Red Ribbon 2012 final-ah Chanmari L.C. Team chuan Durltang L.C. Team chu 2-1 a hnehin an Champion a. Chanmari tana chakna goal thuntu C.M.S. Dawngliana (Dawngtea) chu ZoFooty & R.C. Shirt House Man of the Match-ah thlan a ni a, Champion team Captain Rochhingpuia chu Best Player a thlan a ni thung. Pahnihna Durtlang team hian Fair play an la a, an winger Zoramthara chuan goal 10 thunin Top Scorer a ni bawk.
Inkhelh hma boruak!
Durtlang leh Chanmari a awm zawng zawng an rawn kal ta emaw tihtur khawpin entu an tam a, Lammual chu rawng sen leh bawl in a khat vek a. Ruahsur pawn a dan zawh loh fans te an awm mai mai lova, Chanmari lamin anmahni pualin Sound System an rawn nei a, neilo pawh nise an ri an that dawn tawh tehreng nen. Sound System an neih bawk avangin an ri chu ropui tham a ni. Durltang lam pawh an duai biklo, an zai dup dup tham an awm a, an zai bawk a, hardcore zualin lukhum lem nen an inzui duah duah bawk. Mahse ruahsur vangin inkhel tih khawtlai a ngaih phah a. Mahse ruahsur chu dan zawh rual a ni si lo.
Final Hmuhnawm!
Inkhelh tan atangin Chanmari lamin an nawr nghal a, Francis Zonunsanga’n Chanmari tan minute 2 lekah penalty area pawn atangin mawi takin a shot goal nghal a. Chanmari in defensive game khelh mai an tumlo, an attack chhunzawm nghal a. Zico Zoremsanga’n chance tha tak tak a thelh a. Heng chance te hi goal-ah chantir se chuan Durtlang tan let leh ngaihna a awm lo ngei ang. Durtlang in an Captain Ruata leh Mamawia khel theilo tih an tuar a lang.
Chanmari lamin goal an thun theih miau loh avangin Durtlang game pawh a rawn tha chho a, minute 28 naah Chanmari lamin inhliam chunga an luh tir Rinchhana (I-tana lo zawk, I-tana hi Rinchhana ve tho a ni) chuan penalty area-ah Durtlang Striker MC-a chu ti tlu in, penalty a chawi a. He penalty hi Zoramthara’n a goal 10 nan goal ah a chantir a, Zoramthara hian Round of 16 atangin goal thun loh ni a neihloh bakah Chanmari lama goal awmchhun a ni ta bawk a ni. Durtlang an phur chho va, Albert chuan ball tha taka la lutin mawi zetin a shot a, a goal ngei tura ngaih hnuah MS-a chuan a lo save tlat mai. First half-ah goal dang a luh belh lo.
2nd Half-ah pawh a tir atangin Chanmari an chungnung zawk a, midfield ah Lawma leh Chhinga te an tangkai thei hle. Chanmari in an phu ang ngeiin goal an thun ta a, he goal chakna goal ni ta bawk Dawngtea thun hi striker naran tan thun chi a ni lo. Chanmari lam an bet chho tan a, Durtlang lam attack pawh a na tial tial a, mahse Chanmari Defender te an paltlang zo si lo.
Hun tawp dawn lamah Durtlang in corner an hmu a, Corner atanga ball tha tak chu Chanmari goalkeeper MS-a ball man tur chu Chanmari Player thovin (?) a lo nek buai avangin ball chu a per ta a. Chu ball per chu Duhawma chuan goal-ah thun mahse, referee in foul a ham tlat avangin goal ah pawm theih a ni ta lo. Hun tawp dawnah Durtlang in penalty area pawn deuh ah freekick an hmu a, MC-a chuan petin goal bar a per mahse a goal si lo. Goal dang a luh tawhloh avangin Champion phu zawka ngaih Chanmari chu an chak ta a ni.
Coach Kamchhuak!
Chanmari Coach Pu L.Ch-a chuan,”A ropui e, a ropui e. Chanmari lam hruaitute leh playerte vang liau liau a ni. Kum lamah la naupang mahila thuneihna min pe a, ka thusawi an pawm bawk a. An chungah ka lawm tak meuh meuh a ni” tiin discipline chu an chak phah niin a sawi.
Durltang Coach Pu Jerry-a chuan,”Champion an phu a, an champion ta a ni. Ka lawmpui e. Mahse kan chaklo dan hriatthiam a har khawp mai. Kan goal an pawmloh chhan kha ka hretthiam theilo, kha kha chu a goal chiang a ni. Chaklo tir hrim hrim min tumah te hian ka ngai, Republic Veng nena kan intum pawh khan penalty fair lo takin an pe tawh bawk a. Tunah hetiang hi a thleng leh bawk si” tiin goal an pawm takloh chu a ui thu a sawi.
