QPR ah Park Ji Sung?

Transfer season lai hi chuan sapram chanchinbu leh website tamtak hi chuan ‘duh duh’ an ziah chang a awm thin a. Chutianga ti ve ngai lo BBC chuan Manchester United player Park Ji Sung chu English Premier League club tho Queens Park Rangers ah a lût ṭep tawh niin a ziak. Park Ji Sung a chhuah tur chungchang hi Manchester United official website, manutd.com ah chuan a la inziak lo a (Gossip section ah chuan a awm), mahse Man United fans forum hrang hrangah chuan transfer news ‘hot’ ber pakhat a ni deuh vek tawh a ni.

BBC ziah danin, Park Ji Sung manah hian club pahnihte an  inrem tawh a. QPR hian a tirah pound maktaduai 2 (£2 million) an pe phawt ang a, a khelhṭhat chhoh dan azirin hei hi pound maktaduai 5 (£5 million) thlengin a chho thei dawn a ni.

QPR captain Joey Barton chu match 12 chhung hrem a ni a, a thlaktu tur an mamawh. Manchester United a khelhna hun nei thei tawh meuh lo Park Ji Sung hi an lêi thei a nih chuan an ṭhatpui hle tura ngaih a ni. QPR hian Manchester United aṭang tho in defender Fabio da Silva chu loan in an lalût tawh bawk.

Three Lung Park

Japanese club Kyoto Purple Sanga aṭanga bulṭan ve mai kha a ni a, tunah chuan South Korean footballer langsar ber a ni tawh. South Korea-a World Cup 2002 nghah a nih ṭum khan South Korea in semi final an thlen theihna tura player pawimawh ber pakhat a ni a, group match tâwp berah Portugal hnehna goal a thun kha kan la hre nual awm e. World Cup a a chetṭhat hnu hian national team-a a pû Guus Hiddink hnungzuiin PSV Eindhoven ah a lût a, kum 3 hlawhtling taka a a khelh hnuin, kum 2005 ah Manchester United a zawm ta a ni.

A taimak leh tlanpeih vangin Man United fans te lawm a hlawh nghal a. Kum 2007 aṭanga 2010 inkarah phei chuan ‘big match’ a Sir Alex-a player rin ber pakhat niin, lehlam team-a player ṭha bik veng tur leh lehlam tibuai tura dahluh a ni fo. A tlân nasat leh a hah hleihtheih loh avang hian ‘Three-Lung Park’ tih hminglem a put phah hial a, footballer ṭha ber chu ni lo mahse footballer taima pawl tak chu a ni hrim hrim awm e.

Manchester United-a kum 7 a khelh chhungin Premier League match 133 a khel a, goal 19 a thun a. Premier League ah vawi 4 champion in Champions League ah vawikhat a champion bawk. South Korean footballer zinga Premier League champion hmasaber (2006/07) a ni a, Asia footballer zinga Champions League final khel thei hmasaber (2009) a ni bawk. A tirlamah chuan Manchester United hian Asia rama intihlar nan an lalût nia ngaih a ni a, mahse kum 7 hnuah chuan he ngaihdan hi a bo vek tawh ti ila a dik awm e.

October 11, 2008 ah South Korea captain a ni a, January 31, 2011 a international football a chawlhsan thlengin captain a ni. South Korea tân game 100 khelin goal 13 a thun hman a ni.

Park-a game a pawimawh ber chu a thahrui a ni a, a kum a lo tam ve deuh tawh avangin a hma angin a tlan tamin a ṭangkai thei ta meuh lo. Club tê deuh zawka chona thar hmachhawn tura chhuah mai hi a fuh ber awm e.

 

10 thoughts on “QPR ah Park Ji Sung?

  1. Pingback: goodrx cialis

  2. Pingback: Discount viagra

  3. Xavi fanai

    Asian player mah nise akhelhna club vagin park hi ka tan thei vaklo thina..tunah cuan ka tan tw ag..

