Pune 0-3 Blackburn : Indian Idol Jeje-a!!!

Estimated read time 4 min read

Blackburn leh Pune F.C. inkhel hi Premier League Club leh I-League Club te inkhel hmasak ber anih avangin India ram pumin an ngaihven a, Mizo te tan phei chuan he inkhel hi a chhinchhiahtlak leh zual a, a chhan chu Pune F.C. a an player rinrawl ber kha Mizo tlangval Jeje Lalpekhlua a ni tlat.

Premier League Club chu an lo tha zawk e!
Arsenal hnehloh Blackburn Rovers in an player tha Samba, Givet, Formica, Yakubu, Rochina, N’Zonzi leh Roberts te an rawn first tir avangin goal an thun nual tura beisei a ni a. Mahse Pune F.C. lamin awlsam taka chakloh an tum bik lo. Team chhe zawk an ni tih in hre rengin defensive in an khel a, an tifuh hle. An defensive game mawi tak kha zir tham a tling a, concentration in defence an hman dik zia hmuh phei kha chuan India Club te hian eng team pawh an barakhaih theih tih a lang ta reng mai.

Team chhe zawk nih mai bakah fimkhur tawk loh vangin Midfielder Anas in double yellow card vangin minute 15 na lekah hnawhchhuah a ni a. Hemi hnu hian Jason Roberts an Blackburn tan minute 35 naah a thun a, second half minute 50 naah Rubén Rochina in goal ropui tak a thun hnuah, Jason Roberts in minute 74 naah a goal hnihna thun leh tak avangin Blackburn hi 3-0 in an chak ta a ni.

Mizo ti hmingtha tu Jeje-a
Pune F.C. in player 10 chauhin an khel a, lone striker Jeje-a tan chuan langsarh a har viau awm e. Mahse Premier League Player vel hmaah pawh Jeje hi a zam mai bik lova, a ball chan chhunah a nihna tak a rawn pholang thei zel kha a fakawm na a ni. Commentator in Jeje-a hming a lam apianga Mizoram hming a lam tel ziah bawk nen, Mizo nih a va nuam thin tak em.

Jeje ball recieved kha Top class Player hmaah pawh a zahpuiawm lova, a ball shield lah a recieve ai mahin a la tha bawk si. Defender amah aia lian hmaah pawh ball a hlauh lova, a pass chhuak thei zel bawk si. Khatiang ang Mizo player kan nei kha ava chhuanawm tak em. Hmabak eng tak a nei tih a chiang a, tang zel turin duhsakna kan hlan a. Mizo mai ni lova, India rama football ngainatu tan Idol thar a lo piang ta a tih theih hial awm e.

Samba Jersey thleng pui tu – Jeje-a
Jeje-a’n Salgado Jersey thleng pui a tum a, mahse a inkhel ve tak loh avangin an zinga langsar deuh ber Samba jersey a thleng pui tak thu ZoFooty a hrilh a. Anas a red card hmuh chu awm a tih rualin Anas hian match dangah pawh red card a lo hmuh fo thin thu a sawi bawk.

ZoFooty zawhna chhangin Jeje-a chuan Blackburn Player te chu tha tih thu a sawi a, a bik takin an defender te tha a tih thu a sawi a. Chutihrualin a lo ngaihsan ang em em anih bik loh thu a sawi tel bawk. A thiante ho pawn a ngaihdan hi an ṭawmpui niin a sawi lang bawk.

ZoFooty in ruahsur vangin inkhelh a harsa em tih a zawhna chu chhangin Jeje-a chuan ruahsur kha a nasat loh avangin khelh a harsat pha lo. Ka chhungte pawn he zawhna tho hi min zawt a, TV ah khan a sur nasat hmel aniang a ti a. Amaherawh chu tun hnaia Mizoram lama a rawn haw avang leh a chhuk thlak hnu lawka an khelh nghal avangin a ball khawih a dik tawk loh thu a sawi bawk.

Minute 72 chhung field-a a awm chhung hian Jeje chuan Blackburn player ten tawngkam bawlhhlawh an hman khum loh thu a sawi a, in pet luih leh ngeiawm zawng a khawsa an awm loh thu a sawi zawh hnuin ZoFooty chuan kan chhuang takzet thu kan hrilh pahin Mizo Player zinga Ber ni lai mek Jeje chu kan mangtha ta ni.

You May Also Like

More From Author

16Comments

Add yours
  1. 4
    dustin sampler14

    Idian players te thinna kan hmu leh a,..mahni aia tha zawk leh sang zawk a an ngaih an khelh hian red card chawi an hrat a hei vang hian team an chhiat vek phah thin…Jeje-a tan phei chuan thnrm thlak tak a ni ngeiin ka ring..Engpawh nise, Jeje a leh Samba inchang kan hmu thei hrm2 pawh kha a ropui e..duhsakna ka hlan e

  2. 7
    Joseph

    A hmuhnawn thlawtloh Blackburn ho khan an titha duhlo lutuk a tlan pawh an tlan that peihloh kha zeploh chuan chuti chung pawn field chanve ah an inkhel char char ani ringawt alawm mahse Jeje-a erawh a chhuanawm khawp mai

  3. 8
    btena

    red card kha hmu lo seng chuan game pawh a danglam mai thei sin, vaiho tak hi chuuu…jeje-a kan chhuang lutuk che i khe tha lutuk nia…mizo nih a nuam thin e

  4. 9
    Elnino Bawihtlung

    Ram emw Club in emaw inkhel hmuhnwm tura beisei leh level sang a RED CARD hmuh reg mai… Mizo hlang gei hyan khel ila w… Vai ho red card hi k hne goih2 toh…:(

  5. 10
    Z. Ramtea

    Pune fc khan nixan inkhelah chika wali leh goalkeeper kha nei lo ta se.. An mualpho ve ciang ngot ang.. Jeje cu tan a ngai deuh tlat.. Tin, kei cuan jeje tih aiin chika wali leh goalkeeper hming an lam tam xokin k hre tlat… Tha tho e..

