawk zak zak a, England a team tha ber inti ve ve an ni. English media ho chuan an pahnih inkhel tur hi England a team tha ber zawnna, field chhunga indona, English Civil War a ni an ti.
Chelsea tan tun season ah Champions League bak beisei tur a awm tawh lo a, chak ngei ngei an mamawh tawh. Chutihlaiin Treble champion nih tum United hian quarter final a tlak mai chu an tum lo khawp ang.
Stamford Bridge ah United hi kum 9 chhung in vawikhatmah an la chak lo a, zaninah chak zo tak maw?
Tunge tha zawk?
Fernando Torres leh Nemanja Vidic te innuai tur hi hmuh a chakawm a, Valencia leh Ashley Cole in check pawh hi a hmuhnawm khawp ang. Rooney leh Terry inveng tur hi a nghahhlehawm a, United veilama Evra leh Nani inkawp nge tha ang Chelsea
veilama Malouda leh Ashley Cole inkawp?

Chelsea probable line up :
Cech; Bosingwa, Ivanovic, Terry, Cole; Ramires, Essien, Lampard, Malouda; Anelka, Torres.

Manchester United probable line up:
Van der Sar; Fabio, Smalling, Vidic, Evra; Valencia, Carrick, Scholes, Nani; Rooney; Hernandez.

Team news :
Manchester United defenders Rafael da Silva leh Jonny Evans te dam tawh a, Ferdinand erawh a la chiang lo.
Chelsea tan David Luiz chu cup-tied a nih vangin a khel thei dawn lo thung.

Prediction :
Chelsea 1-1 Manchester United.

ZoFooty