Red Ribbon Inter-Village Football Tournament 2012-ah team 222 zet telin, Mizoram Football History-ah chuan team tel tamna ber niin an sawi a. A ropuiin a hlu hle mai. MFA lamin mahni veng leh khua a mi lo pawh player ten an duh chuan an duhnaah tel sak an phal a Player engemawzat chu Aizawl Veng lian leh Sum nei deuh vengah khelin sum an hlawh chhuah phah a, Player-te tan chuan a hlu-in tournament hlawhtlinna pakhat pawh kan ti thei awm e. Player-te tan chuan hetiang tournament hi awm deuh reng mai se a duhawm ngawtin a rinawm. Veng leh Khaw thenkhat erawh chu an player tha-te an chan avanga lunghnur deuh pawh an awm bawk ngei ang. Mahse Player-te tan chuan sum hlawhchhuah theihna remchang a nia a hlu miau si alawm le. Tin, he tournament hian Local Football pawh a tinung zual ni te pawhin a lang bawk.
Thlirna tlang dang atangin heti zawng hian lo ngaihtuah ve ta thung ila. He tournament hian Mizoram Football Player-te tana eizawnna tak tak kawng a tiping niin a lang ve thung a. Tin, Mizo Local Football Player-te zingah rilru nghet cherh chawrh leh Professional rilru pu an tlemzia a tarlangin a hriat bawk. Chutih rual chuan MFA hian Player-te professional an nih theihna kawng hi a la ngaihtuah pha tak tak lo niin a hriat a. Hei ai chuan a league system hrang hrang hi thuam tha-in Mipuite support theih turin ruahmanna kalpui mumal ta zawk se hmasawnna tak tak a thlen ngeiin a rinawm. He tournament hi chu a zo anga, chu zawng chu a ni leh mai. Tin, He tournament-a player inleikual theih leh mahni veng lo-ah pawh khelh theih a nih miau avangin player talent tam tak lo thang tur an thup bo dawn bawk a ni.
Veng tam takah player naupang zawkte tana hun remchang a bo phah a, Khaw tam tak leh veng tam tak rilru a ti down-in ngaihtuahna tha lo tak tak an put phah thei bawk. Aizawl Veng tam tak phei chu Veng leh Khua inkhel ni lo-in player tha lak khawm Club leh Club inkhel ang mai an ni a. Professional Club chu sawi loh Semi-Pro club hawi zawng pawhin tournament hi an kalpui leh chuang si lo. Mizoram Football hmasawnna atana awmze awm lo tournament mai a ni ang tih a hlauhawm. Reilote-ah Fans mumal nei lo First Division Team leh 2nd Division team inkhel kan en leh anga, entu an tlem leh rak rak ngawt ang. Ngaihtuahna tlem sen belh hretin leh tlema inpe leh hretin hei aia league mumal leh mipui-te tan theihtur system mumal tak hi chhawp chhuah tum ta zawk se, kan zoram club awm chhunn chhunte hi Professional Club an niha, a khel player-te pawhin hlawkna mumal zawk an chan theihna turin an thluak hi an sen hret a hun tawh a ni.
Tournament a zo anga khawnge veng hrang hranga khel player-te kha an awm leh tak ang. Phai lam club ten Mizo player-te an zuam lutuk pawh hi MFA lam hian club system mumal tak nen a tihtawp a hun tawh. An duh hun hunah Mizoram pawn club ten Mizo player an duh duh contract pawh sign mumal lo-in an la a, an duh duh a an chhaih buai thinte hi thlir liam mai mai chi a ni ta lo e. Heng zawng zawng humhalha hma la thei chu MFA hi a ni a, chu chu league leh club system mumal tak nen tih theih a ni. Dan tha taka an ken kawh a, State dang club te ruala kan State club-te ke an pen theihna tur a ngaihtuahna an sen hi a hun tawh takzet a ni.