  6. 12
    Ramenga

    Red card kha awm lo se 3-0 chu a ni bik lo ang mawle. Jeje hi tlanchak leh zual atan ka it ṭhin..a ball dawn (receive) leh khuap hi chu ṭha tak a ni.

  7. 14
    ben vangchhia

    Jeje a fakawmin, a chhuanawm kher mai.. Pune defensive game kha chu a hmuhnawm ve thlawt a ni. Rochina khung na ball kal khan fiiiinnnngggg a tih duh hmel.. Irata Azumi pawh a khelh that phian kha.. Red Card kha awm lo se la chuan Jeje pawh a langsar thei deuh tur..

  8. 16
    Koptea (Upuia)

    A chhuanawm khawp mai Jeje hi…an khel a hmuhnawm a, Rochina goal kha chu a hmun ngeia hmuh ve a chakawm khawp mai…GP…:)

+ Leave a Comment

Pune 0-3 Blackburn : Indian Idol Jeje-a!!!

Blackburn leh Pune F.C. inkhel hi Premier League Club leh I-League Club te inkhel hmasak ber anih avangin India ram pumin an ngaihven a, Mizo te tan phei chuan he inkhel hi a chhinchhiahtlak leh zual a, a chhan chu Pune F.C. a an player rinrawl ber kha Mizo tlangval Jeje Lalpekhlua a ni tlat.

Premier League Club chu an lo tha zawk e!

Arsenal hnehloh Blackburn Rovers in an player tha Samba, Givet, Formica, Yakubu, Rochina, N’Zonzi leh Roberts te an rawn first tir avangin goal an thun nual tura beisei a ni a. Mahse Pune F.C. lamin awlsam taka chakloh an tum bik lo. Team chhe zawk an ni tih in hre rengin defensive in an khel a, an tifuh hle. An defensive game mawi tak kha zir tham a tling a, concentration in defence an hman dik zia hmuh phei kha chuan India Club te hian eng team pawh an barakhaih theih tih a lang ta reng mai.

Team chhe zawk nih mai bakah fimkhur tawk loh vangin Midfielder Anas in double yellow card vangin minute 15 na lekah hnawhchhuah a ni a. Hemi hnu hian Jason Roberts an Blackburn tan minute 35 naah a thun a, second half minute 50 naah Rubén Rochina in goal ropui tak a thun hnuah, Jason Roberts in minute 74 naah a goal hnihna thun leh tak avangin Blackburn hi 3-0 in an chak ta a ni.

Mizo ti hmingtha tu Jeje-a

Pune F.C. in player 10 chauhin an khel a, lone striker Jeje-a tan chuan langsarh a har viau awm e. Mahse Premier League Player vel hmaah pawh Jeje hi a zam mai bik lova, a ball chan chhunah a nihna tak a rawn pholang thei zel kha a fakawm na a ni. Commentator in Jeje-a hming a lam apianga Mizoram hming a lam tel ziah bawk nen, Mizo nih a va nuam thin tak em.

Jeje ball recieved kha Top class Player hmaah pawh a zahpuiawm lova, a ball shield lah a recieve ai mahin a la tha bawk si. Defender amah aia lian hmaah pawh ball a hlauh lova, a pass chhuak thei zel bawk si. Khatiang ang Mizo player kan nei kha ava chhuanawm tak em. Hmabak eng tak a nei tih a chiang a, tang zel turin duhsakna kan hlan a. Mizo mai ni lova, India rama football ngainatu tan Idol thar a lo piang ta a tih theih hial awm e.

Samba Jersey thleng pui tu – Jeje-a

Jeje-a’n Salgado Jersey thleng pui a tum a, mahse a inkhel ve tak loh avangin an zinga langsar deuh ber Samba jersey a thleng pui tak thu ZoFooty a hrilh a. Anas a red card hmuh chu awm a tih rualin Anas hian match dangah pawh red card a lo hmuh fo thin thu a sawi bawk.

ZoFooty zawhna chhangin Jeje-a chuan Blackburn Player te chu tha tih thu a sawi a, a bik takin an defender te tha a tih thu a sawi a. Chutihrualin a lo ngaihsan ang em em anih bik loh thu a sawi tel bawk. A thiante ho pawn a ngaihdan hi an ?awmpui niin a sawi lang bawk.

ZoFooty in ruahsur vangin inkhelh a harsa em tih a zawhna chu chhangin Jeje-a chuan ruahsur kha a nasat loh avangin khelh a harsat pha lo. Ka chhungte pawn he zawhna tho hi min zawt a, TV ah khan a sur nasat hmel aniang a ti a. Amaherawh chu tun hnaia Mizoram lama a rawn haw avang leh a chhuk thlak hnu lawka an khelh nghal avangin a ball khawih a dik tawk loh thu a sawi bawk.

Minute 72 chhung field-a a awm chhung hian Jeje chuan Blackburn player ten tawngkam bawlhhlawh an hman khum loh thu a sawi a, in pet luih leh ngeiawm zawng a khawsa an awm loh thu a sawi zawh hnuin ZoFooty chuan kan chhuang takzet thu kan hrilh pahin Mizo Player zinga Ber ni lai mek Jeje chu kan mangtha ta ni.

You May Also Like

More From Author

+ There are no comments

Add yours