Inrinni zana La Liga BBVA khelhah hmahruaitu Real Madrid leh pahnihna Barcelona ten an tumpuite an hneh ve ve a, Santiago Bernabeu ah Real Madrid in Real Sociedad 5-1 in an sawp a, Barcelona in khualmualah Mallorca 2-0 in an hneh bawk.
Karhnih kalta kha chuan La Liga ‘title race’ a zo tawh tih theih a ni a, Real Madrid leh Barcelona inthlauhna kha point 10 lai a nih avangin Real Madrid chu champion chiang deuhthaw an ni tawh. Mahse an game hnuhnung pahnihah Madrid hi an chak zawh loh ve ve avang leh, Barcelona an lo chak ve ve avangin an inthlauhna hi point 6 a ni leh ta a, La Liga a ‘boruak’ leh tawh e.
Madrid an buai tawh lo.
La Liga-a an game hnuhnung pahnih-ah Malaga leh Villareal an draw ve ve a, manager leh player ṭhenkhatin hrem an tâwk bawk a, mahse heng zawng zawng hian Real Madrid a tibuai pha lo.
Inkhelh ṭan aṭanga minute 6 lekah Gonzalo Higuain chuan goal hmahruai a thun a, first half ah Benzema leh Ronaldo ten an thunbelh bawk. First half tawp dawn ṭepah Xabi Prieto chuan Sociedad tan pet goal ve mahse second half ah Benzema leh Ronaldo te bawkin an pet goal leh a, Madrid hi 5-1 in an chak ta a ni.
Record thar siamtu Ronaldo
Portuguese forward Cristiano Ronaldo chuan he inkhelah hian goal 2 thunin, hei hi Real Madrid tâna La Liga goal 100 leh 101 na a ni. Ronaldo hian goal 100 thun turin game 92 chiah a mamawh a, Real Madrid player zinga La Liga goal 100 thun rang ber a ni ta.
Ronaldo hian 2009 nipui bazarah Real Madrid hi zawmin, La Liga-a a season hmasa berah goal 26 a thun nghal a. 2010/11 season ah phei chuan La Liga-a goal thun hnem ber record siamin goal 40 lai a thun a, La Liga top scorer leh European Golden Boot a dawng nghe nghe a ni. 2011/12 season kal laiah hian goal 35 lai a thun leh tawh bawk.
La Liga-a goal 100 thun rang ber record hi Real Madrid legend Ferenc Puskas a ni ṭhin a, a ni khan goal 100 thun turin game 105 a mamawh a, Ronaldo hian a khum chiang angreng viau a ni. Real Madrid player zinga La Liga goal 100 thun rang ber a nih rual hian, La Liga player awm tawh zinga goal 100 thun rang ber a ni nghal bawk tih kan hriat a ṭha awm e.
Barcelona an tluang
Tunhnaia La Liga-a che ṭha tluang tak Barcelona pawh an chak a, khualmualah Lionel Messi leh Gerard Pique te goal hmangin Real Mallorca 2-0 in an hneh.
He inkhelah hian minute 25 ah Lionel Messi chuan Barca goal hmasa zawk a thun a, hei hi tun season ah, La Liga bika Messi goal 35 niin, a zawnin game 8 ah goal a thun tawh. Hemi hnu hian Barcelona hian goal thun theihna chance ṭha tak tak an nei nual a, first half-ah Mallorca forward te hmel kan hmu khât hle.
Second half ṭan aṭanga rei lo te ah Barcelona player Thiago Alcantara chu yellow card pahnih a hmuh avangin hnawhchhuah a ni a, hemi hnu hian Mallorca an khel ṭha in, an siphurh an sût teuh ṭhin hle. Mahse Barca chu Barca nge nge an lo ni a, minute 79 ah Gerard Pique chuan goal thun lehin, away ah point 3 hlu tak an hlawhchhuak ta a ni.
La Liga title race is back
Point 10 a an inthlauh lai kha chuan Barcelona fans te ngei pawhin champion an inbeisei ngam tawh meuh lo a, mahse tunah chuan beiseina thar nen Barcelona an khel leh ta. Tunah hian La Liga ah match 9 ve ve an la nei a, Real Madrid hian point 75 hmuin, Barcelona hian poin 69 an hmu mek. El Clasico a la awm dawn a, an khelhna hmun tur hi Barcelona home, Camp Nou a nih tur leh, tunhnaia an intuma Barcelona an chungnun ṭhin zia pawh kan hria e.
