Chawlhni zan Spanish La Liga-ah hmahruaitu Real Madrid chu Valencia nen goal awm lovin an in-draw a. Barcelona nena an inkar chu point 4 chauh a ni ta a, Spanish League a ngaihnawm sawt.
Bernabeu-a inkhelah hian Valencia goalkeeper Vicente Guaita chu a che ṭha ber a ni a. Cristiano Ronaldo, Angel Di Mari leh Karim Benzema te goal khung tur a dansak nasa khawp mai.
Inrinni zan khan Barca chuan Real Zaragoza chu 4-1 in an hneh avangin an inhnaih leh ta sawt a. Real hian vawi 31 khelhah point 79 hmu tawhin, Barca hian vawi 31 khelhah tho point 75 an hmu tawh a ni. Thawhlehni zan hian Barca hian Getafe an khel dawn a, Nilai zana khel tur Real Madrid lakah hian pressure an siam leh thei dawn a ni. Tun thla tawp hian Nou Camp-ah anni pahnih hi an la intum dawn a, champion tur a chiang leh ta lo khawp mai.
Kar thum kalta khan Real Madrid hian Barcelona lakah hian point 10 in hma an hruai a. Mahse Malaga leh Villarreal an draw a, Valencia an draw leh bawk a, point 6 lai an hloh tawh a, Mourinho naute hian a zawna vawi 3 champion tawh Barcelona hi season tawpah an ngam lo leh dawn em ni le!?
Kum nga chhungin tun ṭum hi Real Madrid-in Bernabeu-a goal an khung theih loh vawikhatna chiah a ni.
ka thengthawngah a lut love. 🙂
Getafe hi em ni Barca lo hneh leh chut thin hi.
Duh aiin real cu an va zuzi ve ! City ang em chu annni loang chu maw ! CHampion ve hram ve ka ti sin le
Point 10 a an inthlauh tawh hnua an inlehpelh tir leh a nih chuan aw…
Ka tan lo dun bwka, tu pawh champion se pawi lo reng2, R. madrid te, Chelsea, City, Liverpul etc sum hmang hnem
Anìh tak hi mwle..real hian nou camp ah cuan an hneh leh ngut lo maithei ani.an champ ag tih aswi gam leh ta hauh loh tak mai a..mahse,champ ve hram se aw..