Football ah hian player ṭha tamtak an awm a, player ropui pawh ‘engemawzat’ an awm. Heng player ropuite chungah hian player ropui bik tlemte an awm leh a, chung mi tlemte zingah chuan Barcelona forward Lionel Messi hi a ropui ber pawl a ni ngei ang.
Messi hi record thar siam tur hrim hrima piang emaw tih mai a awl tawh a, “Messi chuan record thar a siam” tih te hi mak pawh kan ti tawh lova, ngaiah kan nei lek lek tawh a ni zawk. Tun season-ah ringawt pawh Barcelona tâna goal thun hnem ber record a siam tawh a, Champions League leh La Liga-a goal thun hnem ber record a siam tawh bawk. Inrinni zana Barcelona in Espanyol an hneh ṭumin record ropui a siambelh leh ta.
Guardiola thlahnaah Messi a langsar
Inrinni zana Barcelona in Espanyol an lo mikhual hi Nou Camp-a Pep Guardiola hnuaia Barcelona inkhel hnuhnung ber tur a ni tawh a, stadium chhungah Guardiola thlahna banner hmuh tur a tam ngei mai. Tunhnaiah Real Madrid lakah La Liga title an hloh a, Champions League-ah uihawm takin an tla bawk. Hei mai a ni lo a, an manager ngainat em emin a chhuahsan dawn zui nen, Barcelona fans te tân au na chance a tam lo a, Inrinni zanah erawh Lionel Messi vangin ṭum li ngawt hlim takin an au.
Barcelona hian 4-0 in Espanyol an hneh a, goal lut zawng zawng hi Lionel Messi thun vek a ni !!! Messi hian tun season-ah ringawt La Liga-ah goal 50 a thun ta a, hei hi season khat chhunga European League-a goal thun hnem ber record thar a ni. Messi hma hian Dynamo Bucharest striker Dudu Georgescu’s chuan kum 1976-1977 khan Romanian league-ah goal 47 a lo thun tawh a, hei hi Inrinni zan khan Messi hian a khum ta a ni.
Hei chauh hi a ni lo. Messi hian tun seasonah goal 72 a thun tawh a, hei hi season khat chhunga goal thun hnem ber record a ni bawk. Nilaini khan Malaga lakah hattrick siamin goal 68 a tlin tawh a, Bayern Munich striker Gerard Muller-a’n 1972 – 73 season a goal 67 a thun chu khumin record thar hi a lo siam tawh a ni.
Goal thun thei Messi
Messi hian tun season-ah official match 58 a khel tawh a, goal 72 a thun tawh. Match 1 ah goal 1.24 zel thun ang a ni. Competition a khelh tawhah goal a thun vek a. La Liga ah 50, UEFA Champions League-ah goal 14, Spanish Super Cup ah goal 3, King’s Cup ah goal 2, Club World Cup ah goal 2, European Super Cup ah goal 1 a thun a ni. Hetiang taka goal thun thei hi engtikah tak rawn chhuak leh ang maw?
cialis dosage 40 mg
cialis 20 mg price
He Mihring zet hi cu a ROPUI a ni e…. Kei cuan khwvel Footballer piang twh zawng2 zing a ROPUI & THIAM ber k t va gam tlat….
He pa han turu dan em em hi chu aw, ngaihna awm lo. record siam tur hrim2a piang niin ka hria 🙂 Post bengvarthlak hle mai
Ni e..barca tan cuan aropui alwm..mahse..futbaler ropui dagte agin, tehna ziktluak ber pakhat hmaihtheih miahloh world cup ah hian anram hi a champiom pui ka ringlo bur..club ah ciah cetha ti a an swi thin zigah atel ka rig e..
Hepa hi chu a ropui thlwt a ni e.a inkhl live a kn en thei hi cu kn vannei teh e.Argentina tan par a la chhuag dwn chauh bwK si
A ngaihnawm khawp mai! He Messi hi chu futbol ti hmuhnawmtu ava ni teh lul em!
Ronaldo(Pathau-a) angin zuih ral dawn tih ka chiang…..
A khel kn hmu hman hi kn vannei tkzt,mhse futbol hi ati lem jo tep anie,dam tha taka season ahman tluan theih cug cu ropuina lh chwimwinate ata ani jel dn a ag khp mai
Chelsea lakah cuan thun ve trep toh ag…
MAHSE²… CHELSEA LAK AH GOAL ALA THUN LO….HI³… ktbffh
Hepa hi chu a ropui ani…A goal thun theih piah lamah hian assist a la nei hnem em em zui………….
League-a goal 50 thun theih hi a ropui khawp mai. Game 38 chiah a awm ania..
A retire meuh cuan a ropui toh khop ag le
Tun seasona a record siamte hi amah ngei pawh hian a khum leh ang em tih hi a ni…a kum a la nopang si,eng ang takin ropui ang maw…