Football ah chuan engpawh thleng thei mahse, El Clasico ah hian Barcelona chak turah lo dahchhin ta ila, an inthlauhna hi point 3 chauh a ni ang. Point 3 hi chu match hnih khat chetsual palh zeuha inlehpelh theih a ni tawh a, head to head ah Barcelona an ṭhat zawk dawn avangin (El Clasico an chak chuan) La Liga ah inlehthalna ropui kan hmu lo ang tih a sawitheih loh.
Chutihlaiin, Barcelona hi chesual thei lo an ni bik lo a, an hmabaka match 9 hi an chak vek bik lo maithei. Real Madrid in point 10 a hma an hruai lai khan manager Jose Mourinho chuan vawihnih khat an lo chesual palh a nih pawhin ‘invenna’ point 10 an nei tawh a, a pawi lutuk lo ang tiin a lo sawi tawh a, tunhnaiah vawihnih an chesual a, point 6 laiin hma an la hruai tho. Barcelona erawh an chesual thiang ve tawh lova, champion an tum a nih chuan an game la awm zawng zawng an chak mai bakah Real Madrid vawihnih tal an chak loh a ngai tihna a ni.
Real Madrid hi game 29 ah vawi 2 chiah an la chak lo a, game 9 ah vawi 2 chak lo tura dah chu thil harsa tak a ni. Tun dinhmunah chuan La Liga champon turin Real Madrid dinhmun a duhawm zawk. Barcelona erawh a tawplamah an rawn vung ngei mai.
Tunge Pichichi award dawng ang?
La Liga champion nih tuma team pahnihte an inum lai hian, La Liga top scorer nih tumin player pahnih an inum ve bawk a. Real Madrid forward Cristiano Ronaldo leh Barcelona forward Lionel Messi te hian goal 35 ve ve an thun tawh a, anmahni hnaih bertu, Atletico Madrid striker Ramadel Falcao chuan goal 19 chauh a la thun avangin, Ronaldo emaw, Messi emaw hi top scorer an ni dawn tih a chiang.
Season hmasa-a Ronaldo goal 40 kha La Liga record a ni tawh a, kha record khûm tur khan heng player pahnihte hian goal 6 chiah an mamawh tawh a, season tâwp hmaa game 9 lai khelh tur an la neih avangin an khûm ngei a rinawm. Tun dinhmunah chuan rinkai zawk tihtur pawh awm lovin an tluang dun a, a tuemaw zawk zawk pawh top scorer ni se an inhnaih viauin a rinawm.
Ronaldo leh Messi te goal thun theih lai a ni bawk a. Messi hian Barcelona tâna goal thun hnem ber record a siam zo deuh chiah a, Ronaldo pawhin La Liga player zinga goal 100 thun rang ber record a siam ve lehnghal. Season tawp hmain La Liga-a season khata goal thun hnem ber record thar pawh kan beisei leh thei dawn e.
Tupawh champion se, tupawh La Liga top scorer ni se, Lionel Messi leh Cristiano Ronaldo te vanglai hmu theia kan piang hi lawmthu sawi mawlh mawlh tur kan lo ni e.
cialis on line
online cialis
where to buy cialis
cheap cialis
Best cialis price
Generic cialis cheap
Cialis Contre Indications Buy Levitra From Canada No Rx online pharmacy Frontal Baldness Propecia Where Can I Buy Alli CanadР С–РЎС›
Ronaldo hi Man Utd ah la om se Fifa Player of the year ala leh hrim2 ang.. real madrid ah alut a messi a tluk thei tohlo.. Man utd ah khan a thra kati zaok daih..
Thnx @ramenga
Ronaldo vs Messi ropui jok cu kn hre my ag,Tuge FIFA choi mwi na dwng hnem jok2?kei ni ai a thiam jok lh hre jok Manger lh Player ten an thlag lh dwn a lwm a hriat my ag…k mimal gaihdan ah cuan MESSI chhigzo reg an wm lo
Messi hi tha ka ti zawk kei chuan.
united fans bakin ronaldo hi messi ai in thiam anti..
An tha ve ve..he he
Kei pawh Ronaldo tha ka ti zawk!!
Ronaldo leh Messi hi chu next generation ah hei ai hian anla lar zawk fe ang….
