PSG in Thiago Silva an leifel ta

Italian Serie A mai ni lo, khawvela defender tha ber anga mi tamtakin an ngaih, AC Milan Brazilian defender Thiago Silva chuan French Ligue 1 club Paris Saint Germain chu Inrinni khan a zawmfel ta. Thiago Silva hian kum nga chhung PSG player ni turin contract a ziak a ni.

Tun dinhmunah, football club zinga transfer bazar a huai deuh ber PSG hian player leina tur sum an neihzia an tilang zel a. Napoli atanga Argentine international Ezequiel Lavezzi lakluh hnuin Silva an lalut leh ta a, tunah hian AC Milan a Silva teammate Zlatan Ibrahimovic pawh lakluh tumin an dawr mek a ni.

Defender manto ber dawttu

Kum 27 a upa Thiago Silva hian June thla tawp mai khan AC Milan ah kum nga daih contract a ziak a. Mahse Milan hi sum lamah an tlakchhiat em avangin president Silvio Berlusconi chuan a player tha ber pahnihte hi hralh a remti ta a ni. Tunah hian Silva hi PSG ‘official player’ a ni tawh a, harsatna dang a awm loh chuan Ibrahimovic pawh hun reilote ah PSG player a ni ang.

PSG hian Milan atanga Silva lakchhuah nan euro maktaduai 42 (€42 million) vel zet an seng nia report a ni a, Manchester United defender Rio Ferdinand tih lohah chuan defender manto ber a ni. Kumkhatah euro maktaduai 7.5 (€7.5 million) a hlawh ang a, hei bakah hian €1.5 million thleng bonus a dawng thei bawk ang. Silva hi pawisa um vanga chhuak ni lovin, sum lama harsatna tawk mek AC Milan an hralh a ni tih erawh kan hriat a tha awm e.

Silva hi PSG ah a mikhual vak dawn lo a, a coach hlui Leanardo bakah Brazilian dang Alex, Maxwell leh Nene te an awm sa tawh avangin tlatlum nghal viau tura ngaih a ni. Serie A lama a lo hmachhawn tawh thin Thiago Motta, Javier Pastore leh Ezequiel Lavezzi te nen an khelho dawn a ni a, Leanardo hian football khawvela player langsar tak tak a kawl a, a card huai tak takte hi a phuahkhawm thiam chuan Europe-a team hlauhawm tak a din thei ngei ang le.

Thiago Silva hian kum 2008 ah AC Milan a zawm a. Milan leh Italy history a defender ropui pahnih Maldini leh Nesta te hnuaiah inzir chhoin, kum li a ral meuh chuan Milan defender pawimawh ber a ni tawh a, Brazil national team ah pawh a dam phawt chuan ‘chiang sa’ a ni tawh. Football a khelh tir lamah a ropui vak bik lo a, Milan hi Silva ti Silva tu pawh a tih theih ang. A khelh tawhna leh hlawhtlinna a chan tawhte a hnuaiah en rawh le.

THIAGO EMILIANO DA SILVA
Pianni: September ni 22, 1984
Pianna hmun: Rio de Janeiro
Nationality: Brazilian
Position: Defender
1.83m / 79kg

Former Clubs:
2003: RS Futebol  (33 matches in Serie C, 3 goals)
2004: Juventude (27 matches in Serie A, 3 goals)
2004-2005: FC Porto (0 match in Liga Sagres)
2005: Dinamo Moscou (0 match in Division 1)
2006: Fluminense (31 matches in Serie A)
2007: Fluminense (30 matches in Serie A, 5 goals)
2008: Fluminense (20 matches in Serie A, 1 goal)
2008-2009: AC Milan (0 match in Serie A)
2009-2010: AC Milan (33 matches in Serie A, 2 goals – 7 matches in the Champions League)
2010-2011: AC Milan (33 matches in Serie A, 1 goal – 6 matches in the Champions League)
2011-2012: AC Milan (27 matches in Serie A, 2 goals – 7 matches in the Champions League, 1 goal)

Honours:
Brazil Cup 2007 (Fluminense)
Italian Serie A 2011 (AC Milan)
Italian Super Coppa 2011 (AC Milan)

 

9 thoughts on “PSG in Thiago Silva an leifel ta

  1. Pingback: cialis 10mg

  2. Pingback: cialis 5 mg

  3. Pingback: Brand cialis for sale

  4. Puia Riquelme

    A that vanglai taka Ligue 1 vel khel ‘mai mai’ tur chuan ka ui khawp mai..Ibrahimovic a chhuah leh phei chuan Milan chu an thawl duak ngei ang..Goal.com in ‘Thiago Silva sale leaves Milan all out of heroes’ a tih kha ka pawm khawp mai..superstar an tlachham tan tlat

  5. Ramenga

    AC milan hi hausak hmel viau si, Kaka kha sum mamawh vangin an hralh ringot toh bok a..pawisa hi club president berlusconi political career puihna tur niin report a awm a. Tevez pawh an duh ni awm e.

