Big Four tih a koh thin anni ngai lova, London khaw club zinga club lian ber pawh anni hek lo. Mahse tunah chuan khawvelin an inkhel an en chak a, an inkhel an en chak chhan hi an tumpui tur Real Madrid annih vang ngawt a ni lo, an en chak chhan chu Harry Redknapp a hnuaiah Spurs in hartharna an chang vang zawk a ni.

Tunah hian Spurs hian Young Boys te, Dutch Champions FC Twente te mai bakah Werder Bremen leh AC Milan te he tournament atang hian an lo ti tla tawh a. Tunah hian an la thlen na ngai lo ram Semi Final thleng turin an hma ah European competition a hlawhtling ber Real Madrid an ding tlat mai bawk si. An dihmun hi a va huphurhawm tak em!!!

Mahse Spurs tan Real Madrid hi khawvel club ropui ber ni mahse hlau tur bik erawh anni lo. Real Madrid hian Monaco kum 2004 a an hnehloh hnu khan he stage hi an la thleng bik lo. Real Madrid Coach in Jose Mourinho in Real Madrid in last 16 UCL ah season ruk chhung ngawt an an paltlang tawh lo chu media lamin ngaihven hle mahse tunah chuan Quarterfinal an thleng tawh a, hei hi club tih dan pangai a ni a ti thung.

La Liga lamah Barca lakah point 8 ngawtin an hniam zawk avangin Real tan chuan UCL hi an Cup ropui lak theih awmchhun annih tawh hmel a, chuvangin chuan he inkhel hi a nep thei lo hrim hrim. Real Madrid hi an Champion annih ngai chuan an coach Jose Mourinho hi Champions League a club pathum Champion pui thei hmasaber a ni dawn a ni.