Aizawl Venglai Squad
Lalawmpuia (GK) J-44, Lalkhawngaiha (GK) J-45, Lawmsangpuia Chhangte J-22, Malsawma Chhangte (J-25), Lalhriatpuia J-16, Dintluanga J-12, Vanneihtluanga J-15, Ramfangzauva J-5, R. Malsawmtluanga J-17, Remlalruata J-8, M.S. Dawngzela J-13, Laltuakliana Renthlei J-7, Laldinpuia J-24, H. Lalhruaitluanga J-20, Elija Lamalsawma J-19, Edenthara J-11, David Lalthansanga J-14, Ramengmawia J-9, Benjamin Lalbiakhlua J-26, David M.S. Tluanga J-10.
Manager: K. Lalrinzuala
Coach: Laltuakliana Renthlei, Lalramngheta

I-League pawh khelpha Luangmual F.C. awmna veng Luangmual awmna pool atanga Semi Final lut thei Aizawl Venglai hi team tha tak an ni tih chu a chiang reng mai. Mahse Champion chu sawi loh final paltlang tur pawn Chanmari an hneh phawt ala ngai tih erawh kan hriat a tha.

Team bihchhianna:

Player Sawmpahnihna fan:
Fans tha tak an neih avanga tun dinhmun hi thleng thei an ni. Round of 16 Final Day-ah Bethlehem VT 3-0 in an hneh a, Luangmual tan tlang tur chuan Sihphir 5-0 a an hneh a ngai thung. Player te tan inkhel en bak tih theih a awm ta lo. Rin ang ngeiin Luangmual in attacking football an rawn khel a, an Striker Denghmingthanga’n minute 4na lekah goal a khung a. Luangmual dinhmun chu a tha viau ah a ngaih theih. Mahse Aizawl Venglai fans an rawn lang a, Sihphir chu nasa takin an rawn au phur ta a, beisei tur nei thawh lo Sihphir in theihtawp an chhuah phah a, Luangmual player an zam (vanduai) bawk nen. Sihphir chu 2-1 chiah a hnehin Aizawl Venglai an tlang phah ta a ni. Aizawl Venglai fans te kha chu awm lo se result dang kan hmuh a rinawm, khata Aizawl Venglai fans kan hmuhte khan SemiFinal ah chuan an veng ngei an rawn au tawh dawn a, Sihphir mah an au phur thei chuan an veng player te phei chu an va au phur thei dawn em!

Team
Player tha tak tak an kawl nual a, keeper atanga an bench thlengin player chhia han tih tur an awm lo. Round of 16 chinah chuan Aizawl Venglai tan David Lalthansanga (Arhima Striker) a hlauhawm thei hle a, goal pawh vawi 3 lai a thun tawh bawk. Amah pui tur hian an Captain leh senior player David M.S. Tluanga a awm a, Northeast Games Champion team ami Ramengmawia leh Edenthara an la neih cheu avangin goal thun tur chu an nei niin a lang. Anmahni chawmtu tur hian nikum Red Ribbon Best Player MS-a te an la nei cheu a, MS-a duhtawka a tal theihnan defensive midfielder tha BJ-a a awm bawk. Hemi bakah hian Semi Final atang hian Laltuakliana (Tuaka) a khel thei tawh dawn a, a ni hi a fit tha anih phawt chuan hmun tina awm thei an tih ang chi hi a nih bakah ball fing tak tak a la pe thei cheu. MS-a leh Tuaka hi an dip lo anih vek vek chuan an hlauhawm viau ang. Defence lamah Malsawma Chhangte (Langsning F.C. Captain) hovin a phui tha tura ngaih a ni bawk nen Aizawl Venglai hi an Champion lovang tih sawi a har ta khawp mai le.

Aizawl Venglai Key Player

Hming: R. Malsawmtluanga
Pa Hming: Laldawngliana
Veng/Khua: Darlawn
Fav. Player (World): Xavi, Scholes, Messi
Fav. Coach (Mizo) : Mala
Fav. Club: F.C. Barcelona
Red Ribbon a boot bun: Adidas
Boot Size: 7
Mizo player zinga tha tih ber: Robert Lalthlamuana
Defender hmachhawn tawh a, tha la tih ber: Hruaia (Durtlang)
Striker ball pek nuam tih ber: Samuel-a (Dinthar)

ZoFooty hi i hre tawh ngai em? I hriat tawh chuan engnge i hmuh dan? Insiamthatna kan mamawh lai nia i hriat engnge?
Aw hre tawh e, tha ka ti a, Mizote tan football tih hmasawnna tha tak a ni in ka hria.
A tam thei ang ber hi local football chanchin hi rawn update zung zeng thei ula, chuan phai lama Mizo footballer-te chanchin nen.

Hming: Malsawma Chhangte
Pa Hming: C. Lalthianghlima
Veng/Khua: Champhai
Fav. Player (World): Vidic
Fav. Coach (Mizo) : Darlonga
Fav. Club: Manchester United
Red Ribbon a boot bun: Adidas
Boot Size: 8
Mizo player zinga tha tih ber: Sawmtea (Champhai)
Striker hmachhawn tawh a, tha la tih ber: David M.S. Tluanga (1st MAP)

ZoFooty hi i hre tawh ngai em? I hriat tawh chuan engnge i hmuh dan? Insiamthatna kan mamawh lai nia i hriat engnge?
A tha ka ti khawp mai, mahse hei ai hian update deuh thei sela. In update tho nangin hei ai hian ala update theih ka ring.

Video: Aizawl Venglai player tangkai Bj-a’n Mizoram tan NorthEast Games Football Final-ah penalty a petgoal