Mizoram atangin 2nd Division I-League Khel team hnih Aizawl FC leh Luangmual FC kumin-ah an awm a, heng club pahnih-te hi eng angin Professional Club an nih theihna tur hian MFA hian a tanpui le? Henga khel Mizo Player-te hi Professional rilru pu thei tur hian eng angin MFA hian a tanpui le. MFA hian tih theih a ngah lutuk. Intihropuinan ni lo a, Mizo leh Mizo-te football-a hma kan sawn tak tak theihna tura ngaihtuahna an sen hi a hun tawh a ni. Intihhotu engemaw riau ni a inhriata ngaihtuahna sen that peih loh hian leh intih eng emaw vel hian khawi ram mah min hruai thleng lo tih chu kan ram hruaitu tam tak atang hian a lang reng bawk. Hmasawnna awm lo mahni intihropuina nge kan duh, mahni lam inthukrua hmasawnna tak tak le.
Note: Hei hi tute emaw va tihbikna a ni lo a, Mizo-te football-a hma kan sawn duhna vang a ni e. Mizo-te hian football hmang hian India hi kan awp thei a ni tih i hre reng ang u. A fawng vuantute tan System mumal nei thei tura thluak tlem sen belh leh chu chu taimakna hmanga hlenchhuah mai a ni e.
discount cialis
cialis generic
generic for cialis
cost of cialis
Cialis online uk
Buy discount cialis
chanmari,venglai, tih vel ho hi champion poh nise ka ngai ropui vak lo an veng players hlang in chhuak se chuan semi final tih vel chu khawilam
post tha tak ani. i ngaihdan hi mi tamtak in an tawmpui khawp ang che. Chutih rual in MFA lam pawn mizo te football a hma kan sawn nan hma a la ve zel a, kan zoram chhung ngei ah hian league system mumal tak chu an la siam ve ngei a rinawm
post thatak ani profesonalism hi a kawng hmang kan hmuh fuh phawt angai ani, players ten kan la hre thiam loa,MFA pawh hian angaihna ala hre rih lo ni in a lang, yma turnament ang mai a, a zawh ve leh a,reh leh nghal mai tournament huai hawt ringawt hi duh tawk mai lo se, leaque chang tlung mipuite mit tlung siam turin hma han la sauh sauh teh se,
post tha hle mai, i ngaihtuahna pawh i seng hnem khawpin ka ring. Ngaidan tlang takin i rawn sawi a, a lawmawm e. Nie, duhdan leh ngaihdan hi a tam a. MFA hnenah te pawh hian thlen ngam ila, a zia ang em aw te ka ti mai mai. MFA lam pawn tan an la nasa hle a, an la ti thuai turah ngai ang
A tha hle mai,hetah mai hian duhtok lo in MFA lamah thlen thei ila,anni tan poh bengvarthlak ngot ang.Khua/Veng tan poh hlokna nasa tak a hril chhuak ngei ang le.
Kan ngaihdan tlang tak takin kan sawi hi kan zalenna a ni satliah lo. Football in hma a sawnna a ni tih hriat tel a tha. Ngaihdan tam tak, lo rem khawm thiam MFA hruaitu kan nei turah ngai ila, format tha zawk a MFA kal theihnan ngaihdan i thawh zel ang u…
A dik khawp mai…’Inter-Village’ a nihna pawh a bo lek2 in ka hria…tin,Mizo te hian football hi kan tuipui tak2 nge veng/khua feeling chauh kan la na tih hi zawhna awm thei ni bawkin ka hria..hetiang renga kan kal anih chuan nakin lawkah football thiam veng/khua ni tur chuan sum ngah deuh veng nih a la ngai thuai ang…a chhan pawh post ami ang deuh hian Red Ribbon leh CYMA tournament vela Lammual khata mipui kan au theih laiin kan 1st Div club te inkhel erawhin entu an haihchham thei viau….chutih rual chuan players te tan erawh hetiang Red Ribbon tournament vel hi chu a hluin pawisa pawh an hlawhchhuak nual awm e..chutih kawngah chuan an thawhrim rah an tel ani mai a..ka lawmpui tho e
good post. A dik khawp mai. Player naupang lar ve lote tan kawng a bo tlat a lawm
Post thalutuk tlat…ka chhiar chhuak dap e MFA hian Mizoram pum huap League an buatsaih ahun tawh lutuk, Mizorampum huap League lian tham kan kan la tlinlo tih reng ringawt mai hi tih chhin awm miah loh aia chaun han ti chhin se kan tling nge tlinlo kan hre mai ang…
Inter-village dik takin kal leh se kan tang tlang nasa zawkin ka ring.
Very Good Post.. Ka chhiar chhuak dap.. Like lutuk…