Ranger fans ten a, ‘Greatest Ever Ranger’ ti hial a an lo vote, Ranger former captain leh manager John Greig  chuan ‘non-executive director’ niah in ngaiin a banna a thehlut. Hemi rual hian ex-chairman, McClelland pawh in a banna a thehlut ve bawk.

Kan hriat angin John Greig hi chu Ranger history ah chuan phek awm zau ber tute zing ami a ni ve a, Ranger hmangaih em em tu a ni tih chu hai der theih a nilo. Mahse, hetia a ban takah chuan chhan liantham tak chu a awm ngei tur a ngaih a ni.

Joint Statement an neihah chuan John Greig leh McClellend te hian Craig Whyte an May thlaa club thuneihna a chan hnu khan thlauhthlak leh pawnchhe-hnangkhai ang mai an nih thu an sawi. An ni pahnih hian club neitu an inthlak hnu chuan ‘non-executive director’ an nih thu sawiin club inrelbawlna hrang hrangah pawh an thu an ngaihpawimawh sakloh thu an sawi bawk. ‘Rangers Supporters Association’ general Secretary, John Macmillan chuan he thu a hriat hian a rilru a na em em a, “John Greig leh McClelland ten Ranger an chhuahsan tur hi channa ropui tak a ni a, Ranger fans te tana ni lungchhiatthlakber a ni,” ati.

A sawi zelna ah John Macmillan chuan, “John Greig hian player, Manager leh Director ang pawn Ranger tan hian thil ropui tak tak a lo ti tawh thin a, ani hi mitin ten kan zah em em a, tin mi tamtak tena kan ngaihsan a ni. Chutiang bawkin McClelland pawh hian Chairman a nih lai khan hna ropui tak a lo thawk tawh thin a ni, ”  ati. Tin, a sawi zelna ah chuan, “tunhnai atang khan ‘Old Guard’ te chuan an hna an bansan nual tawh a, heti a nih chuan tuna board member la awm te pawh hian an banna an thehluh ve thuai ka ring a. Tin, Craig Whyte hian ama rilrem zawng board member tur a thar hlak a appoint leh ngei bawk ang,” ati bawk.

 TUNGE THIAMLO ZAWK ANG LE??? : Thufing pakhat chuan “hruaitu thalo chuan pawl a tidarh thin,” alo ti a, chuvang chuan tunah hetia Ranger Board an darh tak si ah chuan an hruaitupa, Craig Whyte dikloh hi a ni mai lo maw?? tih chu zawhna chhan nuam tak a ni ngei ang.  Nia, a ni thei teh meuh mai, John Graig leh McClelland te chauh hi hruaitu lu (high-profile) banna thehlut an ni lo! Hruaitu lu mi tam tak te ban leh mahni thu a bang an awm nual tawh a, an awm zel lovang tih pawh a sawi theihloh. Paul Murray leh Alastair Johnston te pawhin nipui lai khan anlo chhuahsan ve tawh a ni. Chief executive Martin Bain leh finance director Donald McIntyre te chu ban anlo ni tawh bawk a, tin, Finance Director Brian leh McIntry te pawn, “club hian danlo lo takin a members te a ban thin a ni,” tiin an duhloh zia lantir nan banna anlo thehlut ve tawh bawk a ni. Heti a nih takah chuan Member hlui ah chuan South-Africa sumdawng pa hausa Dave King chiah a bang la awm chhun chu a ni tawh a ni.

Heti a nih chuan Craig Whyte hi fans ten a an mawhpuh tur ber chu a ni tih chu a chiang ta reng mai.  Mahse, a thukhawchang kan la ngaithla thuai turah ngai ila, ban lehlam lehlam kan hmuh hma chu a chung ila kham hrihlo phawt mai teh ang.