‘Little Pea’ Chicharito ti a hming lem vuah chu Real Madrid in Manchester United hnenah a man chhiar turin a ti leh ta heu mai. David Beckham, Christiano Ronaldo etc. lei sak thei tawh tute hian an chhuhsak leh mai angem? Tunah hian Hernandez hian kar khatah £25,000 chiah a hlawh pha a, hei hi English Premier League player-te zingah a hlawh tlem pawl a ni. Amaherawhchu, Sir Alex-a hian hralh a phallo ngang mai a. A hlawh pawh tuna a hlawh zat let 3 (£75,000) velah san anih tur thu an puang ve nghal a ni.Hetihlai hian A striker kingpui ve ve ten a aiin an hlawh hnem fe zawk a. Wayne Rooney-a’n £250,000 a hlawh a, Berbatov-a’n £110,000 vel a hlawh mek bawk. He nau hian United chhuahsan hi a duh mai angem tih chu zawhna lian tak a ni ta! CONCACAF Gold Cup-a an game hmasa berah Mexico tan hat-trick a siam lehnghal a, hei hian a man a ti sang nghal awk thei angem? Amah hmuchhuaktu hi a chhuahsan duh angem? Sum tam zawk umin Ronaldo te angin a chhuak duh mai angem tih chu zawhna a ni ta a. United Fans te tan thu lawmawm em em a ni dawn hauh lo a ni. Hetih lai hian West Brom boss Roy Hogson chuan Brad Friedel a chan tak loh avangin Thomasz Kuszczak chu alo hual ve mek bawk a ni.