CHAMPMARIANS
Samson-a leh Ramluaha, Shillong Lajong te chuan inkhel chu en lo mahila, chanchin kan hriat dan atangin Chanmari an Champion kan ring an ti a. Hetiang bawk hian Aizawl F.C. Manager Pu Hmingthana chuan a ngai bawk. Goal awm tak hamloh chu awm bawk mahse mi tam zawk hian Chanmari chak hi an ring zawk a, vawiin inkhel atang apwh khan an phu zawk niin a lang. Mahse football hi chu team tha zawk chakna hmun anih kherloh avangin goal kha chu pawm se result a dang thei bawk. Engpawhchunise Chanmari hian an ropuina an belhchhah a tihtheih a, Basketball leh Cricket an thunun a, tunah football-ah an champion leh bawk a. Hei vang hian Chanmari veng hi Sports ah kher chuan dah hniam chi an ni tawh lovang.
Pic: Durltang team te chak zo lo mahse tawngtai an theihngilh lo.
Squad:
Durtlang
1st eleven: Malsawmdawngzela, MS Dawngzela,C. Lalduhawma, Lalhruaitluanga (C), Lalhmangaiha, Zoramthara, H. Lalbiakthanga, Bobby Lallawmsanga, Albert Zohmingmawia, Lalliantluanga, MC Malsawmzuala
Chanmari :
1st Eleven : MS Dawngliana, Lalrinchhana, Lalrinchhana Tochhawng, C. Zomuanpuia, Zohmangaiha Ralte, Rochhungpuia, Francis Zonuntluanga, Lallawmsanga, Zico Zoremsanga, R. Laldanmawia, CMS Dawngliana
cialis coupon cvs
cialis pill
Cialis now
Discount canadian cialis
Alli Xenical 40 mg levitra pills on line for sale Zithromax Kidney Canada Phamacy
Comment pe vak lo mai teh ang.. Ka ui a ni tawp mai..
Chammari ka lawmpui e,champion an PHU.Durtlang ka tawrhpui bawk..,an khel tha lutuk.Champion team pakhat chauh a awm a ngai miau si a..thanks ZO-FOOTY
Dikni a inhriatna atang hian Diklo ni a min pawmsak hi a NA zual thin. Durtlang 2nd Goal kha pawmsak nise ka lo ti ngawih ngawih a, Inkhel hmuhnawm leh zual kan hmuh phah dawn a… mahse mihring kan nih chhungin sawiselbo nih hi a har….thawhtanni ah news paper sports column in Durtlang ho rilru a tina thar ang tih erawh ka hlau… kah goal an pawmloh kha rawn zaiklang kherlose ka ti mai mai…
Chanmari…thinlung tak takin ka lawmpui e. Futbol hi zawng a ROPUI EM ANI.
Republic kha final an thleng ta nange?
A ropui e, chanmari te ka lawmpui ce..
Chanmari kha chak phu zawk chu an ni e, mahse Durtlang goal an pawmloh kha han pawm ta bawk se…a tawplam boruak kha a sang anga, a hmuhnawm lehzual viau ang…
Durtlang pa nih chuan a uiawm khawp mai kan chaklo hrim hrim kha… Congrats Chanmari
Kn hn chakloh cule,apwi narwh e,Rs.500 ka hlwh dn lo bwk nen,ne gol pwmloh kha amak gwt mai,mhs Chanmari khn vwin kha cuan chak an phu jwk cu katia,mhse pitch ro sela cu kan chak kala ring fan
tun tum chu a score zat tur lam nen kan rin dik thlap chu le….champion team ka lawmpui rualin a chak lo team pawh ka tawrhpui tak et e…kan awmna ah net a muang lutuk a ka en tha hleithei lova ka ui khawp mai…Mizoram football in hma a sawn khawp mai tih kan zep tel hram teh ang
Chanmari hi sport ah an hniam lo i tia mi.player tha leikhawm thei la,tun lo haw lo se,tuirial pawh an champion thei ang chu,hetianga player leikhawm a khelh an phal te chuan,thingtlang tan chance a awm nang le
Durtlang lam ka ṭan asin mawle, a pawi love, Chanmari pawh kan bus stand awm na a nia; kan tan an ṭangkai viau tho a; a lawmawm tho tho. Ti daih ila, tun ṭum tournament hi engtiklaia ṭan kha nge a nih tawha tih leh match awm zatte min hrilh theih chuan ka lawm ngawt ang.
Vawin red ribbon football final kha kalo thlir ve a,chanmari lam khel kha a tha in an fitness pawh atha thawkhat viauin ka hria a,chak pawh an phu in ka hria.Mahse Durtlang lamin an goal score poimoh tak an pawm saklo kha chu refree kha MFa lam pawhin a decision siam dan kha zawhfiah tha in ka hria,a felhlal deuh chu ani.
Chandmari ka lawmpui e..Mahse Durtlang tan chuan kan chakloh dan kha na ve duh tak chu a ni….
An chawi belh em lo ang chu maw?? Congratz Chanmarianz..
Tan xok ka neilo a.. Chanmari an chak ka ring boka.. mse goal an pom loh kha cu fair lo ve deuh ani.. Durtlang tan a na ngot ag