RONALDO VS MESSI messi hi ni se kumin chu k t ronaldo hi penalty pet thei lutk a ani leh mai thei ani,P^ ronaldo in messi a tluk loh na chu BIG game ah hian lam te tan an inthat hleih tek2 e a ni,chuan messi chu a chapo lo a ronaldo hi chu a chapo lutuk ahei vang hian messi hi engtik ah mah a tluk thei dawn lo anih hi,D;
An thiam ve ve, mahse messi ka duh zawk kei chuan
Ronaldo hi a thiam,a ropui,mahse a aia thiam Messi nen kher a an vanglai a intawng hi chu a vanduai khawp mai,khawvel hian a tha zawk an hre si,lawmman pawh a dawng ve hleithei ta lo a nih hi
Xavi,Eniesta tih vel vang kan ti maw? kum tina thiante tana pet goal tur siamsak hnem ah hian Xavi te hi a ber an ni ngai lo,an ni ai chuan Messi bawk hian Assists a ngah ziah,chuan Ronaldo teammate Ozil leh Di Maria te hian thiante pet goal tura siam na na chu Xavi te ai hian an ngah zawk thin tlat bawk.Messi hi Ronaldo ai hian sawi nep chi a ni lo.Khing ka sawite khi La Liga ah bik chaauh a ni a,Khawvel League ropui ber UCL lamah phei chuan Ronaldo in a khan loh zia chu a sawiin a siak lo Messi hi kum 3 chhung UCL ah top Scorer a ni tawh a tun kum pawh a nih leh hmel khawp mai,08-09 atang khan Messi hian UCL bikah Goal 41 thun tawhin Ronaldo chuan 24 chauh a thun thung,Assists lam phei chu sawi tawh lo mai ang…..
Pet goal ringawt kan en chuan Messi leh Ronaldo hi an inkhing tawk viau in a lang,mahse Messi that bik zia lanna chu a pet goal piah lamah assists a ngah em em mai hi a ni,Ronaldo La liga a rawn khelh atang bika chhut phei chuan Messi hian goal a thun hnem zawk mai bakah thiante pet goal tura siam phei chu a sang filawr lak.Tun season ah phei chuan Ronaldo hian Minutes 2544 a khelh atng vawi193 shots a neihah vawi 35 a pet goal a vawi 8 assists a nei.Messi ve thung chu Min 2457 a khelh atang vawi 154 chiah a shot a,goal 35 tho khung tawh in athiante tan vawi 10 ngawt asiamsak tawh.Nikumah pawh La Liga ah assists nei nei ber a ni nghe nghe..Ronaldo hi a thiam lo ka ti hauh lo mahse Messi nena tehkhin ral ah chuan Messi hi chu khan lo tak a la niin ka hria.Shot an inngah hleih dan atang te hian Ronaldo hi chu pet goal hnem hrim hrim tum a ng ka ti.
@freddie ltm: ni ngawt mei ti raw! Ronaldo hi a aropui em em, record pawh foot ball khawvel ah nasatak in a siam a, mahse footballer piang tawh zing a, thaber a an sawi ve ngai lo hi!! Athiam zia lah mi zawng zawng in an hre vek tho si a… te ka lo ti ve mei mei thin….
Post tha khop my chhiar a nuam e….
La liga boruak pawh a hot tha hle mai. A tha. Season tawp lam hi chuan khawilai pawh hi hot viau vek sela tha mai
Post tlip na…Tupawh champion se, tupawh La Liga top scorer ni se, Lionel Messi leh Cristiano Ronaldo te vanglai hmu theia kan piang hi lawmthu sawi mawlh mawlh tur kan lo ni e….tih lai te hi ka super like lutuk tawp! 🙂
http://www.goal.com/en-india/news/105/main/2012/03/25/2990523/cartoon-of-the-day-masterful-messi-gobbles-up-roly-poly-ronaldos-
hepa ve hi penalty pet a chuh aniang, ronaldo: goals from penalty spot(10) Messi (3)
@awite: inkhel en kha cuan alexis tih goal ngei niin a lang a, mahse messi hming kha an tarlang tlat bok sia, messi tiin kan dah ta nih hi.
Ronaldo hi messi ai chuan thra ka ti zawk tlat,kei chu,messi hi chu a thra teh meuh mai,mahse footballer piang tawh a thra ber ah hian Ronaldo hi enga ti nge an sawi ve ngailoh leee????/…
Messi goal nge Alexis aw?
@Awpa Fanai: Referee report ah, yellow card hmasa zawk a hmuhna kha a awm lo ni a a tarlan avangin Sergio Ramos red card kha hnuhdawh leh a ni.
Thil dag daih…egati ge Sergio Ramos hi nizan khan ala khelh theih a?last match-ah khan red card a hmu nilo mi?
Ronaldo hi chu a lo turu a ni. Mimal tak hian a lo tha em a ni. Record a siam reng ringawt mai, ama record vek hi a break lovang tih a sawi theih miah loh nia. Good post macha