  6. Dustin Sampler14

    Hepa hi chuan a man khi a phu thlawt a ni. Mahse, khiti zah sum senna atan chuan a kum a tam deuh mah tawh chuan ka hria. PSG pawh UCL lamah kan hmu deuh zut tawh dawn e… VGP

Leave a Reply

PSG in Thiago Silva an leifel ta

Italian Serie A mai ni lo, khawvela defender tha ber anga mi tamtakin an ngaih, AC Milan Brazilian defender Thiago Silva chuan French Ligue 1 club Paris Saint Germain chu Inrinni khan a zawmfel ta. Thiago Silva hian kum nga chhung PSG player ni turin contract a ziak a ni.

Tun dinhmunah, football club zinga transfer bazar a huai deuh ber PSG hian player leina tur sum an neihzia an tilang zel a. Napoli atanga Argentine international Ezequiel Lavezzi lakluh hnuin Silva an lalut leh ta a, tunah hian AC Milan a Silva teammate Zlatan Ibrahimovic pawh lakluh tumin an dawr mek a ni.

Defender manto ber dawttu

Kum 27 a upa Thiago Silva hian June thla tawp mai khan AC Milan ah kum nga daih contract a ziak a. Mahse Milan hi sum lamah an tlakchhiat em avangin president Silvio Berlusconi chuan a player tha ber pahnihte hi hralh a remti ta a ni. Tunah hian Silva hi PSG ‘official player’ a ni tawh a, harsatna dang a awm loh chuan Ibrahimovic pawh hun reilote ah PSG player a ni ang.

PSG hian Milan atanga Silva lakchhuah nan euro maktaduai 42 (€42 million) vel zet an seng nia report a ni a, Manchester United defender Rio Ferdinand tih lohah chuan defender manto ber a ni. Kumkhatah euro maktaduai 7.5 (€7.5 million) a hlawh ang a, hei bakah hian €1.5 million thleng bonus a dawng thei bawk ang. Silva hi pawisa um vanga chhuak ni lovin, sum lama harsatna tawk mek AC Milan an hralh a ni tih erawh kan hriat a tha awm e.

Silva hi PSG ah a mikhual vak dawn lo a, a coach hlui Leanardo bakah Brazilian dang Alex, Maxwell leh Nene te an awm sa tawh avangin tlatlum nghal viau tura ngaih a ni. Serie A lama a lo hmachhawn tawh thin Thiago Motta, Javier Pastore leh Ezequiel Lavezzi te nen an khelho dawn a ni a, Leanardo hian football khawvela player langsar tak tak a kawl a, a card huai tak takte hi a phuahkhawm thiam chuan Europe-a team hlauhawm tak a din thei ngei ang le.

Thiago Silva hian kum 2008 ah AC Milan a zawm a. Milan leh Italy history a defender ropui pahnih Maldini leh Nesta te hnuaiah inzir chhoin, kum li a ral meuh chuan Milan defender pawimawh ber a ni tawh a, Brazil national team ah pawh a dam phawt chuan ‘chiang sa’ a ni tawh. Football a khelh tir lamah a ropui vak bik lo a, Milan hi Silva ti Silva tu pawh a tih theih ang. A khelh tawhna leh hlawhtlinna a chan tawhte a hnuaiah en rawh le.

THIAGO EMILIANO DA SILVA

Pianni: September ni 22, 1984

Pianna hmun: Rio de Janeiro

Nationality: Brazilian

Position: Defender

1.83m / 79kg

Former Clubs:

2003: RS Futebol  (33 matches in Serie C, 3 goals)

2004: Juventude (27 matches in Serie A, 3 goals)

2004-2005: FC Porto (0 match in Liga Sagres)

2005: Dinamo Moscou (0 match in Division 1)

2006: Fluminense (31 matches in Serie A)

2007: Fluminense (30 matches in Serie A, 5 goals)

2008: Fluminense (20 matches in Serie A, 1 goal)

2008-2009: AC Milan (0 match in Serie A)

2009-2010: AC Milan (33 matches in Serie A, 2 goals – 7 matches in the Champions League)

2010-2011: AC Milan (33 matches in Serie A, 1 goal – 6 matches in the Champions League)

2011-2012: AC Milan (27 matches in Serie A, 2 goals – 7 matches in the Champions League, 1 goal)

Honours:

Brazil Cup 2007 (Fluminense)

Italian Serie A 2011 (AC Milan)

Italian Super Coppa 2011 (AC Milan)

 

Leave a Reply