RAJIV GANDHI STADIUM-AH 100% RECORD NEN AIZAWL FC IN DSK SHIVAJIANS HNEH

Rajiv Gandhi Stadium-ah Aizawl FC in sikhat faiin DSK Shivajians an hneh a, goal awmchhun hi Brandon Vanlalremdika thun niin man of the match atan Alfred Kemah Jaryan thlan a ni.
.
Tute nge khel?
.
Aizawl FC: Albino Geovanni Gomes, Kingsley Obumneme Eze, Zohmingliana Ralte, Mahmoud Al Amna, Jayesh Rane, Laldanmawia Ralte, H. Lalmuankima, Alfred Kemah Jaryan, Bayi Kamo Stephane, Ashutosh Mehta, Lalruatthara.
.
Subs: Zothanmawia, Jonathan Lalrawngbawla, V. Laltanpuia, Lalthakima, Lalramchullova, Brandon Vanlalremdika, William Lalnunfela.
.
DSK Shivajians FC: Soram Poirei Anganba, Nirmal Chhetri, Sasa Kolunija, Gouramangi Singh Mairangthem, Lallianzuala Chhangte, Jerry Mawihmingthanga, Kim Song Yong, Juan Quero Barraso, Jerry Lalrinzuala, Sairuatkima, Ongnam Milan Singh.
.
Subs: Abhishek Das, Ricky Lallawmawma, Shane Charles Alan Mc Faul, Holicharan Narzary, Sanju Pradhan, Lalthathanga Khawlhring, Seityasen Singh.
.
Rajiv Gandhi Stadium-a inkhelah hian team pahnihte an innawr tawk hle a, Aizawl FC hian Chennai City FC an hneh loh tuma bultan Albert Zohmingmawia aiah R. Laldanmawia an luhtir a, Lalrinzuala Khiangte aiah Ashutosh Mehta chu right back-ah chhawr a ni bawk. DSK lamah hian Mizo player pali in bultanin Jerry Lalrinzuala, Jerry Mawihmingthanga, Lallianzuala Chhangte leh Sairuatkima te an lut a, substitute bench-ah Ricky Lallawmawma leh Lalthathanga Khawlhring ten an awm bawk.
.
First half chu Aizawl FC ta:
.
Chawlhlawk hma in Aizawl FC an khel tha a, ball possession pawh 60% lai neiin goal chance hlauhawm pawh an ngah zawk a, winger R. Laldanmawia leh forward Kamo Bayi te chuan chance tha an hlah nghal. Minute 18 lekah inhliam vangin midfielder pawimawh Mahmoud Al Amna an chan a, hei hi an tuar a tih loh theih loh ang. Goal thunna hun tha an ngah a, Lalruatthara ball cross tha, DSK goalkeeper Soram Poirei-an a dan per chu changtu neilo H. Lalmuankima (MKA) chuan hnai set sawtah la in goal ngei tura ngaih nimah se a pet lut lo.
.
DSK lamin chance sawi tur mumal an nei lo a, Jerry Mawihmingthanga chuan chance tha hlohin Lallianzuala Chhangte tlanchak viau mah se awmze neiin an hmang hleithei bik lo.
.
Chawlhlawk zawhah a bet zawkin goal thun:
.
Chawlhlawk zawhah DSK coach David Rodgers chuan Mizo forward Lallianzuala leh Jerry Mawihmingthanga te lachhuakin Irish midfielder Shane Charles leh Seityasen Singh te a thun a, an game pawhin hma a sawnin Aizawl FC an nawr bet hle.
.
DSK hian awmze nei taka game khelin Aizawl FC tlarhnung an thiat thin a, a pawimawh ber goal erawh an thun thei tlat lo. Subsitute Seityasen Singh leh Holicharan Narzary te an hlauhawmin Holicharan chuan Jerry Lalrinzuala leh Seityasen te cross a thelh kha a uiawm hle a, Seityasen hian ball hlauhawm tak pet bawkin Aizawl FC goalkeeper Albino a chetha hle.
.
Huntawp a hnai a, minute 89-ah a bet zawk Aizawl FC hian nawr letin Jayesh chuan mual dinglam atangin ball a pet chho a, hei hi Kamo chuan Brandon tan pe in Brandon hian mawi takin a thun a, hei hi chakna goal a ni ta a ni.
.
Aizawl FC vanduai teuh:
.
Aizawl FC hi an vanduai teuh hle a, tan atanga reilote-ah inhliam vangin Amna an chan a, chawlhlawk zawhah inhliam vang bawkin Danmawia leh Ruatthara te an chan bawk. Amaherawhchu, captain leh man of the match Alfred ho in tlarhnung an dingkhawng a, an chakna atan an tangkai hle.
.
ZoFooty Statistics:
.
Aizawl FC 1-0 DSK Shivajians FC
(Brandon Vanlalremdika 89’)
49% Ball Possession 51%
11 (2) Shots (On Target) 6 (1)
175 (151) Pass (Completed) 204 (151)
7 Fouls 9
3 Offside 4
8 Corner Kick 2
2 Yellow Cards 2
0 Red Cards 0
.
Powered by Darchiauva Hardware, Mission Veng.