Loftus Road-a QPR leh Manchester City inkhel kha Inrinni zan Premier League match zingah chuan a hmuhnawm ber a ni ngei awm e. He inkhelah hian goal 5 a lut a, QPR tân Jay Bothroyd leh Helguson ten thunin ‘Citizens’ tân Edin Dzeko, David Silva leh Yaya Toure ten an thun a ni. Manchester City hi a Premier League game 6 ah an chak zâwn tawh a, point 5 in an la sâng fal zel.
Tutenge khel?
QPR: Kenny; Young, Gabbidon, Ferdinand, Traore (Hill 90′); Wright-Phillips, Barton, Faurlin, Mackie (Smith 84′); Bothroyd (Puncheon 78′), Helguson
Manchester City: Hart; Richards, Kolarov, Lescott, Savic; Yaya (Kolo Toure 88′), Barry (Balotelli 75′), Milner, Silva; Aguero (Johnson 68′), Dzeko
First half-ah goal 1 ve ve
Inkhelh ṭan phat aṭangin team pahnihten goal venhim aiin pet goal an tum zawk tih a hriat nghal a, minute 3 chhung lekin Gareth Barry leh Helguson ten goal chance an nei der tawh. First half-ah QPR in an mikhualte an khel thei phian mai a, Manchester City player ‘ṭha’ ten inkhel an thunun thei bik lo.
QPR tân veilama Traore leh Wright Philips te inthlâwp an ṭangkai thei viau mai a, tlarhmaah Helguson a langsar. City lamin ball an chan chângin an ‘movement’ leh passing a mawi thei hle a, an ‘class’ sân zia kan hmu nawn leh e. Chutihlaiin QPR midfielder te tlan hnem zia pawh kan hmuhhmaih awm lo e. First half-ah game rang tak kan hmu a, team pahnihten ball an changrei thei lo a, field lehlam lehlam kan hmu deuh reng a ni ber.
Minute 28 ah dinglam aṭanga Joey Barton freekick chu Jay Bothroyd chuan a lo head goal a, QPR fans te au thawm a ring ngei mai. Minute 34 a Mackie leh Helguson te pêt, Joe Hart lo dan chu pui tak a ni.
Premier League hmahruaitu Manchester City an buai rei lo. Minute 34 ah Aguero chuan a thun teuh hle a, hemi hnu lawk hian Silva pawhin chance ṭha tak a nei. Minute 39 ah Bothroyd chuan City goal ban a head per bawk. Goal chance a la awm belh zel a, minute 43 ah Edin Dzeko chuan veilam aṭanga ball lalutin leihrulah mawi takin a pet goal. Hemi hnu lawk hian Aguero chuan penalty box pâwn aṭangin goal ban a pet per bawk. First half tâwplam chu goal chance hlirin a khat emaw tih mai tur a ni.
Second half: Manchester City nge nge
Second half ṭan aṭanga rei lo tak, minute 52 ah Manchester City tân first half-a langsar lo David Silva chuan hnai zet aṭangin a pet goal. He goal hi khel ṭha tak Dzeko siamsak a ni. Mikhual lam hi an khel ṭha sawt a, midfield-ah Barry leh Toure Yaya te an langsar a, tlarhmaah Dzeko leh Aguero ten an pet goal teuh hle bawk.
City hian ball chang tam mah se chance nei ṭha zawk chu QPR an ni tlat zel. Minute 67 ah veilam aṭanga Traore cross chu Mackie chuan penalty box chhung aṭangin a volley a, a pet over hlauh. Minute 69 ah Traore bawkin veilam aṭangin ball a cross leh a, Bothroyd chuan lo head in a teammate Helguson a head per a, Joe Hart tân dan hman ngaihna a awm lo. 2-2. Second half-ah City defence dinglam a pawp leh zauh ṭhin.