  4. Shinji Hruaia

    Engpohnise a kal zel naah duhsakna ka hlan e,ngaihom don hle my…
    United fans a la nih zel ka beisei…

  5. amah hriathlua pa

    Park-a chu ava uiom don reuh ve ma le…meng mang lova atlan vel te kha hmunom ve riau sin ma le. Tun hnai season 5 chhung vel kha chu Man Utd ti United tu a ni ve asin…

  6. Dong Dong A

    ka van ui dawn tak em Brother Park cu aw,mihang hmelche phak ho ai cuan ka duh tho

Leave a Reply

QPR ah Park Ji Sung?

Transfer season lai hi chuan sapram chanchinbu leh website tamtak hi chuan ‘duh duh’ an ziah chang a awm thin a. Chutianga ti ve ngai lo BBC chuan Manchester United player Park Ji Sung chu English Premier League club tho Queens Park Rangers ah a lût ?ep tawh niin a ziak. Park Ji Sung a chhuah tur chungchang hi Manchester United official website, manutd.com ah chuan a la inziak lo a (Gossip section ah chuan a awm), mahse Man United fans forum hrang hrangah chuan transfer news ‘hot’ ber pakhat a ni deuh vek tawh a ni.

BBC ziah danin, Park Ji Sung manah hian club pahnihte an  inrem tawh a. QPR hian a tirah pound maktaduai 2 (£2 million) an pe phawt ang a, a khelh?hat chhoh dan azirin hei hi pound maktaduai 5 (£5 million) thlengin a chho thei dawn a ni.

QPR captain Joey Barton chu match 12 chhung hrem a ni a, a thlaktu tur an mamawh. Manchester United a khelhna hun nei thei tawh meuh lo Park Ji Sung hi an lêi thei a nih chuan an ?hatpui hle tura ngaih a ni. QPR hian Manchester United a?ang tho in defender Fabio da Silva chu loan in an lalût tawh bawk.

Three Lung Park

Japanese club Kyoto Purple Sanga a?anga bul?an ve mai kha a ni a, tunah chuan South Korean footballer langsar ber a ni tawh. South Korea-a World Cup 2002 nghah a nih ?um khan South Korea in semi final an thlen theihna tura player pawimawh ber pakhat a ni a, group match tâwp berah Portugal hnehna goal a thun kha kan la hre nual awm e. World Cup a a chet?hat hnu hian national team-a a pû Guus Hiddink hnungzuiin PSV Eindhoven ah a lût a, kum 3 hlawhtling taka a a khelh hnuin, kum 2005 ah Manchester United a zawm ta a ni.

A taimak leh tlanpeih vangin Man United fans te lawm a hlawh nghal a. Kum 2007 a?anga 2010 inkarah phei chuan ‘big match’ a Sir Alex-a player rin ber pakhat niin, lehlam team-a player ?ha bik veng tur leh lehlam tibuai tura dahluh a ni fo. A tlân nasat leh a hah hleihtheih loh avang hian ‘Three-Lung Park’ tih hminglem a put phah hial a, footballer ?ha ber chu ni lo mahse footballer taima pawl tak chu a ni hrim hrim awm e.

Manchester United-a kum 7 a khelh chhungin Premier League match 133 a khel a, goal 19 a thun a. Premier League ah vawi 4 champion in Champions League ah vawikhat a champion bawk. South Korean footballer zinga Premier League champion hmasaber (2006/07) a ni a, Asia footballer zinga Champions League final khel thei hmasaber (2009) a ni bawk. A tirlamah chuan Manchester United hian Asia rama intihlar nan an lalût nia ngaih a ni a, mahse kum 7 hnuah chuan he ngaihdan hi a bo vek tawh ti ila a dik awm e.

October 11, 2008 ah South Korea captain a ni a, January 31, 2011 a international football a chawlhsan thlengin captain a ni. South Korea tân game 100 khelin goal 13 a thun hman a ni.

Park-a game a pawimawh ber chu a thahrui a ni a, a kum a lo tam ve deuh tawh avangin a hma angin a tlan tamin a ?angkai thei ta meuh lo. Club tê deuh zawka chona thar hmachhawn tura chhuah mai hi a fuh ber awm e.

 

Leave a Reply