Coverage : Ten Action + 17/04/2011 1:30 am
El Clasico
American ho chuan Super Bowl hi khawvela show ropui ber an ti a, football ngaina tu te chuan Football World Cup hi khawvela show ropui ber an ti thung. Mi tamtakin Summer Olympics hi a ni e an ti a, Real Madrid leh Barcelona fans te tan chuan El Clasico hi khawvela show ropui ber a ni awm e.
Spain mai ni lo, khawvela club tha ber pahnih (?) an inkhel dawn a, khawvela player tha ber pahnih an inel leh dawn. Manager pahnih ten an team neih that ber an khelhtir tur thu an sawi tawh a, Santiago Bernabeu ah game hmuhnawm kan hmu leh dawn e.
Point 8 a hmahruaitu Barcelona hi hmelma khelmualah an chak a nih ngat chuan an champion chiang tawh a tih theih ang. Chutihlaiin Real Madrid lamin Nou Camp-a 5-0 a an chak loh an hre reng ang a, phuba lak ngei an tum thung ang.

Vawi 5 ah vawi 5
An intum hnuhnung 5 ah Barcelona an chak vek a, an intum hnuhnun ber tum phei chuan 5-0 in an chak. Real Madrid coach hrang hrang ten tactic hrang hrang hmangin dan an lo tum thin a, an hlawhtling hleithei lo. Jose Mourinho hian Santiago Bernabeu ah Barcelona hneh theih dan thuruk hmuchhuak thei tak ang maw?
El Clasico overkill?
Football world cup hlut zual em em na chu kum li danah vawi 1 chauh a thlen vang a ni a, Super Bowl pawh kum khat ah vawikhat bak hmuh tur a awm lo. El Clasico chu naktuk zanah an khel ang a, Copa del rey, Champions League nen, ni 18 a ral leh meuh chuan El Clasico vawi li an khel hman dawn. Tun kum (2012) ah ringawt pawh El Clasico pasarih(7) a awm dawn. Hei hian El Clasico hlutna a ti bo ti pawl an awm a, a ropuina a tihniam an ti. Engpawhnise, football fans tam zawk chuan pawi an ti lem awm lo e.

Probable line ups:
Real Madrid: Casillas; Ramos, Pepe, Carvalho, Marcelo; Khedira, Alonso; Ronaldo, Ozil, Di Maria; Adebayor
Barcelona: Valdes; Alves, Pique, Busquets, Adriano; Xavi, Keita, Iniesta; Villa, Messi, Pedro
Prediction
Real Madrid 1-2 Barcelona.