Tottenham boss hlui Mauricio Pochettino chu Ligue 1 club PSG manager thar atan rinkai ber a ni mek. PSG hian tun season tawpa a contract hmang zo tur Thomas Tuchel an ban thu hi la puang lo mahse khawthlang media rintlak zual te chuan an ban fel tawh tih an sawi.
Kum 47 a upa Tuchel hian kum 2018 June thla khan PSG hi enkawl tanin league nomawi pahnih a chawipui hman a, French Cup leh French League Cup te chawiin an duh ber Champions League nomawi hawn thei lo mahse a vawikhat nan final a luhpui bawk. Tun season Ligue 1 – ah pathumna ni mekin hmanhruaitu Lyon chu point khatin an pha lo a, Champions League -ah round of 16 an lut tawh bawk.
Amah thlaktu tura beisei 2019 Champions League final – a Spurs hruai thlengtu Pochettino hi PSG player hlui a ni a, kum 2001 atanga 2003 chhung khan Ligue 1 club tan hian a khel. Kum 48 a upa Southampton boss hlui hi nikum November thlaa Spurs in an ban hnuah hna a la nei leh lo a, tun atanga reilote ah PSG manager thar a nih pawhin thilmak a ni lo ang.
