Red Ribbon ka hmel hriat ve tak tak ta!

Posted on March 31, 2012March 31, 2012 by H.Lalremruata

3 min read

Tun hma kum tlem liam tawhah khan Football Team te nei ve ṭhinin, kan ram ṭhalaite ruihtheih thil a an lo fihlim nan leh football tih hmasawn nan tiin ka neih chhun te te ka seng ral ve thin a ni. Football tournament hrim hrimah khang hun lai khan Prize money vang hi chuan inkhelhin awmzia chu a la nei pha vak lo a ni. Mahse khang hun lai a kan lo tih hram hram avang te khan player thenkhatte chuan phai team lian zawkah an khel a, thenkhatin dinhmun sang zawk an lo luah ve mek bawk a a lawmawm hle mai.

Hun rei tak chhung aṭangin Red Ribbon Football Tournament a tel ve an tum avangin kan veng pawh nasa takin an inbuatsaih ve a. Mahse hruaitu thenkhat harsatna nei neuh neuh an awm avangin tlai khaw hnuah (thla hnih vel a la awm tihin) hruaitute zing a tel ve turin min rawn sawm ve hlawl mai a. Min rawn sawm chhan pawh ka hre mai a. Red Ribbon Football Tournament hi ka hmuh ve dan chuan kan ram a player tam takte hian sum leh paiah lamah hi chuan an football khelh chhan an hmu ve tanin ka hria a, ka lawm pui tak zet a! Mahse player thenkhat veng/khua hrang hrang ti lawm a pawisa hmun hrang hrang a lo la kual lah bo lo. Hei tak hi chuan duhamna lamah player-te a hnuk lut mek a ni e. Player lei theih a M.F.A lamin dan an siam hi chu chhunzawm zel chi niin ka hria.

Kan referee-te leh linesman-te duh ai chuan an inpuahchahna a tha tawk lo ka ti a. An ni pawh hi an tlan kual peih lo mai ni lovin an fit lo thei em em a, hei hian ham sual a tam phah ka ti a. Player-te leh an fans-te pawh an ti thinur nual a ni. Ka sawi leh duh chu duh aiin official lam te hi duh aiin an nem! Inhremna a na lo thei em mai. Player thenkhatin official-te kut an thlak a, inkhel entu thenkhat lahin medical duty lam te (player na an zawn chhuah laiin) an lo vawm chawrh chawrh thul. A buaithlak tehnuai thin hle mai. Ka lo vei ve leh chu round 16 chinah khan field pahnihah an inkhel lo kha chu duh aiin inkhel a hmuh nawm loh phah in ka lo hre ve mai mai a. A chhan chu Team thenkhat khan an khelh hma a inkhel te result hre lawkin zuai tawkin an khel thin tlat!

A tawp ber dawttuah chuan ZoFooty.com leh Zonet cable tv avangin hmun hrang hrang ah inkhel chanchin kan mizo pui ten an lo hriat theih phah a ka chhuang tak zet a che u! A tawp berah chuan thla thum lai kan lo inbuatsaihna ti thlawn mai tur a, keimahni khelh chhiat vang ni lo va (kha offside goal) kan team an tla kha ka ui!

H.Lalremruata

Red Ribbon ka hmel hriat ve tak tak ta!

Posted on March 31, 2012 by Ahruaia Lil'Foe

Tun hma kum tlem liam tawhah khan Football Team te nei ve ?hinin, kan ram ?halaite ruihtheih thil a an lo fihlim nan leh football tih hmasawn nan tiin ka neih chhun te te ka seng ral ve thin a ni. Football tournament hrim hrimah khang hun lai khan Prize money vang hi chuan inkhelhin awmzia chu a la nei pha vak lo a ni. Mahse khang hun lai a kan lo tih hram hram avang te khan player thenkhatte chuan phai team lian zawkah an khel a, thenkhatin dinhmun sang zawk an lo luah ve mek bawk a a lawmawm hle mai.

Hun rei tak chhung a?angin Red Ribbon Football Tournament a tel ve an tum avangin kan veng pawh nasa takin an inbuatsaih ve a. Mahse hruaitu thenkhat harsatna nei neuh neuh an awm avangin tlai khaw hnuah (thla hnih vel a la awm tihin) hruaitute zing a tel ve turin min rawn sawm ve hlawl mai a. Min rawn sawm chhan pawh ka hre mai a. Red Ribbon Football Tournament hi ka hmuh ve dan chuan kan ram a player tam takte hian sum leh paiah lamah hi chuan an football khelh chhan an hmu ve tanin ka hria a, ka lawm pui tak zet a! Mahse player thenkhat veng/khua hrang hrang ti lawm a pawisa hmun hrang hrang a lo la kual lah bo lo. Hei tak hi chuan duhamna lamah player-te a hnuk lut mek a ni e. Player lei theih a M.F.A lamin dan an siam hi chu chhunzawm zel chi niin ka hria.