RAMHLUN NORTH – IN DINTHAR FC LEHTHAL

Mizoram Premier League Season 6 khelh mekah zanin khan si phur hmasa zawk Ramhlun North FC in Dinthar FC an lehthal a, Lammuala inkhel boruak sang takah 2-1 in hnehna an chang.

Tute nge khel ?

Ramhlun North : (4-4-2) Liansangpuia; Malsawmtluanga Ralte, Lalfelpuia, C.Ramdinmawia, Lalmuanawma; Rosangliana (Lalhmunsiama 80’), Lalramzauva, Harry Elono Morris, Lalrinfela; Lalremruata (V.Lalchhuanawma 58’), Lalliansanga (Toky Zomuanpuia 90 + 4)

Subs : F. Vanlalruata, Toky Zomuanpuia , Emanuel Mawia, Lalmuansanga, Jesse Vanlalmuana, V.Lalchhuanawma, R.Lalmalsawma, Liansiama, Lalhmunsiama

Dinthar FC : (4-3-3) Malsawmdawngzela; Lalbiakzuala, Malsawma Chhangte, Lalnunpuia, Stephen Lalnunmawia; Lalnunsanga (David Lalrinchhana 80’), Clarence Carter, Joseph Lalthafela (Lalbiakhlua 65’); Samuel Laltlanthanga, Jakson Victor, R.Lalthantluanga (Lalmama)

Subs : Lalbiakhlua, Malsawmtluanga, David Lalrinpuia, Lalbiaknia Pautu, V.L.Chhanhima Sailo, David Lalrinchhana, H.Malsawmtluanga, Lalramliana, R.Lalnunmawia.

Chak mamawh pahnih

Round 1 – ah Ramhlun North leh Dinthar FC te hi point thum hmu zo lo ve ve an nih avangin chak an mamawh a, goal hnih thun mahse a vanduai zawkah Dinthar an tang.

Inkhel tan atangin team pahnihte an inhnehtawk a, khelmual laiah an indangchat tawn. Minute 15-naah Maimawms te au tir turin Samuel Laltlanthanga’n khelmual veilam atangin ball a vawrh chho a, hei hi Lalmama’n nalh zetin a lo tauh lut. Replay en nawn leh chuan Ramhlun North defender kha Lalmama hnungah a ding a, Khawlailung tlangval tan bel chhunga sa a ni.

Inkhelh hmasa a tlawm tawh Dinthar in inkhel thunun zawk mahse goal an thun belh thei bik lo a, Ramhlun North lamin Ramzauva hmangin an rumthaih ve zauh. Minute 30-naah Joseph-a’n free-kick atangin Dinthar goal hnihna a thun teuh hle a, goal hmasa zawk thuntu Lalmama’n hun tha a neih goal zawna a pet thei lo pawh a uiawm hle.

Minute 41-naah Ramhlun North in halfway line atangin free-kick an hmu a, Ramdina ball vawrh luhah Dinthar captain Malsawma a chesual a, tauh chhuah a tumna lamah an goal-ah nalh zetin a tauh pial lut a, 1-1 niin half-time a ni zui.

Second-half ah team pahnihte an tang bawk a, khelmual chhungah player tlu hmuh tur an tam sawt hle. Minute 58-naah Ramhlun North free-kick pet chu Dinthar siban nghaktu Mala chuan lo beng perin he mi ball kal zel hi midfielder Rsa’n awlsam takin a lo thun.

Set-piece ah Dinthar an hlauhawm tawk lo a, Samson Ramengmawia naute’n an chhawr tangkai thung. Team pahnihte’n half-chance nei zeuh zeuh mahse an chhawr tangkai thei lo. Dinthar tana hun tha ber chu minute 82-naah bench atanga lut Hlutea’n ball changin chak taka box chhunga a luhpui hnuah hnai set sawt atangin goal kham a pet per dawt !

Hemi hnu hian Ramhlun North lamin Liberian midfielder Harry-a hmangin goal thun theihna hun nei leh mahse an hmang tangkai thei bik lo. Hun tawp thlengin goal a luh belh lo a, boruak sang tak hnuaia inkhelah inkhel thununtu in red card a phawrh lo kha team pahnihte tan vanneihna  a ni.

ZoFooty Statistics :

Ramhlun North FC 2-1 Dinthar FC

(Malsawma Chhangte (og) 41’ Rosangliana 58’ – R.Lalthantluanga 15’)

48%        Ball Posssession                                52%

10           Shots                                     9

4              On Target                            5

1              Yellow Card(s)                   3

0              Red Card(s)                        0

MOM : Lalramzauva (RNFC)

Powered by : Rainbow Multibrand Mobile Showroom

(Pic : MFA)