Ni 24 Ferbruary zan dar 8 khan Ignite Studio, Khatla ah Red Ribbon 2012 Kick Off programme neih a ni a. MFA President leh Parliamentary Secretary Pu Lalthanzara’n thu a sawi zawh hnuin Red Ribbon 2012 a hawng .
Kick Off programme hi session hnih a then niin session khatna hi Francis Paul (Gerrard-a Pa) in a kaihruai a, he session ah hian Pu Lalthanzara bakah hian Dr Eric Zomawia, MSACS Director in thu a sawi a. Mizo Idol Lalthuthaa leh R. Lalhmangaihzuali ten zaiin mipui an awi bawk.
Session hnihna hi MFA General Secretary Pu Lalnghinglova Hmar chuan a kaihruai thung a. He session ah hian tie draw neih a ni, team 222 tehmeuh awmna tie draw nei tur hian mi pawimawh leh langsar tak tak an rawn ding chhuak a. Chung zingah chuan tun tournament a Official Media Partner tur ZoFooty Admin Mike Hmingthanpuia pawh a tel a ni.
Fixtures hi MFA Office ah ni 27 Ferbruary, thawhtanni dar 1 atangin MFA Office City Park-ah lam theih a ni ang. ZoFooty lamah pawh download theih tura dah a ni ang.
MFA Vice President Pu PC Vanlalhruaia leh Mizoram U-19 Manager Pu Didina ten Red Ribbon 2012 Cup thla an lakpui
MFA President leh Parliamentary Secretary Pu Lalthanzara thusawi.
Red Ribbon Inter Village Football Tournament 2012 kan lo thleng leh dawn ta a, kan hriat theuh angin he tournament hi Mizoram football tournament awm tawh zawng zawnga lian ber a ni a, tun tumah hian team 222 ngawt mai an chhuak a, hetiang zat team telna inkhel hi Mizoram Football history-ah hian ala awm ngai lo a ni.
Mizoramin tun hnaiah football-ah hmasawna hrang hrang a nei a, FIFA Grassroot Football Project bul tanna turin AIFF chuan Mizoram a thlanga a, MFA nen thawk dunin kumin chhungin Grassroot Football School Aizawl-ah bul tan tum a ni. India ram Football Club lar tak takah tunah hian kan thalai football khel thiam mi 100 chuang kan neih mekte hi an chhuan awmin Mizo min ti hmingthain, kum khata Rs. 30 lakhs aia tam hlawhchhuak thei kan neita te hi a lawmawmin, football khelh hi thalai lehkha thiam sang lo tan pawh ei-zawnna tling leh chhungkaw chawmna tha takah kan thalaite’n an chantir mek a ni.
Chanchinbu-ah te kan hmuh angin, Aizawl Football Club chu I-League Second Division-ah an group-ah pakhatna niin I-League Second Division Final Round an thleng a, hei hi Mizoram football tan chanchin lawmawm leh chhinchhiahtlak a ni. Aizawl FC thlen theih hi Mizoram team dangte pawhin nakin lawkah an thlen theih kan beisei a, chumi tur chuan MFA-in a theihna zawnah football club-te tanpui a inhuam reng a ni.
Season tharah hian Mizoramin Football League changtlung leh mumal zawka neih theihna turin MFA chuan hma a la mek a, thawhpui turte pawh thlang fel tawhin football league mumal zawk siam tumin tan ala mek a ni.
Awle, kum 2012 Mizoram Football history a team chhuak (participate) tam ber tum – RED RIBBON INTER VILLAGE FOOTBALL TOURNAMENT 2012 chu LAWM takin ka hawng e.
Red Ribbon Kick Off Thlalak tam zawk i en duh chuan HETAH hian click rawh.
cialis price costco
prices of cialis
Buy viagra without prescription
viagra for women
Thingtlang lamin aizawl khaw team an hneh thawm hriat ka chak letawh ani
@Tlanglena: Fixtures hi MFA Office ah ni 27 Ferbruary, thawhtanni dar 1 atangin MFA Office City Park-ah lam theih a ni ang. ZoFooty lamah pawh download theih tura dah a ni ang.
Fixture hi tihsual palh a awm theih avangin MFA lamin an ennawn leh mek a, chuvangin zofooty lamah pawh kan la dah ngam rih lo a ni.
Fixture hi awm thei se oo.
A ropui e.. Mizo thalaiten Football mai bakah AIDS laka kan fihlim theihna tura kawng sialtu hlawhtling tak ni mawlh teh se. Infiam mi chu thil tha lo engkim lakah a insum thei tur a ni si a.. Mahse, kei zawng hrereng chungin ‘zial zuk’ ka bansan thei rih lo..
A ropui hle mai. Mike chu va lang slim ve .. Post bengvarthlak tak a ni..