January transfer pawh a tâwp titih ta reng mai. Nikum te kha chuan vawiin ni angah hian Chelsea in Fernando Torres an lei a, Premier League transfer record an siam kha a ni a. Liverpool pawhin Andy Caroll chu British player manto ber ni turin an lalut a nih kha.
Tunkumah chuan transfer lian tak han tih tur a tam lem lo. A tâwpna ni-ah Barcelona in Torres an lei dawn tih angreng thuthang awm mahse, tun dinhmunah chuan mak han tih tur khawpa transfer ngaihnawm a awm lem lo. A hnuaia mite hi transfer tawp ni a player lût leh chhuak ṭhenkhat an ni.
QPR ah Liverpool player hlui
French striker Djibril Cisse chuan Lazio aṭangin Premier League club Queens Park Rangers a zawmfel tawh a, Cisse hian kum hnih leh a chanve chhung contract ziakin, a man zat hi puanzar a ni lo a ni.
Lazio aṭanga QPR zawmtu Cisse hi kum 2004 leh 2007 inkarah Liverpool tân a lo khel tawh a, kum 2008 khan Sunderland-ah loan in a khel tawh bawk a ni. January thla chhung hian QPR an ṭang viau a, Cisse hi Mark Hughes-a’n QPR a enkawl hnua player thar a lei palina chiah a ni.
Tottenham aṭangin Corluka loan in a chhuak
Croatian player Vedran Corluka chu tun transfer bazar chhunga White Hart Lane chhuahsan hmasa ber a ni ta. Corluka hian season tawp thleng atan German club Bayer Leverkusen chu loan in a zawm a, a chhuah chhan hi a duh ang khelhna hun a neih loh vang a ni.
Corluka hian kum 2008 ah Manchester City aṭangin Tottenham a zawm a, game 107 khel tawhin, Harry Redknapp hnuaiah right back first choice a ni deuh char char a. Mahse tun season-ah Kyle Walker a chetṭhat em avangin a khel pha tawh meuh lova, Euro 2012 ah Croatia national team-a a dinhmun derthawng thei mai dawna a lan avangin Bayer hi a zawm ta a ni.
Sunderland ah Wayne Bridge
Martin O’Neill chuan Sunderland manager a nih hnua a player thar hmasa ber atan Manchester City defender Wayne Bridge chu loan in a lalut. Bridge hi tun season tâwp thleng Stadium of Light ah hian a châm dawn a ni.
English defender Bridge hi kum 31 mi niin, naktuk zana Sunderland leh Norwich City intum hunah pawh a khelh ngei a rinawm.
PSG in Thiago Motta an lei
Italian midfielder Thiago Motta chuan Inter Milan chhuahsanin French club Paris St Germain a zawm. PSG hian transfer fee leh contract rei zawng hi thuchhuah an siam lova, Nilaini-ah Motta hi chanchinbumite hmaah ‘official’ takin an phochhuak dawn tih chiah an sawi a ni. Motta hi Italy national team-ah vawi 6 a tel tawh a, kum 2010 a Inter Milan in Champions League an champion khan Jose Mourinho hnuaiah player pawimawh tak a ni.
Pawisa ngah PSG hian January thla chhungin player langsar pathum an lei tawh a. Motta an lei hma hian Barcelona aṭangin Maxwell lalut tawhin, Chelsea aṭangin Alex an lei tawh bawk a ni.
viagra discount
viagra free delivery
Lawmawm thei hle mai…bengvarthlak thin e….
Nizan chu sapho an uang khawp mai…. ‘Taxi driver ka nia, tun maiah khan player chumi khami chu chumi club-ah chuan ka phur, pawisa min pe hnem hle,’ tih vel an tweet nasa mai … lolzzz.. mahse, thutak chin ngaihven tan buaina tur a awm lemin a lang lo 😀
nizan kha sky sport kha an tho a niang, gerrard a chhuak te an tia…mak khawp mai
Good post ! Tun tum chu sum che vel a tlem hle mai, transfer liantham a awm meuh lo a ni..
Torres kan chelh tho va,nuam em2 mai ni..hawi leh vah2 mai teh ang…:-P
Midfielder tu emaw tal kanlo beisei sin mle… Poilo e, Cleverley leh Anderson an rawn comeback chuan UCL awm lo bawk a, pawisa a hek mai2.. keini ai tha an awm chuan bik loh hi a…. 🙂 Sunderland chu Summer ah leh winter transfer table ah pakhatna an ni nih hi 🙂 Good post
Ngaihnawm thin e.
Mobile atanga ka luh avangin mobile version ka dah mai a nia..
http://en.m.wikipedia.org/wiki/Frédéric_Veseli
Frederic Veseli kan la lut.. Hetah hian en mai teh u.. en.m.wikipedia.org/wiki/Frédéric_Veseli
@cleverly..shity atangin def kan lalut, naupang(100%chuan k chiang lo).. Mahse Morrison in min chhuahsan westham lamah..ka ui khop mai…
Red Devils lamah lut leh chhuak an awm ve lo ni maw…
@mapuia renthlei: RVP chu Arsenal captain a la ni reng e.
Sky sports lamah khn van persie in 83m in barca a zwm tih kha a rn lag zuai a..hmuh zui tur a wm leh ta bk si lo ege wmzia
Good Post.. Vawt lutuk.. Heng players ho hian nula kuah lum tur an nei tha dawn bik si a aw….