Dinthar F.C. in MFA League an Champion a, Northeast Premier League an khel dawn bawk a. Hei vang hian kum 2010 leh 2011 Red Ribbon-a lo vanduai tawh Dinthar tan Red Ribbon-ah kumtha a rawn in her chhuah hun nia mi tamtakin an ngaih laiin nikum Red Ribbon lama an hneh tawh Republic Veng lakah 2-0 in an tlawm ta a ni.
Inkhel hma boruak!
Republic Veng leh Dinthar hi veng inelna lian tham-ah hian an lo in tum fo tawh a. Inter Village Hero Honda Cup 2011 final-ah Dinthar hian Republic hi 1-0 in an lo hneh tawh a. Kum 2002 CYMA Football Tournament ah Dinthar leh Republic Veng hi 2-2 a an indraw hnuah penalty ah Dinthar an chak a. Hemi tum hian fans lamah buaina a chhuak a, buaina chhuah chhan hi Republic Veng Fans te an awmlohna lama an awm vang a ni. Red Ribbon 2011 khan Second Round-ah an intum leh bawk a, 1-1 a an indraw hnuin Dinthar bawk penalty ah an chak a, hemi tum pawh hian buaina chhuak leh a, hemi tum hi chuan Dinthar fans te thiamloh niin he inkhel hi Joint YMA Field ah khelh a ni a, Dinthar fans pawr zualin an goal celebrate pahin Republic playerte an khawih a. Inkhelh tihtawp anih hnuah a tukah Ramhlun Sports Complex-ah khelh chhunzawm tir an ni.
Hetia boruak awmsa a awm avang hian inkhelh hun hi dar 9 ni mahse inkhel entu an tam hle a ni.
Team Boruak!
Dinthar leh Republic Veng in veng pawn lam players an lalut ve ve a, heng team pahnih ah hian North east Champion Mizoram team a player pahnih ve ve an kawl a. Dinthar hian Ramnunsanga (Defender) leh Lalrinkima (Defender/Midfielder) te an nei a, Republic Veng lam hian Lalfakzuala (Winger/Striker) leh F. Lalrinpuia (Striker) te an nei thung.
Inkhel Chanchin!
Team tha ve ve inkhel a ni bawk a, inkhel pawh a hmuhnawm a. Inkhel a chungnung zawk chu Dinthar Veng an ni. Dinthar Veng tan hian Samuel Laltlanthanga leh Lalrochama ten goal ngei tura ngaih an telh a. Heng goal pahnih te hi chu lut se chuan inkhel result pawh a dang ngei ang. Dinthar hi game ah chungnung zawk mahse Republic Veng in F. Lalrinpuia (Valpuia) hmangin first half-ah goal an thun a. Goal dang a luh belh lo.
Second half-ah erawh an inhnehtawk em em a. Dinthar tan midfield ah Reuben-a langsar a, game pawh a thunun hle. Mahse Dinthar winger Chhuanzika khelthat loh a lang chhunzawm zel a, first half lama a chetchhiat a chhunzawm zel a, coach in a hmuh hmaih rei hret a ni. Republic lam pawn half chance an nei zeuh zeuh a, Lalfakzuala penalty area chhunga an tihtluk chu penalty awm tak anih rualin referee in penalty a pe lo pawh kha decision chhia a ni hranlo. Dinthar tan Mizoram team ami Lalrinkima rawn lut mahse game flow a dik phah chuang lova, Reuben-a a khelh that ngaiin a kheltha a, player dang erawhin pass sual an ngah hle thung. Dinthar lam an insiamthat lawk loh avangin an tuar ta a, an pass sual atanga ball chhuak chu Republic Winger Lalthantluanga (T2-a) chuan field dinglam atang chuan a la lut a. A ball cross tha tak chu Mizoram team defender Ramnunsanga’n an lamah a lo ti goal a. T2-a hi Mohun Bagan Academy a tling thar a ni a, Republic Veng pawh hian an match leh ah chuan an chhawr thei tawh hmel loh. Goal dang a luh belh tawh loh avangin Republic Veng chu an chak ta a ni.
Sawi zui ang!
Mizoram team nimin lama rawn haw chauh annih avangin an chau tih hriat deuh mahse an thiamna hai rual a ni lo.
Buaina a chhuak lova, mahse a chhuahloh chhahah hian MFA an fakawm a. Zing dar 9 inkhel ngaih thah mai lovin security an dah tha a. Hei vang hian buaina chhuak tur ang ho chu a buaina tak tak thlen hmain an thelh hman zel a ni.
A tawp berah chuan team tha Dinthar an tla a uihawm a, chutihrualin kumin hian seeded team hi siam lo phei se chuan hei aia hma hian team tha tak tak an tla thei dawn tihna a ni. MFA in seeded an siam pawh hi a fuh a tih zel awm e. Mahse players in lak theih tih hi a fuh em tih chu zawhna awm thei tak a ni. Kan ngaihdan sawi zui ila, post a sei deuh tawh avangih hei hi chu post dangah kan la khel dawn nia.
Tunkum chu kan ti nek2 ga kan champ maithei ni
a ngaihnawm hle mai..inkhel chungchang i ziak tha hle mai..
Dinthar meuh hneh chu republic veng nih a nuam ve khop mai.. Republic Veng kan vannei tak zet2 ani e..
Central yma ah pon lam players a lak theih chuang lo a, red ribbon ah te hi chuan players duhthlanna an ngai poimoh hi tha ka ti. football leh players te hmasawn na a tan a nia tha ve a lom.
comment no. 3 like.
Dinthar chu an sawi vul nen an va tla hma leh si em!
A hmuna en ve theih chakawm hle mai. Admin zingah hian lawm fal deuh an awm em aw??hehe
A ngaihnawm hle mai. Republic veng chu an lawmpuiawm hle mai. DInthar hian an ui viau bawk ang
Dinthar khian Republic Veng kawng an lo dal ngun tawh em a..kan kian ve tawh a nge an ti a niang!!! Republic veng te champion ngei turin ka duhsak e!
Dinthar chu an va uihawm ve aw…..duhai chuan team tha leh team tha an inkhel hma mah2 a ni…..heng inkhel te hi Lammual-ah ngei mai han en ila tu pawh chak dawn in man nei pawh nise heng team tha inkhel hi chu ka en chiang ngawt hiank ring….Republic veng duhsakna ka hlan e
Nikum lamah vanduai takin an tla a,Republic veng ka lawmpui e…players inlak chungchangah chuan inter-village anih ang ngei hian mahni veng chhung mi ngei chauhin khel se..football thiam veng/khua tak2 a hriat ang chu..chutih laiin players ten hlawkna an hmuh tur ngaihtuah chuan veng/khaw dang tana khelh kha a pawina em2 ka hre hran lo…amaherawhchu players lak tamzat hi bituk se tha ka ti..eg. team khatah players 3 aia tam lak phal loh tih ang te emaw…
Republic khi an tha ve thawkhat bawk em atin ni….
Kan veng chuan kan la na vawng2 khawp mai!! Lammual pawh lut em loh ah kan tlak hi chu kan ring lo asin le! Sob,sob!! Republic Veng te duhsakna kan hlan bawk e.