QPR an phur dawn chauh tihin minute 74 ah veilam aṭanga Kolarov ball cross ṭha tak chu Yaya Toure chuan a head goal. He goal thun thei tura Yaya Toure zuan sân zia kha kan hmuhhmaih awm lo e. A tawplamah QPR hian an nawr angreng viau a, Helguson chuan goal bar head per mah se huntawp thlengin goal dang an thunbelh thei lova, Premier League-ah Manchester City hneh thei an la awm lo zel. Hnunglam aṭanga David Silva a pet thlûk vanga Joey Barton-a’n red card a hmu lo chu vannei tak a ni.
Hneh theih loh Man City?
Premier League-ah hian team 20 an awm a, Manchester City hian team 11 an tum tawh a, ngam loh an la tawng lo. Hneh loh an tawng lo mai a ni lova, goal an thun vak vak vak a, tunhnai EPL game 5 ah goal 20 an thun tawh!!!
Manchester City hian an tumpuite an hnehsawh angreng ṭhin hle tih chu kan hre awm e. Inrinni zanah, QPR lakah erawh hi chuan an chak zo lo teuh hle a, point 3 hi a sual a an sualchhuah tak meuh meuh a ni. Hetianga game harsa taka point 3 hmuh theih hi ‘champion team zîa’ an tih ṭhin kha a ni. Tunah hian Chelsea, Arsenal, Liverpool te ho an la tum lova, Premier League club lian ho zingah Manchester City hneh thei an awm angem? Club lian an khelh tawh Tottenham Hotspurs (5-1) leh Manchester United (6-1) te chu an hnehsawh thei angreng hle tih kan la hre ṭheuh awm e.
Tun season-a Premier League kaithar QPR an khelṭha thlawt a, tun season-ah chuan Manchester City hneh teuh ber an ni mai awm e. Tunah hian game 11 ah point 12 hmu tawhin 12 na an ni mek. An player te class en ila, an game huaisen tak hi en leh ila, season tâwpa relegate leh nghal tur chuan rin an harsa khawp mai.
Inkhel pumpui thlirin an ‘inhnehtawk’ a, a tawpah ‘class’ sâng zawk an dingchang ta kan ti thei ang. Game 11 khelh hnuah point 5 in an sâng fal a, season tâwpah Manchester City hian Premier League title hmasa ber an la thei angem.
coupon for cialis
cialis canada
cheap cialis online
cialis india
Cialis non prescription
Cialis online order
an champion ka ring ve tlat
Rin aiin Rangers ho khan an fight thei. City keeper hi Joe Hart ni kher lo se chuan an draw ve thei maithei a ni. City striker ho han ṭhat zia hi he2
Nizan chu beisei angin David Silva a langsar lo khawp mai. 100% a a fit loh a lang deuh.
Post tha e.. a kal tluang pur pur hrih khawp mai.. City fan nih a nuam hrih khawp ang chu
Good post macha, City chu an midefield hi a solid lutuk a. DEfence hi chu a pherh ka ti deuh.. QPR tan asin le 🙂
Nizan kha chuan, kan draw mai dawn emawni aw..ka ti hman asin male,
QPR te khel that dan kha.. Tiang zela an khel chuan, rin aiin an thleng sang ang. Nizana game pawh kha game inhnetawk ve tak chu ani.
City ve thung Dzeko a khel that hi chuan kawngro a su khawp mai, player tha aniziah a ti lang chunzawm zel e.. Engpawh nise City tlarhnung pawp ngun lutuk hi anin ennawn vata, anin siamthat chu angai ani. Good post!
(predict fuh chu a har thei hle mai a)
An la chet that rih avang ringawt hi chuan ka la fak hluai thei velo. Kal zel phawt teh se…ilo thlir zel teh ang.
arsenal hi lo post har veee,kan lo chang reg nia……….
Predict fuh va har ve..
an lo chak leh ta nge nge maw… an talbuai ve deuh dawn amo tih laia… inbeitawk viau mahse class nge nge hi chu a langchhuak thin a ni e.